အရှင်ဘုရား ဒေါက်တာဘွဲ့ရပြီလားတဲ့။
သိသူ ခင်သူတွေက တစ်မေးထဲ မေးနေကြတယ်။
မေးသင့်တဲ့ မေးခွန်းပါပဲ။ ကျု ပ်နဲ့ တန်းတူဘ်ေဒါတွေ၊ နောင်တော်ကြီးတွေ၊
ပြီးတော့ ညီငယ်တွေ တော်တော်များဟာ ဒေါက်တာဘွဲ့တွေ ကိုယ်စီရရှိတယ်လို့
ကြားသိရပါတယ်။ အလွန်ဝမ်းမြောက်ဖွယ်ပါပဲ။ ဂုဏ်လည်း အလွန်ယူမိပါတယ်။
ခက်တာက ကျုပ်က ဒေါက်တာဘွဲ့ယူဖို့ကို သိပ်စိတ်မ၀င်စားတာပါပဲ။
အကြောင်းကတော့ ကျုပ်မှာ အဲဒီဘွဲ့နဲ့ ထိုက်တန်တဲ့
အရည်အချင်းမရှိတာပါပဲ။ အရည်အချင်းမရှိပါပဲနဲ့ ဒေါက်တာဘွဲ့တော့
မလိုချင်ပါဘူးလေ။ မဖြစ်ဖြစ်အောင်ကြိုးစားပြီး ဒေါက်တာဘွဲ့ကို
ယူမယ်ဆိုရင်တော့ အခုလောက်ဆိုရင်တော့ ဒေါက်တာဘွဲ့ တစ်ဘွဲ့မကဘူး
နှစ်ဘွဲ့လောက်တောင် ရသင့်နေပါပြီ။ ဟုတ်တယ်လေ၊ ။ ၂၀၀၆-ခုနှစ် ကတည်းက M.A
ဘွဲ့ရထားပြီးတာဆိုတော့ အခု ၂၀၁၄ ဆိုတော့ (၇)နှစ်ကျော်
(၈)နှစ်အတွင်းတောင်ရောက်နေပြီ။ ဒေါက်တာဆိုတဲ့ ဘွဲ့တော့ ရသင့်ပြီပေါ့လေ။
ကျု ပ်စိတ်ကူးနဲ့ တစ်ထပ်တည်းကျတဲ့ အချို့ မိတ်ဆွေအရင်းကြီးတွေလည်း
ဒီအတိုင်းပါပဲ။ စိတ်ဝင်စားမှု့တော်တော် နည်းပါးတာကို တွေ့ရတာပါပဲ။
သူတို့တွေက အမေရိကန်က တက္ကသိုလ်ကြီးတွေမှာ အင်္ဂလိပ်စာကို
အသဲအသန်ကြိုးစားနေလေရဲ့။ ကျုပ်ကလည်း ဘာထူးသလဲ။ ဒီလိုပါပဲလေ။
ခက်တာက ကျုပ်ရဲ့ စိတ်ပဲထင်ပါတယ်။ ဘယ်လိုမှ အဲဒီဘွဲ့ဖက်ကို စိတ်ကူးကို
မရှိတာ။ ဘယ်ကိစ္စမဆို အဓိပတိမတပ်ဘဲနဲ့တော့ ဘာမှဖြစ်လာမှာ မဟုတ်ပါဘူး။
ကျုပ်အဓိပတိတပ်နေတာက အိုင်တီဘာသာရပ်ပဲလေ။ အဲဒီအိုင်တီပေါ်မှာတော့
တော်တော်လေးကို အဓိပတိတပ်ပါတယ်။ အဲဒါကြောင့် ဒီသြစီမှာ အိုင်တီပဲ
ဖိလေ့လာနေတော့တာပါပဲ။ အဲဒီမှာရော ဒေါက်တာဘွဲ့ရမှာလားမေးရင်တော့ အခုမှ
သူငယ်တန်း (ခ)က ခလေးငယ်ပါလို့ ဖြေပါရစေ။
ဒီတော့ အရှင်ဘုရား ဒေါက်တာဘွဲ့ရပြီလားဆိုတဲ့ မေးခွန်းအတွက် အဖြေကတော့ ရှင်းရှင်းလေးပါပဲ။ ဘယ်တော့မှ ရမည်မထင်ပါ။
ခေတ်စနစ်တွေ ပြောင်းလာတော့ မြန်မာပြည်က လူတွေရဲ့ ဒေါက်တာဘွဲ့ကတော့ နေ့စားလရှင်း မူလတန်းပြကျောင်းဆရာ/ဆရာမ ရာထူးတော့ ရမတဲ့။
ဘုန်းကြီးတွေရဲ့ ဒေါက်တာဘွဲ့ကတော့ရော။
အရည်အချင်းပြည့်ဝကြပါစေ။
အရှင်အဂ္ဂဥာဏ (လှည်းကူး)
မောင်နေခြည်-လှည်းကူး
ဆစ်ဒနီ၊သြစတေးလျ၊
၁၄-၅-၂၀၁၄။
No comments:
Post a Comment