ရှောင်လင် ဘောပွဲ (အပိုင်း-၂) ဟောင်ကောင်မှာ ဆုပေါင်း-၆-ဆု ရထားတဲ့ တကယ်ကောင်းတဲ့ ဇာတ်ကားပါ။

Shaolin Soccer (2001) pt. 2 by karimberdi

ရှောင်လင် ဘောပွဲ (အပိုင်း-၁) ဟောင်ကောင်မှာ ဆုပေါင်း-၆-ဆု ရထားတဲ့ တကယ်ကောင်းတဲ့ ဇာတ်ကားပါ။

Shaolin Soccer (2001) pt. 1 by karimberdi

ဒို့ မြန်မာနိုင်တဲ့နေ့

အောင်ဆန်းကွင်းတစ်ကွင်းလုံး ပရိသတ်က အပြည့်၊ အပြင်လမ်းမပေါ်မှာလဲ ပရိသတ်က သိန်းနဲ့ချည်ပြီးတော့ကို အားပေးနေတာပါ။ မြန်မာ့အလံတွေ၊ မြန်မာနိုင်ရမည်ပါတဲ့ နဖူးစီးတွေ၊ မြန်မာအသင်းဝတ်စုံတွေဝတ်ပြီးတော့ပေါ့။ အများစုကတော့ ယမန်နေ့ညပိုင်းထဲက ညအိပ်ပြီးတော့ကို စောင့်နေကြတာပါ။ မြန်မာ မြန်မာ -ဟူသော အသံတွေဟာ ရန်ကုန်တမြို့လုံးရဲ့ ကောင်းကင်ရံမှာ သောသောညံနေတာပါပဲ။ ကျုပ်လဲ လက်မှတ်တစ်စောင်ကို မနဲရအောင် မှောင်ခိုကနေ၀ယ်လိုက်ရတယ်လေ။အားပေးချက်ကတော့ အားကုန်ပဲ။ ဒီနေ့မြန်မာအသင်း နဲ့ အာဆင်နယ်အသင်းတို့ရဲ့ ထူးထူးခြားခြား ဘောပွဲပါပဲ။

အိမ်ရှင်မြန်မာအသင်းကတော့ အနီရောင်ဝတ်စုံကို ၀တ်ဆင်မှာဖြစ်ပြီး အာဆင်နယ်အသင်းကတော့ အ၀ါရောင်ဝတ်စုံကို ၀တ်ဆင်မှာဖြစ်ပါတယ်။ ဒါပေမယ့် မြန်မာအသင်းရဲ့ အကျီ် င်္မှာ နာမည်နဲ့ နံပါတ်တွေ မပါပါဘူး။ အကျီ င်္တိုင်းရဲ့ နောက်ကျောမှာ မြန်မာလို့ပဲ ရိုက်နှိပ်ထားပါတယ်။ ကွင်းထဲမှာလဲ ပရိသတ်က အပြည့်၊ နိုင်ငံတကာ ရုပ်သံလှိုင်းတွေကလဲ တိုက်ရိုက်ပြသဖို့အတွက် ရောက်ရှိနေပါပြီ။ ထူးခြားတာက ဒီနေ့ပွဲမှာ ကွင်းလယ်ဒိုင်အဖြစ် ကော်လီနာကနေ ဆောင်ရွက်မှာပါ။

နှစ်ဖက်အသင်းသားတွေ ကွင်းထဲဝင်လာပါပြီ။ ဒီတခါမြန်မာအသင်းရဲ့ ကစားသမားတွေရဲ့ ပုံက ယုံကြည်မှု့အပြည့်ရှိတဲ့ပုံပါပဲ။ အာဆင်နယ်အသင်းကို အွန်နရီကနေဦးဆောင်ပြီးတော့ ကစားမှာဖြစ်ပါတယ်။ နိုင်င့တော်သီချင်းသံပြိုင်ဆိုကြတာကလဲ ကြောက်ခမန်းလိလိပါပဲ။ နှစ်ဖက်အသင်းသားတွေကို တာဝန်ရှိတဲ့ လူတွေက လက်ဆွဲနှုတ်ဆက်ကြပါတယ်။ အဲဒီထဲမှာ ထူးထူးခြားခြား လက်ဆွဲနှုတ်ဆက်သူကတော့ အမေစုပါပဲ။ အမေစုက မြန်မာကစားသမားတွေကို လက်ဆွဲနှုတ်ဆက်ရင်း ပါးစပ်ကလဲ တစ်ဦးချင်းရဲ့နာမယ်ကို ခေါ်ပြီး ဒီနေ့ပွဲကို သားတို့ အကောင်းဆုံး စွမ်းဆောင်ကြပါ-ဟု မှာကြားလေရဲ့။

အီတလီဒိုင် ကော်လီနာရဲ့ ခရာမှုတ်သံဖြင့် ဘောပွဲက စတင်ပါပြီ။ ပရိသတ်တွေကလဲ လက်ခုတ်လက်ဝါးတီးပြီး အားပေးပါတယ်။ နှစ်သင်းစလုံးက နာမည်ကျော် အသင်းကြီးတွေဖြစ်နေတော့ ကစားပွဲက အကြိတ်အနယ်ရှိလှပါတယ်။ ပွဲစလို့ ၁၅-မိနစ်အရောက်မှာ အာဆင်နယ်အသင်းက မြန်မာ့ဂိုးအေရိယာမှာ ပြစ်ဒဏ်ဘောရပါတယ်။ ဒါကိုေ၇ှ့တန်းကစားသမား အွန်နရီကနေ လှလှပပကန်သွင်းပါတယ်။ ဒါပေမယ့် မြန်မာဂိုးသမားက ကာကွယ်လိုက်ပါတယ်။ ပရိသတ်ကလဲ မြန်မာ မြန်မာဆိုတဲ့ အသံက ပိုပြီးတော့ ကျယ်လာသလိုပါပဲ။ အားပေးရတာ ရင်ထဲမှာ တဒိန်းဒိန်းနဲ့ပေါ့။

