နိုင်ငံတိုင်း နိုင်ငံတိုင်းမှာ သူတို့ရဲ့ နိုင်ငံအတွက် သတ်မှတ်ထားတဲ့ အလံတွေရှိကြပါတယ်။ မြန်မာပြည်မှာလဲ နိုင်ငံတော်အလံ ရှိပါတယ်။ မြန်မာပြည်က လူတွေက ကိုယ့်နိုင်ငံက အလံကို တော်တော် လေးစားတာကို တွေ့ရပါတယ်။ စာသင်ကျောင်း စတက်စဉ်ချိန်ကတည်းက စတင်ပြီး နိုင်ငံတော်အလံကို ကမ္ဘာမကြေ သီချင်းနဲ့ အလေးပြုခဲ့ရပါတယ်။ ရွာကျောင်းရဲ့ အသင်းခေါင်းဆောင် ဖြစ်တဲ့အချိန်မှာလဲ နိုင်ငံတော်အလံကို လေးလေးစားစား လွှင့်တင်ခြင်း၊ ညနေပိုင်းကျောင်းလွှတ်ခါနီးမှာ နိုင်ငံတော် အလံကို မြေကြီးကို မထိအောင် သတိနဲ့ ပြန်ချပြီး ကျောင်းအုပ်ဆရာကြီးကို ပြန်အပ်ရပါတယ်။ နောက်နေ့ ကျောင်းတက်ရင်လဲ ဒီလိုပဲ နိုင်ငံတော် သီချင်းဆိုပြီး ကျောင်းတက်ခဲ့ရပါတယ်။ တဖြေးဖြေး အတန်းတွေကြီးလာပြီး မြို့ကျာင်း ရောက်သွားခဲ့တော့လဲ ဒီလိုပါပဲ။ နိုင်ငံတော် အလံကို တလေးတစားရှိလှပါတယ်။
မဆလခေတ်တုံးက ပြည်ထောင်စုနေ့နီးပြီဆိုရင် ပြည်ထောင်စု အလံတော်ကို တတိုင်းပြည်လုံး လက်ဆင့်ကမ်း သယ်ဆောင်လေ့ရှိခဲ့ပါတယ်။ စကားတစ်ခွန်းကြားဘူးပါတယ်။ ဟုတ်လား၊ မဟုတ်ဘူးလားတော့ မသိပါ။ အဲဒီစကားကတော့ - နိုင်ငံတော် အလံကို ကိုင်ဆောင်သူဟာ နိုင်ငံတော်အလံကို တည့်မတ်စွာ ကိုင်ဆောင်ရပါတယ်။ အကယ်ရွေ့ ယိုင်သွားလျှင် (သို့) စောင်းသွားလျှင် (သို့) ပြုတ်ကျသွားလျှင် ဘေးက အစောင့်ရဲ့ သေနတ်နဲ့ ပစ်သတ်ခြင်းကို ခံရနိုင်တယ်လို့ ကြားမိပါတယ်။ လေးစားတတ်အောင် လူကြီးသူမများက ဆုံးမခြင်းလဲ ဖြစ်နိုင်ပါတယ်။ သေချာတာကတော့ မြန်မာလူမျိုးများက နိုင်ငံတော်အလံကို အရမ်းကို လေးစားကြတာပါပဲ။
ဒီသြစီမှာတော့ များသေားအားဖြင့် လေးစားမှု့ မရှိတာကို တွေ့ရပါတယ်။ ဒါကလဲ အရှေ့တိုင်းသား အမြင်နဲ့ ကြည့်လို့လား မသိပါ။ သူတို့ အနောက်နိုင်ငံသားတွေရဲ့ အမြင်နဲ့ဆိုရင်တော့ ဘယ်လိုမြင်မလဲမသိပါ။ နေရာတိုင်နီးပါးမှာ နိုင်ငံတော် အလံကို လေးစားမှု့ နည်းပါးကြပါတယ်။ လူ့အသုံးအဆောင်တွေဖြစ်တဲ့ ဦးထုတ်မှသည် ဖိနပ်အထိ နိုင်ငံတော်အလံကို ရိုက်နှိပ် အသုံးပြုနေကြတာကို တွေ့ရှိနိုင်ပါတယ်။ ဒါတွေဟာ ဈေးဆိုင်တွေ စူပါမားကတ်တွေမှာ တရားဝင်ရောင်းချနေတာကို တွေ့နိုင်ပါတယ်။ စာရေးသူ ရေချိုးခန်းထဲ အသုံးပြုတဲ့ ဖိနပ်ပင်လျှင် နိုင်ငံတော် အလံနဲ့ပါပဲ။ တချို့ အားကစားပြိုင်ပွဲတွေမှာ နိုင်ငံတော် အလံကို ဖြန့်ခင်းပြီး ထိုင်နေကြတာကိုလဲ မမြင်ချင် အဆုံးပါပဲ။
ဒီလိုမြင်ရတာ စိတ်ထဲမှာတော့ တမျိုးကြီးပါပဲ။ တစ်ခုတော့ရှိပါတယ်။ နိုင်ငံတော် အလံကို ဆန္ဒပြပွဲတွေမှာ ခြေထောက်နဲ့ ချနင်းခြင်း၊ မီးရှို့ခြင်းများကိုတော့ သူတို့မကြိုက်ကြပါ။ အဲဒါဘာကြောင့်လဲဆိုတာတော့ သူတို့မှပဲ သိမှာပါ။ ဂုဏ်ယူစရာကောင်းတဲ့ အချက်ကတော့ မြန်မာလူမျိုးတွေဟာ နိုင်ငံတော်အလံကို အရမ်းပဲ ရိုသေကြတယ်ဆိုတာပါပဲ။
မတူတာလေးတွေကို ပြောပါတယ်။
နောက်တစ်ပတ်မှ ဆုံကြတာပေါ့။
No comments:
Post a Comment