ရိုသေမှု့
သြစီမှာ အနေကြာလာတာနဲ့ အမျှ သြစီက ဓလေ့စရိုက်တွေနဲ့ တော်တော်လေးကို ယဉ်ပါးလာခဲ့ပါတယ်။ ဒါပေမယ့် စိတ်ထဲမှာ ဘ၀င်မကျတာလေး တစ်ခုတော့ ရှိပါတယ်။ အဲဒါကတော့ လူကြီးသူမများကို ရိုသေမှု့ နည်းပါးလာခြင်းပဲ ဖြစ်ပါတယ်။ ရုပ်ဝတ္ထုပိုင်းဆိုင်ရာ တိုးတက်မှု့ရှိပေမယ့် စိတ်ယဉ်ကျေးမှု့ပိုင်းမှာ တော်တော်လေးကို ယိုယွင်းလာတာကို တွေ့ရှိရပါတယ်။ အထူးသဖြင့် မိမိတို့ရဲ့ မြန်မာကွန်မြူနီတီအတွင်းက အကြောင်းအရာများကို ကြည့်ပြီး ပြောဆိုခြင်း ဖြစ်ပါတယ်။
အခြားသော ကွန်မြူနီတီတွေတော့ မပြောတတ်ပါဘူး။
မြန်မာလူမျိုးများဟာ မိဘများကို ဘုရားနဲ့ တစ်ဂိုဏ်းထဲထားကြသူများပါ။ ရိုသေမှု့ရှိကြပါတယ်။ မိဘစကားကို နားထောင်ကြပါတယ်။ အဲဒီအချက်ကပင်လျှင် မြန်မာတို့ရဲ့ ချစ်စရာကောင်းတဲ့ အချက်ဖြစ်ပါတယ်။ ယနေ့ သြစီရောက်နေတဲ့ မြန်မာမိသားစု အများစုကတော့ မိဘဖြစ်တဲ့သူတွေက ဘာသာစကားမှာ ခလေးတွေလောက် မ၇ကြပါဘူး။ အဲဒါကိုက အားနည်းမှု့ တစ်ခု ဖြစ်နေတော့တာပါပဲ။
သူတို့ပြောတဲ့ အင်္ဂလိပ်စကားသာ ဘာသာစကားဖြစ်တယ်လို့ ခလေးတွေရဲ့ စိတ်ထဲမှာ ထင်နေပုံပါပဲ။ ပြီးတော့ မိဘက သားသမီးကို ရိုက်ပြီး ဆုံးမခွင့်မရှိပါဘူး။ အကယ်ရွေ့ ခလေးက ရဲကို တိုင်လျှင် မိဘ အဖမ်းခံရနိုင်ပါတယ်။ ဘယ်နေရာဖြစ်ဖြစ် အင်္ဂလိပ်စကားပြောမှ ရတာဆိုတော့ စကားမပြောတတ်တဲ့ မိဘတွေခမျာ သကားပြောတတ်တဲ့ ခလေးတွေကို စကားပြန်လုပ်ပြီး ပြောရပြန်ပါတယ်။ ခလေးတွေကတော့ ဘ၀င်တစ်လုံးနဲ့ပေါ့။ နောက်ပိုင်းကျတော့ အိမ်မှာ မိဘပြောစကားက အရာမ၀င်တော့ပါဘူး။ မိဘတွေ တဖြေးဖြေးနဲ့ ဘေးရောက်ကြရတော့တာပါပဲ။ မိဘကို ရိုသေရမည် ဆိုတာကတော့ ဝေလာဝေးပါ။
တစ်ချို့မိဘများဆိုရင် သူ့သားသမီးတွေကို မမေးပဲ စာရေးသူကို လာမေးလို့ လိုက်လံဖြေရှင်း ကူညီပေးခဲ့ရပါတယ်။ ဒါက ဥပမာ နဲနဲလောက်ပါပဲ။ ကြာတော့ မိဘတွေခမျာ အထီကျန် ဆန်ပြီး ဘ၀ကို ဆက်လျှောက်နေရပါတယ်။ ဒါကြောင့် စာရေးသူဟာ ဆစ်ဒနီမှာ ယဉ်ကျေးမှု့ သင်တန်းပြတဲ့ အခါ မိဘတွေကို ရိုသေဖို့၊ ဂါရ၀တရား နိဝါတတရားတွေ ထားတတ်ဖို့ကို အထူးအလေးပေးပြီး သင်ပြပေးပါတယ်။ မိဘတွေအပေါ်မှာ ရိုသေမှု့ကင်းရင် ကျန်တဲ့သူတွေ အပေါ်မှာတော့ ပြောစရာတောင် လိုမည်မထင်ပါ။ သြစီနေ မြန်မာကွန်မြူနီတီဝင်ဖြစ်တဲ့ တိုင်းရင်းသားတိုင်းမှာ ဒီအဖြစ်တွေဟာ နေစဉ်နဲ့ အမျှကြားရ၊ မြင်ရနေတာပါပဲ။
ကြံဖန်ပြီး ဂုဏ်ယူချင်တယ် ဆိုရင်တော့ ပြောစရာ တစ်ခုရှိပါတယ်။
အဲဒါကတော့ သြစတေးလျနိုင်ငံမှာ ဖြစ်ခဲ့တဲ့ မှု့ခင်းတွေအားလုံးမှာ မြန်မာလူမျိုးတွေကြောင့် ဖြစ်ရတဲ့ မှု့ခင်းက ရာခိုင်နှုန်း အနည်းဆုံးလို့ ဆိုပါတယ်။
မိဘကို ရိုသေမှု့မရှိတဲ့ သားသမီးဟာ ဘယ်လောက်ပဲ ပညာတတ်တတ် အလကားပါပဲ။ မိဘက မိဘပါ။ သားသမီက သားသမီးပါ။
စိတ်ကူးထဲမှာတော့--- ဒီလိုသားသမီးမျိုး ငါတို့မြန်မာပြည်မှာ ဆိုရင်တော့-------------
သေချာပါတယ်။ ယဉ်ကျေးမှု့ မရှိရင် မတိုးတတ်နိုင်ပါဘူး။
မတူတာလေးတွေကို ပြောပါတယ်။
နောက်တစ်ပတ်မှာ ပြန်ဆုံကြတာပေါ့။
No comments:
Post a Comment