တဖက်နဲ့တဖက် ဂိုးမသွင်းနိုင်ဘူးဖြစ်နေပါတယ်။ အာဆင်နယ်နည်းပြ အာဆင်ဝင်းဂါးက ဒုတိယပိုင်းမှာ နဲနဲနာသွားတဲ့ သူနေရာမှာ ဝေါကော့ကို ထည့်ပြီး ကစားအားမြှင့်ပါတော့တယ်။ ဒါပေမယ့် မြန်မာအသင်းရဲ့ နောက်တန်းတွေကို ကမ္ဘာကျော်အွန်နရီတို့ ဝေါကော့တို့အတွဲ ဘယ်လိုမှ မထိုးဖောက်နိုင်ပါဘူး။ ဒီနေ့မြန်မာအသင်းရဲ့ ကစားပုံကတော့ ဘုရင့်နောင်ဖောင်ဖျက်ပြီးကစားနေကြတာပါပဲ။

ကစားချိန်မိနစ် ၈၈မှာ မြန်မာအသင်းက ပန်နာတီကန်ခွင့်ရပါတယ်။ ဒီပန်နာတီကို မြန်မာအသင်းမှ ကန်သွင်းမှာ ဖြစ်ပါတယ်။ ပရိသတ်ကလဲ ငြိမ်ပြီးတော့ နေပေးပါတယ်။ မြန်မာက အဲဒီပါနာတီကို အာဆင်နယ်အသင်းဂိုးသမားရဲ့ ဘယ်ဘက်ကို ကန်သွင်းလိုက်ရာ ဂိုးဝင်သွားပါတော့တယ်။ မြန်မာပရိသတ်ရဲ့ ဂိုး-ဆိုတဲ့အသံဟာ တပြည်လုံးကို ဟိန်းသွားပါတော့တယ်။ အဲဒီထဲမှာ ကျုပ်ရဲ့ အသံက အကျယ်ဆုံး-လို့ထင်တာပါပဲ။

အဲဒီအချိန်မှာ အသံတစ်သံဝင်လာပါတယ်။ အမေ့ရဲ့အသံပါပဲ။
ငါ့သားထတော့၊ ထတော့၊ နေဖင်ထိုးနေပြီလေ-ဟု။

အိပ်မက်ထဲမှာ မြန်မာနိုင်လို့ ပျော်လို့မ၀သေးဘူး။ အမေနှိုးလိုက်လို့ ကျုပ်ရဲ့ ပျော်နေတဲ့ အပျော်တွေ ဘယ်နားရောက်သွားမှန်း မသိလိုက်ပါဘူး။ ဒါနဲ့ ကျုပ်က အမေ့ကို ပြောလိုက်ပါတယ်။ အမေရယ်....အိပ်မက်ထဲမှာ အာဆင်နယ်ကို မြန်မာနိုင်နေပြီဗျလို့။

အဲဒီအချိန်မှာ အမေက ကျုပ်ကို အခုလိုပြန်ပြောလိုက်ပါတော့တယ်။

အာဆင်နယ် မပြောနဲ့ အင်ဒိုနီးရှားလို အသင်းမျိုးကိုတောင် မြန်မာအသင်းနိုင်တယ်ဆိုတဲ့နေ့ဟာ နောက်ဘုရားပွင့်မယ့်နေ့ပဲ။ သိပ်လဲ ရူးမနေနဲ့----ဟု။

မောင်နေခြည် (လှည်းကူး)
၁၈-၁၂-၂၀၁၃

အသဲလဲနာ မြန်မာလဲကြေ

ပရိသတ်လဲ မမှားဘူး။
 ကစားသမားလဲ မမှားဘူး။
 တာဝန်ရှိသူတွေလဲ မမှားဘူး။

 တောက်.....
 ကြည့်မိတဲ့ ငါကိုက အမှား။

 ဒါပေမယ့်
သက်ဆုံးတိုင် မြန်မာ နဲ့ အာဆင်နယ်ကို အားပေးသွားမယ်။

 မောင်နေခြည်(လှည်းကူး)
 (မြန်မာ+အင်ဒိုပွဲအမှတ်တရ၊ ၁၇-၁၂-၂၀၁၃၊ နံနက်-၁နာရီ ၂၂မိနစ်)

ဖခင် ကွယ်လွန်ကြောင်း လိမ်ညာ၍ နာရေး ထောက်ပံ့ငွေ တောင်းခံသည့် ကစားသမားကို ဇွဲကပင် အသင်း စာချုပ်ဖျက်

၂၀၁၃ ခုနှစ် MNL Cup ပြိုင်ပွဲဝင်ရန် ပြင်ဆင် လေ့ကျင့်နေသော ဇွဲကပင် ယူနိုက်တက် အသင်းသည် အသင်းမှ ကစားသမား တစ်ဦး ဖြစ်သူ ကျောနံပါတ် (၂၀) ကျော်ဖြိုးဦးအား နာရေးကိစ္စ ထောက်ပံ့ ကြေးငွေ ကျပ် (၅)သိန်းကို မတော်လောဘ ဖြင့်လိမ်လည် ရယူရန် ကြိုးပမ်းခဲ့မှု ကြောင့် အသင်းမှ စာချုပ် ဖျက်သိမ်းလိုက်ကြောင်း သိရသည်။ 

