Wednesday, 19 December 2012
လက်တစ်ဆုပ်စာ အနူပညာရှင်များသို့
လက်တလော သြစတေးလျရှိ မြန်မာကွန်မြူနီတီကြားမှာ သတင်းတစ်ပုဒ်ကျော်ကြားနေပါတယ်။ အဲဒါကတော့ သတင်းကောင်းမဟုတ်တဲ့ Notorious သတင်းဆိုးလေးပါဘဲ။
မြန်မာပြည်မှ သြစတေးလျသို့ မြန်မာ့ယဉ်ကျေးမှု့အနုပညာပွဲများဖြေဖျော်ရန် မြန်မာ့ရုပ်ရှင်နှင့် ဗီဒီယို သရုပ်ဆောင်များကို နှစ်စဉ်နှစ်တိုင်း ငွေကုန်ကြေးကျ များစွာဖြင့် ဖိတ်ကြားခဲ့ပါတယ်။
ဒါပေမယ့် ယခုနှစ်တွင် ဖိတ်ကြားခံရသော တစ်ချို့တစ်ချို့သော မြန်မာ့ရုပ်ရှင်သရုပ်ဆောင်များရဲ့ မသင့်တော်သော အပြုအမူများ၊ စရိုက်များကြောင့် မြန်မာတို့၏ ယဉ်ကျေးတဲ့ အသိုင်းအ၀ိုင်းကြားမှာ အကျည်းတန် ရုပ်ဆိုးစေခဲ့ပါတယ်။
တစ်ချို့သော ရုပ်ရှင်သရုပ်ဆောင် (အမ)ကတော့ မတင့်သော်သော အ၀တ်အစားများကို ၀တ်ဆင်ပြပါတယ်။ ကာစီနိုလောင်းကစားရုံသွားပြီးတော့ လောင်းကစားလုပ်ကြပါတယ်။ ပြောင်ပြောင်တဲ့ ၊ တဲ့တဲ့ပြောင်ပေါ့။ တစ်ချို့သော ရုပ်ရှင်သရုပ်ဆောင် (အထီး)ကတော့မူးယစ်ဆေးဝါး သုံးစွဲရာ ဆုကြေးငွေကုန်ရုံတင်မက အတူပါလာသူတွေ(အားလုံးနီးပါး) ဆီက ငွေချေးရတဲ့တဲ့ အထိပါပဲ။ (မှတ်ချက်=အရက်သောက်ခြင်းမျှကို မဆိုလိုပါ။) ဒါတောင်မှ တစ်လလောက် ဗီဇာရလို့ပါပဲ၊ မြန်မာပြည်လို မူးယစ်ဆေးဝါးလွယ်လွယ်နဲ့ ရနိုင်တဲ့နိုင်ငံမှာဆိုရင်တော့ မည်မျှလောက်သော အနုပညာရှင်များ (အထီး+အမ) မူးယစ်ဆေးရဲ့ သားကောင်တွေဖြစ်နေလဲမသိပါ
ကျော်ဟိန်းကို လူတိုင်းသိပေမယ့် ကျော်ဟိန်းကတော့ လူတိုင်းကို မသိပါဘူးဆိုတဲ့ စကားလေးလိုပါပဲ မြန်မာ့ရုပ်ရှင်နှင့် ဗီဒီယို သရုပ်ဆောင်တိုင်းကို မြန်မာလူမျိုးတွေက သိကြပါတယ်။ လူသိများထင်ရှားသူတွေ အနေနဲ့ မိမိတို့ရဲ့ မြန်မာလူမျိုးဂုဏ်ကို ထိန်းဖို့လိုပါတယ်။ ဘယ်နေရာမဆို ဦးဆောင်တဲ့ ပုဂ္ဂိုလ် ကောင်းလျှင် နောက်လိုက်ဖြစ်တဲ့သူတွေလဲ ကောင်းလာမှာပါ။
`ရှေကဆောင်နွားလား၊ ဖြောင့်ဖြောင့်သွားက၊ နောက်နွားတစ်သိုက်၊ ဖြောင့်ဖြောင့်လိုက်၏။
ရှေကဆောင်နွားလား၊ ကောက်ကောက်သွားက၊ နောက်နွားတစ်သိုက်၊ ကောက်ကောက်လိုက်၏။`
တောင်ပန်ချင်တာကတော့ အတုခိုးလွယ်ကြတဲ့ မြန်မာ့ခလေးငယ်များရဲ့ ကောင်းမြတ်တဲ့ စရိုက်လက္ခဏာများကို မဖျက်ဆီးကြပါနဲ့လို့။
မောင်ပျံလွှား
Subscribe to:
Post Comments (Atom)
No comments:
Post a Comment