စာရေးသူဟာ တောသားတစ်ယောက်ဖြစ်တာမို့ မြန်မာပြည်ရဲ့ တောရွာများမှာ သုံးနေတဲ့ လည်ပေါ်အိမ်သာများကို သုံးခဲ့ရသူပါ။ မြန်မာလူမျိုးများဟာ အိမ်သာရဲ့ အရေးပါမှု့ကို နှစ်အတော်တန်ကြာ မေ့ထားခဲ့ကြပုံရပါတယ်။ ငယ်စဉ်က တက်ခဲ့ရတဲ့ မူလတန်းကျောင်း၊ အလယ်တန်းကျောင်းတွေရဲ့ အိမ်သာတွေကတော့ ပြန်ပြီးတော့ တွေးကြည့်ရင် တော်တော်လေးကို ရွံ့စရာကောင်းလှပါတယ်။ ( အထက်တန်းကျောင်း မတက်ဘူးတော့ အထက်တန်းကျောင်းမှာ ရှိတဲ့ အိမ်သာတွေကိုတော့ အသုံးမပြုဘူးပါဘူး)။ ရန်ကုန်မြို့ထဲသွားချိန် အပေါ့-အလေးသွားချင်ရင် အတော်ကို ဒုက္ခရောက်ရပါတယ်။ အိမ်သာရှာမတွေ့တဲ့ ဒုက္ခပါ။ ရှာတွေ့ပြန်တော့လဲ အရမ်းညစ်ပတ်ပြီး နံစော်နေတဲ့ အိမ်သာများသာဖြစ်ကြပါတယ်။ အများသုံး အိမ်သာတိုင်းလိုလိုမှာ ညစ်ညမ်းသောစာများ၊ အရုပ်များကို ရေးသားထားတာတွေ့နိုင်ပါတယ်။ အခုများတော့ ဘယ်လိုနေသည်မသိပါ။
အဆိုးဆုံး အရာကတော့ အိမ်သာတက်ပြီးလျှင် လက်နှစ်ဖက်ကို စင်အောင်ဆေးပါဆိုတဲ့ ရုပ်မြင်သံကြားကနေ သတိပေးနေရတဲ့အခက်ပါပဲ။ မြန်မာလူမျိုးတွေ ကျန်းမာရေးအသိ တော်တော်နည်းပါးနေတာကို မီးမောင်းထိုးပြနေသလိုပါပဲ။
ဒီသြစတေးလျနိုင်ငံရဲ့ အများပြည်သူ အသုံးပြုတဲ့ နေရာတိုင်းအားလုံးမှာ အများအသုံးပြုနိုင်တဲ့ အိမ်သာများကို တည်ဆောက်ပေးထားတာပါပဲ။ ယောက်ကျားသက်သက် မိန်းမသက်သက်ပေါ့။ ပြီးတော့ ဆွံ့အ နားမကြားသူတွေအတွက် သီသန့်အခန်းပါ တည်ဆောက်ပေးထားပါတယ်။ အိမ်သာတိုင်းမှာ တစ်ရှူးအပြည့်ထည့်ပေးထားပါတယ်။ အသုံပြုပြီးရင် လက်ဆေးဖို့ ဆပ်ပြာရည်လဲ စီစဉ်ပေးထားပါတယ်။ ပြီးတော့ လက်အခြေက်ခံတဲ့စက်ကိုလဲ ထားပေးပါတယ်။
အိမ်သာတိုင်းက အမြဲတမ်းမွှေးနေပါတယ်။ အမြဲတမ်း သန့်ရှင်းနေတဲ့ ၀န်ထမ်းလဲ ရှိပါတယ်။ အိမ်သာ အသုံးပြုခလဲ ပေးစရာမလိုပါ။ မရွံရှာတဲ့သူဆိုရင် အစားအသောက်တောင် စားလို့ရပါတယ်။ အိမ်သာတိုင်းကတော့ ဗိုလ်ထိုင်တွေချည်းပါပဲ။ တစ်ချို့တစ်ချို့သော အိမ်သာတွေမှာတော့ မူးယစ်ဆေးဝါး သုံးစွဲသူများအတွက် ၄င်းတို့အသုံးပြုခဲ့တဲ့ ဆေးထိုးအပ်များထည့်ဖို့ သီးသန့် ပုံးငယ်များထားရှိပေးပါတယ်။
မြန်မာပြည်မှာ ဒီလောက်ကောင်းစရာမလိုပါ။ အများပြည်သူ အသုံးပြုနိုင်တဲ့ သန့်ရှင်းတဲ့ အိမ်သာများ နေရာတိုင်မှာ ထားရှိပေးဖို့ သက်ဆိုင်ရာကို တိုက်တွန်းချင်ပါတယ်။
အိမ်သာတက်ချင်ပါလျက် တက်ရမည့်အိမ်သာကို ရှာရတဲ့ ဒုက္ခဘယ်လောက်ကြီးတယ်ဆိုတာကို ခံစားဖူးသူများသာသိကြပါသည်။
နောက်တစ်ပတ်မှ ဆက်ရေးတာပေါ့။
No comments:
Post a Comment