ဇွဲကပင် ယူနိုက်တက် အသင်းသည် အသင်းပိုင်ရှင်၏ လမ်းညွှန်ချက်ဖြင့် နည်းပြအဖွဲ့နှင့် ကစားသမား တို့၏ သက်သာ ချောင်ချိမှု၊ သာရေး၊ နာရေး၊ လူမှုရေး ကိစ္စများကို အဆင့်ဆင့်သော ငွေကြေးနှုန်းထား ချမှတ်၍ အစဉ်ထောက်ပံ့ ကူညီပေးလျက် ရှိကြောင်း၊ အဆိုပါ ကစားသမား သည် စက်တင်ဘာ ၄ ရက်နေ့က နာရေးကိစ္စ ထောက်ပံ့ ကြေးငွေကို မတော်လောဘ၊ မသမာသော နည်းလမ်းဖြင့် မိမိ၏ အနန္တဂိုဏ်းဝင် ကျေးဇူးရှင် ဖခင်ဖြစ်သူ ဦးကျော်ဆန်း (အသက် ၅၄ နှစ်) ကွယ်လွန်ကြောင်းကို စာရွက်စာတမ်း အတု များဖြင့် လိမ်လည်တင်ပြ ခဲ့ကြောင်း၊ အသင်းတာဝန် ရှိသူများ အနေဖြင့် အတုပြုလုပ် ထားသည့် စာရွက်စာတမ်း ၃ စောင် တွင်ပါရှိသော လိပ်စာအတိုင်း ကစားသမား၏ နေအိမ်သို့ သွားရောက်ရာတွင် ဖခင် ဦးကျော်ဆန်းမှာ သက်ရှိ ထင်ရှား ရှိနေကြောင်း ညီအစ်ကိုရင်း များက ဖြေကြားသည့် အတွက် ကျော်ဖြိုးဦးသည် မသမာသော နည်းလမ်းဖြင့် လိမ်ညာ၍ နာရေး ထောက်ပံ့ငွေ ရယူလိုသော အပြစ်ကျူးလွန် သည်ကို တွေ့ရှိရကြောင်း၊ 

ထို့ကြောင့် စက်တင်ဘာ ၁၂ ရက်နေ့ နည်းပြများ အစည်းအဝေးတွင် ကျော်ဖြိုးဦး၏ လုပ်ရပ်အတွက် အသင်းမှ ရှုံချ ထုတ်ပယ်ကာ စာချုပ် ဖျက်သိမ်း လိုက်ကြောင်း ဇွဲကပင် ယူနိုက်တက် အသင်းကံမြန်မာနိုင်ငံ ဘောလုံး အဖွဲ့ချုပ် ထံသို့ တုပပြုလုပ် ထားသည့် စာရွက် စာတမ်းများ နှင့်အတူ တရားဝင် စာဖြင့် ပေးပို့ အကြောင်းကြား ခဲ့သည်။

ဇွဲကပင် ယူနိုက်တက် အသင်းသည် ၂၀၁၀ ခုနှစ်မှ စ၍ မြန်မာ နေရှင်နယ်လိဂ် ပြိုင်ပွဲ (MNL) အားဝင်ရောက် ယှဉ်ပြိုင်နေသော အသင်း တစ်သင်းဖြစ်ပြီး ၂၀၁၃ ခုနှစ် ပြိုင်ပွဲတွင် ပရိသတ် အကြိုက် ခြေစွမ်းပြသ နိုင်ခဲ့သော အသင်းတစ်သင်း ဖြစ်သည်။ ဇွဲကပင် အသင်း၏ ပိုင်ရှင်မှာ ဦးလှဌေး ဖြစ်ပြီး လက်ရှိ မြန်မာ အမျိုးသမီး လက်ရွေးစင် အသင်း ဆီးဂိမ်းစ် အောင်နိုင်ရေး ကော်မတီ ဥက္ကဋ္ဌ အဖြစ်လည်း တာဝန် ယူထားသည်။

Ref:Myanmar Football Federation

မြန်မာအသင်း နှင့်ထိုင်းအသင်းတို့ ယှဉ်ပြိုင်ကစားရာ မြန်မာအသင်းက ၂ဂိုး - ၃ ဂိုးဖြင့် ရှုံးနိမ့်သွား

AFC U-14 Girls' Regional Championship 2013
18-6-2013 (17:00) မြန်မာစံတော်ချိန် (4:30)

ဗီယက်နမ်နိုင်ငံ ဟိုချီမင်းမြို့ Thong Nhat Stadium တွင် မြန်မာအသင်း နှင့်ထိုင်းအသင်းတို့
ယှဉ်ပြိုင်ကစားရာ မြန်မာအသင်းက ၂-၃ ဂိုးဖြင့် ရှုံးနိမ့်သွားပါတယ်။

ကမ္ဘာ့ဖလားပွဲ တက်ရောက်ခွင့် ရသွားတဲ့ သြစတေးလျဘောလုံးအသင်း

မနေ့ညက အေအန်ဇက် အားကစားပြိုင်ကွင်းမှာ ကျင်းပပြုလုပ်တဲ့ ခြေစစ်ပွဲမှာ သြစတေးလျအသင်းက အီရတ်အသင်းကို ၁-၀ ဖြင့် အောင်မြင်ပြီး ကမ္ဘာ့ဖလားပွဲ တက်ရောက်ခွင့် ရသွားခဲ့ပါတယ်။
သြစတေးလျဘောလုံးအသင်းအတွက် အနိုင်ဂိုးကို ၈၂ မိနစ်မှာ Josh Kennedy က သွင်းယူပေးခဲ့တာဖြစ်ပါတယ်။

