မြန်မာ့ဆိုင်းဝိုင်း အကြောင်းပြောရင်းနဲ့
ဆိုင်းနဲ့ ပတ်သက်တဲ့ ဟာသတစ်ခုကို သွားသတိရတယ်။ အဲဒါကလဲ ကျုပ်တို့ လှည်းကူးမြို့ရဲ့
ရှမ်းရွာဆိုတဲ့ ရွာမှာပါ။ တောဓလေ့အတိုင်း ရှင်ပြုအလှူဆိုရင် ရန်ကုန်ဆိုင်း ကောင်းကောင်းကို
ငှါးပါတယ်။ ဆိုင်းနာမည်က ဂျက်စတင်း-တဲ့။
ရွာက ငမိုးရိပ်ချောင်းဘေးမှာဆိုတော့
ဆိုင်းကို လှည်းကူးနေ ရှမ်းရွာအထိ မော်တော်နဲ့သယ်ကြပါတယ်။ ကာလသားတွေ တရုံးရုံးနဲ့ပေါ့။
ဆိုင်းသေတ္တာတွေကို ချပြီး
သေတ္တာတွေကို အဖုံးဖွင့်လိုက်တဲ့အခါမှာ ဘယ်ကနေပါလာမှန်းမသိတဲ့ ကြွက်တစ်ကောင် ထွက်ပြေသွားပါတယ်။
သေသေချာချာ ဆက်ရှာတော့ ကြွက်ကလေး လေးကောင်တောင်ပေါက်လို့ပေါ့။
အဲဒီအဖြစ်အပျက်ကို တွေ့လိုက်ရတဲ့
ကာလသားတွေထဲက တစ်ယောက်က အောက်ပါအတိုင်း ပြောပါတယ်။
" ဒို့တွေ ဒီဂျက်စတင်းဆိုတဲ့
နာမည်ကို ပြောင်းလိုက်ကြ၇အောင်၊ ကြွက်စတင်း-လို့"-
အဲဒီအချိန်ကစပြီး ငမိုးရိပ်ချောင်းရိုးမှာတော့
ဂျက်စတင်းကို ကြွက်စတင်း-လို့ပဲ ဟာသနှောပြီး ခေါ်ကြပါတော့တယ်။
မောင်နေခြည် (လှည်းကူးမြေ)
No comments:
Post a Comment