ဘိုးဘွားပိုင်လယ် ဧက ၈၀ ကျော် အငြင်းပွားမှုနှင့် ပတ်သက်၍ လှည်းကူးတွင် ဆန္ဒပြ

စီတန်းလှည့်လည် ဆန္ဒပြနေသည်ကို ဇူလိုင် ၅ ရက် နံနက်ပိုင်းက တွေ့ရစဉ် (ဓာတ်ပုံ-သက်မှူးပိုင်(လက))

ဘိုးဘွားစဉ်ဆက် လုပ်ကိုင်လာခဲ့သော လယ်မြေ ၈၅ ဧကပေါ်မှ ဖယ်ရှားခိုင်းနေခြင်းကို သက်ဆိုင်ရာမှ ဖြေရှင်းပေးရန်နှင့် လယ်သမားများအား ကျူးကျော်နေထိုင်သူအဖြစ် တရားစွဲဆို နေခြင်းများအား ရပ်တန့်ပေးရန်အတွက် ဇူလိုင် ၅ ရက် နံနက် ၉ နာရီမှ ၁၀ နာရီထိ လှည်းကူးမြို့ နိဗ္ဗာန်ဆိပ် ဦးဘုန်းကြီးကျောင်းရှေ့မှ လှည်းကူးမြို့နယ် မြေစာရင်းရုံးရှေ့ထိ လူအင်အား ၃၀ ခန့်မှ ငြိမ်းချမ်းစွာ စီတန်းလှည့်လည် ဆန္ဒပြခဲ့ကြောင်း သတင်းရရှိသည်။

အငြင်းပွားမှု ဖြစ်ပွားသည့်မြေမှာ ရန်ကုန်-မန္တလေး အမြန်လမ်းအနီး၊ လှည်းကူးမြို့နယ်၊ စခန်းကြီး ကျေးရွာအုပ်စု၊ ကွင်းအမှတ် ၉၇၈ နှင့် ကလီထော် အနောက်ကျေးရွာအုပ်စုမှ ကွင်းအမှတ် 1000A တို့ရှိ မြေ ၈၅ ဧကဖြစ်ကြောင်း သိရသည်။

"ကျွန်တော်တို့ ဒီမြေတွေပေါ်မှာ လုပ်ကိုင်စားသောက်လာတာ နှစ်လေးဆယ် ရှိနေပါပြီ။ အဲဒါကို ရန်ကုန်မြို့တော် စည်ပင်က ရာဖြတ်ဌာနမှူး ဦးဝင်းမောင်ပါ သုံးဦးကနေ ၁၉၉၃ ခုနှစ်ကစပြီး လုပ်ပိုင်ခွင့် ကျတယ်ဆိုပြီး ဒေသခံတွေကို ၂၀၁၁ ထဲမှာစပြီး ဖယ်ခိုင်းပါတယ်။ အဲဒီတုန်းက လျော်ကြေးပေးတာမျိုး မဟုတ်ဘဲ ပြောင်းရွှေ့ကြေးဆိုပြီး တစ်ဦးကို နှစ်သိန်းပေးတယ်။ အဲဒီမှာ ရှစ်ဦးကပဲ နှစ်သိန်းယူပြီး ပြောင်းသွားတယ်။ ကျန်တဲ့သူတွေက ကိုယ့်မြေပေါ်မှာပဲ ဆက်နေကြတာ။ အခုသူတို့က ကျွန်တော့်အမေ ဒေါ်အမာကြည်ကို ကျူးကျော်နေထိုင်မှုနဲ့ မြောက်ပိုင်းခရိုင် တရားရုံးမှာ တရားစွဲထားတယ်" ဟု ဆန္ဒပြရာတွင် ပါဝင်သည့် ကိုစည်သူက ဆိုသည်။

"အန်တီတို့က ဘိုးဘွားစဉ်ဆက် လုပ်လာကြတဲ့ လယ်တွေဆိုတော့ ပိုင်ဆိုင်ခွင့် လျှောက်တာတွေဘာတွေ လုပ်မထားတဲ့သူတွေ ရှိတယ်။ ဒါပေမယ့် အထောက်အထားရှိတဲ့ သူတွေလည်း ရှိတယ်။ ဖယ်ခိုင်းတဲ့ သူတွေထဲမှာ" ဟု မြေ ၄ ဧက ပိုင်ဆိုင်သည့် ဒေါ်အမာကြည်က ဆိုသည်။

"ကျွန်တော်တို့က လယ်ယာမြေ စုံစမ်းရေး ကော်မတီတို့၊ နိုင်ငံတော် သမ္မတတို့၊ ရန်ကုန်တိုင်းဒေသကြီး ၀န်ကြီးချုပ်တို့ဆီကို ဖြေရှင်းပေးဖို့ စာပို့တာလည်း မထူးသေးဘူး။ ကျွန်တော်တို့ အနေနဲ့က လယ်သမားတွေ မြေယာမှတ်ပုံ တင်ရတဲ့အထိ ဆက်လက်ကူညီ သွားမှာပါ" ဟု မတူကွဲပြားခြင်းနှင့် ငြိမ်းချမ်းရေးပါတီမှ အလုပ်အမှုဆောင် အဖွဲ့ဝင် ဦးဆန်းထူးက ပြောကြားသည်။

Ref: http://news-eleven.com/local/yangon-news/20776