ဒီလိုမျိုး ကမ္ဘာ့ဖလားပွဲ တက်ရောက်ခွင့် ရသွားခြင်းဟာ  သြစတေးလျဘောလုံးအသင်း အသင်းအတွက် လေးကြိမ်မြောက်တက်ရောက်ခွင့် ရခြင်းလည်း ဖြစ်ပါတယ်။

ကမ္ဘာ့ဖလားပွဲ တက်ရောက်ခွင့် ရသွားတဲ့ သြစတေးလျဘောလုံးအသင်းကို ပြည်သူများက Socceroos ဟုခေါ်ကြပါတယ်။

ခြေစစ်ပွဲအောင်သွားတဲ့ မြန်မာအမျိုးသမီး ယူ-၁၉

CONGRATULATIONS MYANMAR U19

Myanmar 3 -1 Chinese Taipei
Myanmar 4 - 0 The Philipines
Myanmar 8 - 0 Hong Kong

AFC U19 Women's Championship Qualification Round 1
-Manila, the Philipines-

 

 

ပွင့်လင်းစွာ အရက်သေစာ သောက်စားမှုကြောင့် ဒဏ်ကြေးဆောင်ခဲ့ရတဲ့ယူကရိန်း သမ္မတ

ဥရောပ ဖလား ပြိုင်ပွဲတွင် အလောင်းအစား အရေး နိမ့်သဖြင့် ယူကရိန်း သမ္မတ မိုင်ကိုလာ အာဇရော့ဗ်အား ဆွီဒင် အသင်း ပရိသတ် တစ်ဦး ဘီယာဝယ် တိုက်ခဲ့ရကြောင်း သိရှိရသည်။

ဥရောပ ဖလား အုပ်စုပွဲစဉ်တွင် ဆွီဒင်နှင့် ပူးတွဲအိမ်ရှင် ယူကရိန်းတို့ မကစားမီက ဆွီဒင် ပရိသတ် အိုလာ ဂျိုစတက်နှင့် ယူကရိန်း သမ္မတတို့သည် ရေဒီယို အစီအစဉ် တစ်ခုတွင် အမေးအဖြေ ကဏ္ဍမှ တစ်ဆင့် စကားပြောဆိုမိပြီး အလောင်းအစား ပြုလုပ်ရန် သဘော တူညီခဲ့ကြသည်။ အကယ်၍ မိမိအားပေးသည့် အသင်းက ရှုံးနိမ့်ပါက ဘီယာဝယ်တိုက်ရန် ဂျိုစတက်နှင့် သမ္မတ အာဇရော့ဗ်တို့ ကတိက၀တ် ပြုထားကြသည်။ အမှန်တကယ် နှစ်သင်း ယှဉ်ပြိုင်ချိန်တွင် ဆွီဒင် အသင်းအတွက် ဇလာတန် အီဘရာဟီမိုဗစ် ဦးဆောင်ဂိုး သွင်းပြီးမှ အင်ဒရီ ရှက်ခ်ျချန်ကို၏ သွင်းဂိုး (၂)ဂိုးကြောင့် ယူကရိန်းက အနိုင် ရသွားသည်။

ယူကရိန်း သမ္မတနှင့် ဘီယာ အတူသောက်နေသည့် ဂျိုစတက်

ထို့ကြောင့် ဂျိုစတက်သည် ကတိအတိုင်း ယူကရိန်းနိုင်ငံမြို့တော် ကိယက်ဗ်ရှိ သမ္မတ အိမ်တော်သို့ သွားရောက်ကာ အာဇရော့ဗ်အား ဘီယာဝယ်တိုက်ခဲ့သည်။ ၎င်းတို့နှစ်ဦးသည် ပျော်ပျော်ရွှင်ရွှင် ဓာတ်ပုံတွဲ အရိုက်ခံကာ အာဇရော့ဗ်က ဂျိုစတက် လက်ဆောင်ပေးသည့် ဆွီဒင် အလံပါ လည်စည်းကို ၀တ်ဆင်ထားသည်။ အသက်(၆၄)နှစ်ရှိ သမ္မတသည် ယခု အလောင်းအစားကို အပျော်သဘော ပြုလုပ်ခဲ့ပြီးနောက် အနိုင် ရသော်လည်း ဒဏ်ကြေးတစ်ရပ် ချမှတ် ခံရသေးသည်။ ယူကရိန်းတွင် နိုင်ငံရေး သမားများအား လူအများ ရှေ့တွင် ပွင့်ပွင့်လင်းလင်း အရက်သေစာ သောက်စားမှု မပြုရန် ကျင့်ဝတ်အရ တားဆီး ထားသောကြောင့် အတိုက်အခံများက ရဲထံ တိုင်ကြားခဲ့သည်။

အတိုက်အခံ ခေါင်းဆောင် တစ်ဦးဖြစ်သူ မိုင်ကိုလာ တိုမန်ကိုက သမ္မတသည် ယခုလို ပွင့်လင်းစွာ အရက်သေစာ သောက်စားမှုမှာ စည်းမျဉ်း ဖောက်ဖျက်မှု အဖြစ် စွပ်စွဲခဲ့သည့်နောက် အာဇရော့ဗ်က ယင်းကို အသာအယာပင် လက်ခံကာ ဒဏ်ကြေးအဖြစ် ယူကရိန်းငွေ (၈၅) ဟရစ်နီးရက်စ်ကို ပေးဆောင်ခဲ့ကြောင်း သိရှိရသည်။

မှ-http://www.soccermyanmar.com/index.php?option=com_content&view=article&id=15589:2012-06-18-03-07-21&catid=94:euro-2012&Itemid=152

ထူးထွေဆန်းပြား လက်ဆောင်များ

ပြီးခဲ့တဲ့ ဘောလုံးရာသီ အပြီးမှာ အမေရိကန် ဂိုးသမားကြီး ကေစီကဲလား ဘောလုံးသမား ဘ၀ကနေ အပြီးတိုင် အနား ယူခဲ့ပါတယ်။ အဲဒီတုန်းက သူနောက်ဆုံး ကစားပေးနေတဲ့ ဆီယက်တဲလ် ဆောင်းဒါးစ် အသင်းက ကဲလားကို ထူးဆန်းတဲ့ လက်ဆောင်တစ်ခု အမှတ်တရ ပေးအပ်ခဲ့တယ်။ အသင်းအတွက် အလုပ်အကျွေး ပြုခဲ့သူ ဂိုးသမားကြီး အတွက် ဆောင်းဒါးစ်က ကျေးဇူးတင်တဲ့ အနေနဲ့ ပေးခဲ့တဲ့ လက်ဆောင်က ပန်းရောင် တောကြမ်းစီး လေးဘီးတပ် ဆိုင်ကယ်ကြီး ဖြစ်ပါတယ်။ တော်တော်တော့ လိုက်မီဖို့ခက်တဲ့ စိတ်ကူးနဲ့ ခုလက်ဆောင်ကို ပေးခဲ့ပုံပါပဲ။ အဲဒီလိုမျိုး ဘောလုံး လောကမှာ ထူးထူးဆန်းဆန်း ပေးအပ်တဲ့ လက်ဆောင်တွေအကြောင်း Four Four Two မဂ္ဂဇင်းက ခုလို ဖောက်သည် ချခဲ့ပါတယ်။

ကံကောင်းစေမယ့် မှင်စာရုပ်ကလေး
(၁၉၉၇)ခုနှစ်က FAဖလား ပြိုင်ပွဲမှာ ချယ်လ်ဆီး အသင်း ဗိုလ်စွဲခဲ့ပါတယ်။ ချယ်လ်ဆီးကို အဲဒီတုန်းက ရုဒ်ဂူးလစ်က ကစားသမား/ မန်နေဂျာအဖြစ် ဦးဆောင်နေတာပါ။ ပြီးတော့ နယ်သာလန်သား ဂူးလစ်ဟာ ချယ်လ်ဆီးရဲ့ ဥက္ကဋ္ဌဖြစ်သူ ကင်ဘိတ်စ်နဲ့ မပြေမလည် ဖြစ်နေတယ်လို့ သတင်းတွေလည်း ထွက်နေခဲ့ပါတယ်။ ဘိတ်စ်ဟာ အသင်းအတွက် ဂူးလစ်က အောင်မြင်မှု တစ်ခု ရယူနိုင်ခဲ့တဲ့ အခါမှာတော့ သူ့ရဲ့ မန်နေဂျာကို လက်ဆောင်တစ်ခု ပေးသင့်တယ်လို့ ယူဆခဲ့ပါတယ်။ အဲဒီတော့ ဂူးလစ်အတွက် ဈေးပေါပေါ မှင်စာရုပ်ကလေး တစ်ခုကို ၀ယ်ပေးခဲ့တယ်။ ဂူးလစ်က "ကျွန်တော့်ကို နောက်တာ ထင်တယ်။ ဘာပဲဖြစ်ဖြစ် ကျွန်တော် မငြင်းခဲ့ပါဘူး။ ဥက္ကဋ္ဌကြီးက ကျွန်တော့်ကို နမ်းချင်ပေမယ့် ရှက်နေတာ ဖြစ်နိုင်တယ်။ ဒါကြောင့်လည်း ကံကောင်းစေတဲ့ အဆောင် မှင်စာရုပ်လေး ၀ယ်ပေးလိုက်ပုံပဲ"လို့ ရယ်ရယ်မောမော ပြောသွားခဲ့ပါတယ်။

ထူးထွေဆန်းပြား လက်ဆောင်များ

ကျေးဇူး သိတတ်တဲ့ အေဗရာမိုဗစ်ခ်ျ
ကိုယ့်ရဲ့ လိုအင်ဆန္ဒကို ဖြည့်ဆည်းပေးဖို့ အကူအညီ ပေးသူကို ကျေးဇူး တုံ့ပြန်တာဟာ ကောင်းမြတ်တဲ့ အပြုအမူပါ။ ချယ်လ်ဆီး အသင်းပိုင်ရှင် ရိုမန် အေဗရာမိုဗစ်ခ်ျဟာ ကျေးဇူး သိတတ်သူ တစ်ဦး ဖြစ်ပါတယ်။ ရုရှားဘီလျံနာကြီးဟာ သူလိုချင်တဲ့ ချယ်လ်ဆီးကို ၀ယ်ယူနိုင်အောင် ကူညီ စီမံပေးသူ ယူဂျင်း ရှက်ဗစ်ဒ်လာကို ပေါင်စတာလင် (၇၅)သန်းတန် ရွက်လှေကြီးတစ်စင်း လက်ဆောင်အဖြစ် ၀ယ်ပေးခဲ့ပါတယ်။ ဒါလောက်နဲ့တင် မလုံလောက်သေးပါဘူး။ ယူဂျင်းက သူဟာ တောင်ဆိတ်တွေရဲ့ အမွေးနဲ့ လုပ်ထားတဲ့ ခေါင်းအုံးလေးတွေကို သဘောကျတဲ့ အကြောင်း အေဗရာမိုဗစ်ခ်ျကို အမှတ်မထင် ပြောခဲ့ဖူးပါတယ်။ ဒါကို မှတ်ထားတဲ့ သူဌေးကြီးက ယူဂျင်းရဲ့ (၁၆)ရာစု လက်ရာ ပြင်သစ် စံအိမ်ကြီးမှာ ထားရှိဖို့ တောင်ဆိတ်မွေး ထည့်ထားတဲ့ ခေါင်းအုံးလေးတွေကို တကူးတက လက်ဆောင် ပေးပို့ လိုက်ပါတယ်။

လိမ္မော်သီး တစ်ခြင်းရဲ့ တန်ဖိုး
ပီနီဇဟာဗီ ဆိုတာ ဘောလုံး လောကမှာ အထူးချွန်ဆုံး အကျိုးဆောင် အေးဂျင့်တစ်ဦးအဖြစ် လူသိများလှပါတယ်။ တကယ်တော့ ဒီအစ္စရေးသားရဲ့ အောင်မြင်တဲ့ ဘ၀ဟာ ထူးဆန်းတဲ့ လက်ဆောင်လေး တစ်ခုကနေ အစပြုခဲ့တယ်ဆိုရင် မမှားပါဘူး။ (၁၉၇၀)ပြည့်လွန် နှစ်ပိုင်းတွေမှာ ဇဟာဗီဆိုတာ တောနယ်လေးတွေမှာ ကျင်လည်နေရတဲ့ ဂျာနယ်လစ် ပေါက်စလေးပါ။ သူဟာ အဲဒီခေတ်က နာမည်ကြီးနေတဲ့ လီဗာပူးလ် အသင်းနဲ့ ရင်းနှီးခွင့် ရချင်တဲ့ အတွက် လီဗာပူးလ် လေ့ကျင့်ရေး ကွင်းကို လှပတဲ့ လိမ္မော်သီး ခြင်းလေးတစ်ခု လက်ဆောင် ပို့ပေးခဲ့တယ်။ လိမ္မော်သီးတွေ အားလုံးက အစ္စရေးမျိုးရင်းတွေ ဖြစ်ပါတယ်။ သူ့ရဲ့ လက်ဆောင်က အလုပ်ဖြစ်သွားတယ်။ လီဗာပူးလ်က သူ့ရဲ့ လက်ဆောင်ကို လက်ခံ ခဲ့သလို ဇဟာဗီကိုလည်း အေးဂျင့်တစ်ယောက် အနေနဲ့ ဆက်ဆံလာခဲ့ပါတယ်။ (၁၉၇၉)မှာတော့ အစ္စရေး နောက်ခံလူ အေဗီကိုဟန် လီဗာပူးလ်ကို ပြောင်းရွှေ့ဖို့ ဇဟာဗီက အဓိက ဆက်သွယ်ပေးခဲ့ပါတယ်။ အဲဒီက စပြီး ဇဟာဗီတစ်ယောက် ကြီးကျယ်တဲ့ အပြောင်းအရွှေ့ ကိစ္စတွေမှာ ပါဝင်ကြိုးကိုင်ခဲ့တာ ဒီနေ့အထိပဲ ဆိုပါတော့။

အရှုံးပေးတဲ့ အနေနဲ့ ပန်းပေးပါတယ်
ရှက်တာဒိုးနက်ခ် အသင်းရဲ့ နည်းပြဖြစ်သူ မာစီယာ လူဆက်စကူဟာ အရှုံးပေးဖို့ ပန်းပေးခဲ့သူ တစ်ယောက်ပါ။ သူဟာ ယူကရိန်း ဘောလုံးပြိုင်ပွဲတွေမှာ အမျိုးသမီး စည်းကြပ်ဒိုင်တွေ သုံးစွဲခဲ့တာကို ပြင်းပြင်းထန်ထန် ဝေဖန်ခဲ့ပါတယ်။ "အမျိုးသမီးတွေ ဆိုတာက သံယောဇဉ်ကို ဦးစားပေးလွန်းတယ်။ တစ်နေ့နေ့မှာ သူတို့ဆုံးဖြတ်လိုက်တာတွေက တစ်သင်းသင်းကို နစ်နာသွားစေလိမ့်မယ်"လို့ လူဆက်စကူက ကန့်ကွက်စကား ပြောခဲ့တယ်။ အဲဒီနောက်မှာတော့ သူ့ကို လိင်ခွဲခြားသူအဖြစ် ရှုတ်ချမှုတွေ ပြင်းထန်လာခဲ့တယ်။ ဒါကြောင့် လူဆက်စကူဟာ သူရည်ရွယ် ဝေဖန်ခဲ့တဲ့ စည်းကြပ်ဒိုင် အမျိုးသမီး နာတာလီယာ ရာချင်စကာယာကို ပန်းစည်းတစ်ခု လက်ဆောင်ပေးပို့ပြီး တောင်းပန်ခဲ့ပါတယ်။ သူ့ရဲ့ လုပ်ပုံက (၁၅)နှစ်သား ချာတိတ်လေး တစ်ယောက် ပထမဆုံး Dateမှာ ရှက်ကိုးရှက်ကန်း ဖြစ်ခဲ့သလိုပဲလို့ ယူကရိန်း သတင်းစာတွေက အရွှမ်း ဖောက်ခဲ့ကြပါသတဲ့။

ကျွေးမွေးချင်၊ ဧည့်ခံ ချင်လွန်းလို့ပါ
အီတလီသား နည်းပြကြီး ဂျီအိုဗန်နီ ထရာပက်တိုနီဟာ ဘောလုံးကို ရူးသွပ်တဲ့ အိုင်ယာလန်သားတွေအတွက် စိတ်ကျေနပ် ဂုဏ်ယူစရာ အောင်မြင်မှု တစ်ခုကို ရယူပေးခဲ့သူပါ။ (၂၀၁၂)ခုနှစ်၊ ဥရောပဖလားအတွက် အိုင်ယာလန်အသင်း ခြေစစ်ပွဲ အောင်မြင်ဖို့ ထရာပက်တိုနီက ဦးဆောင်ခဲ့ပါတယ်။ တစ်နေ့တော့ သူဟာ ဒဗ္ဗလင်မြို့က စားသောက်ဆိုင် တစ်ခုကို ရောက်လာပြီးမှ ပိုက်ဆံအိတ် မေ့ကျန်ခဲ့မှန်း သတိပြုမိတယ်။ အားတုံ့အားနာ ဖြစ်သွားတဲ့ ထရာပက်တိုနီက ဆိုင်ထဲက ပြန်ထွက်မယ် လုပ်တော့ စားဖိုမှူးက သူ့ကို လက်ဆောင်အဖြစ် ဒကာခံပါရစေလို့ တောင်းဆိုခဲ့ပါတယ်။ "ထရာပက်တိုနီကို ကျွန်တော် မသိဘဲ နေမလား။ သူ့ကို သိပ်ကျေးဇူးတင်နေတာလေ"လို့ ဘောလုံးပရိသတ် တစ်ဦးဖြစ်တဲ့ စားဖိုမှူး မန်နျူရယ်လ် ပက်စ်ချီနာက ဆိုပါတယ်။ Mama Mia စားသောက်ဆိုင်က စားဖိုမှူးဟာ လက်ဆောင်မွန် တစ်ခုအနေနဲ့ ထရာပက်တိုနီစိတ်ကြိုက် အီတလီ အစားအသောက်တွေ ဖြစ်တဲ့ ပီဇာ၊ ခေါက်ဆွဲနဲ့ ဘရူရှက်ရှတာတို့ကို ဖွယ်ဖွယ်ရာရာ တည်ခင်း ဧည့်ခံခဲ့ပါတယ်။

ဖိနပ် မယူပါနဲ့ကွာ၊ အဲဒီအစား ...
ဘာမင်ဂမ် စီးတီးအသင်းရဲ့ လူငယ် သင်တန်းသားလေး ဂျိမ်းစ်မာ့ခ်ပိုက် တစ်ယောက် စိတ်လှုပ်ရှားနေပါတယ်။ သူ့ရဲ့ တောင်းဆိုမှုကို သူလေးစားတဲ့ ဘောလုံး သူရဲကောင်းက ငြင်းလိုက်မှာကိုလည်း ပိုက်ခမျာ ကြိတ်စိုးရိမ် နေရတယ်။ နောက်ဆုံးတော့ သူက အားတင်းပြီး ပြင်သစ်လက်ရွေးစင် တိုက်စစ် ကစားသမား အိုလီဗာ ကာပိုဆီကို သွားပါတယ်။ ပြီးတော့ ကာပိုရဲ့ ဖိနပ်ဟောင်းလေး တစ်ရန်လောက်ကို သူ့အတွက် အမှတ်တရ လက်ဆောင်ပေးပါလို့ တောင်းဆိုခဲ့တယ်။ ကာပိုဟာ မြင်မြင်ချင်းပဲ ပိုက်ကို ခင်မင်သွားခဲ့ပါတယ်။ သူက ပြောတယ်။ "ငါ့ဖိနပ် လိုချင်လို့လား။ ဟင့်အင်း။ မပေးဘူးကွာ။ အဲဒီအစား ငါ့ကားကိုယူ"တဲ့။ မမျှော်လင့်ဘဲနဲ့ ပေါင်စတာလင် (၃၀၀၀၀)တန် မာစီဒီးစ်ကား အကောင်းစားကြီးတစ်စင်း လက်ဆောင်ရလိုက်တော့ လူငယ်လေးခမျာ မယုံနိုင်လောက်အောင် မင်သက် နေခဲ့ပါတယ်။ နောက်ပိုင်းမှာ ကာပိုဟာ ပိုက်အတွက် အာမခံကြေး (၁)နှစ်စာကိုလည်း လက်ဆောင်အဖြစ် ပေးသွင်းခဲ့သေးတယ်။ "ဒါဟာ ကာပိုရဲ့ ချစ်စရာကောင်းတဲ့ အကျင့်လေးတွေထဲက တစ်ခုပေါ့"လို့ အဲဒီတုန်းက ဘာမင်ဂမ် မန်နေဂျာ အဲလက်စ် မက္ကလစ်ရ်ှက အမှတ်တရ ပြောပြခဲ့ပါတယ်။

ပျောက်ကွယ်နေတဲ့ လူပုလေး
ဂန်တာနက်ဇာဟာ ဂျာမနီ အသင်းအတွက် ခြေစွမ်းပြ ကစားခဲ့တဲ့ ဂန္ထ၀င် ကစားသမားတစ်ယောက် ဖြစ်ပါတယ်။ ဖန်တီးမှု စွမ်းရည် မြင့်မားတဲ့ ကွင်းလယ်လူကို (၁၉၇၃)ခုနှစ်မှာ ဂျာမန်ကလပ် ဘိုရပ်ရှား မိုချင်ဂလတ်ဘတ်ခ်ျ ထံကနေ ရီးယဲလ်မက်ဒရစ်က ၀ယ်ယူလိုက်ပါတယ်။ နက်ဇာဟာ သူ့ရဲ့ ငယ်မွေးခြံပေါက် အသင်းအတွက် ဘွန်းဒစ်လီဂါ ဆုဖလား (၂)ကြိမ်နဲ့ ဂျာမန်ဖလား (၁)ကြိမ် ရယူပေးပြီးမှ စပိန်ထိပ်သီးဆီ ပြောင်းခဲ့တာပါ။ နက်ဇာ ရီးယဲလ်မှာ ကစားနေတဲ့အချိန် ဂျာမန်ကလပ်ဟာ စနိုးဝှိုက် ပုံပြင်ထဲက လူပုလေးတွေပုံ ပါဝင်တဲ့ အလှဆင် သေတ္တာလေးတစ်လုံး လက်ဆောင် ပေးပို့ခဲ့ပါတယ်။ အံ့ဩစရာက ပုံပြင်ထဲကလို လူပုလေး (၇)ယောက် မဟုတ်ဘဲ (၆)ယောက်ပဲ ဖြစ်နေတာပါ။ ဒီသဘောတရားရဲ့ လျှို့ဝှက်ချက်ကတော့ ခုချိန်ထိ ပဟေဠိ ဆန်နေတုန်းပါပဲ။

ရွှေiPodလေး လက်ဆောင်ပေး
နှစ်ရှည်လများ အမှုတော် ထမ်းခဲ့တဲ့ ၀န်ထမ်းကောင်းတွေကို သူတို့ လုပ်ငန်းခွင်က အနားယူတဲ့အခါ ရွှေသားနဲ့ ဖန်တီးထားတဲ့ လက်ဆောင်မွန်လေးတွေ ပေးအပ်ကြတဲ့ အလေ့အထကို ကြားဖူးမှာပါ။ ဒေးဗစ်ဘက်ဟမ်းလည်း ဒီလို လက်ဆောင်လေး တစ်ခု ရခဲ့ဖူးပါတယ်။ အင်္ဂလန် လက်ရွေးစင် အသင်းခေါင်းဆောင်ဟောင်းဟာ သူချစ်မြတ်နိုးတဲ့ လက်ရွေးစင် အသင်းအတွက် ပွဲ(၁၀၀)ပြည့် ကစားပြီးချိန်မှာတော့ ရွှေသားနဲ့ ပြုလုပ်ထားတဲ့ iPodလေးတစ်ခု လက်ဆောင် ရခဲ့တာပါ။ သူ့ရဲ့ ရွှေရောင် နေ့ရက် အားလုံးကို အင်္ဂလန်အတွက် ပေးဆပ်ခဲ့တဲ့ ဘက်ဟမ်းတစ်ယောက် ခုချိန်မှာတော့ သူ့ရဲ့ ရွှေiPodလေးနဲ့ Angry Birdsဂိမ်းကို ဆော့ကစားရင်း အပျင်းဖြေနေမယ် ထင်ပါတယ်။

ရက်ရောလိုက်ပုံများ
ရုရှားရဲ့ ပြည်နယ်တစ်ခုဖြစ်တဲ့ ချေချင်းညာမှာပါ။ တာရက်ခ်အသင်းရဲ့ ဥက္ကဋ္ဌ ဖြစ်သူဟာ လက်ဆောင်ပေးရာမှာ ရက်ရောလွန်းသူအဖြစ် နာမည်ကြီးခဲ့တယ်။ ဥက္ကဋ္ဌကြီး ရမ်ဇန်ကာဒီရော့ဗ်ဟာ အသင်းအနိုင်ရတဲ့ ပွဲစဉ်တွေ အပြီးမှာ အ၀တ်လဲခန်းထဲ ၀င်လာတတ်တယ်။ အသင်းမှာ ကစားဖူးတဲ့ ဘယ်လ်ဂျီယံ ကစားသမား ဂျိုနသန် လီဂီယာက ကာဒီရော့ဗ်ဟာ လက်ထောက် တစ်ယောက်နဲ့အတူ ၀င်လာပြီး လက်ပတ်နာရီတွေ၊ ကားသော့တွေကို ဂုဏ်ပြုလက်ဆောင်အဖြစ် လိုက်ဝေတတ်တယ်လို့ ဖောက်သည်ချပါတယ်။ တစ်ခါတစ်ခါ ကာဒီရော့ဗ် လက်ဆောင်ပေးဖို့ သုံးစွဲတဲ့ တန်ဖိုးဟာ ယူရို (၇၅၀၀၀)လောက်ထိ ရှိတတ်ပါသတဲ့။ အဇာဘိုင်ဂျန်မှာတော့ အခြေအနေက နည်းနည်း ကွာပါတယ်။ ဘယ်လ်ဂျီယံလို ထိပ်တန်းပြိုင်ဘက် အသင်းကို အနိုင်ရတဲ့ အတွက် လက်ရွေးစင် အသင်းကို ထိုက်ထိုက်တန်တန် ဂုဏ်ပြုမှာပါလို့ အဇာဘိုင်ဂျန် ဘောလုံး အဖွဲ့ချုပ် အကြီးအကဲက ကြေညာတယ်။ ကစားသမားတွေဟာ အဇာဘိုင်ဂျန်သုံး ငွေကြေး (၅၀၀၀၀)မာနတ် ချီးမြှင့် ခံရပါတယ်။ သဘောကတော့ ဘောလုံးအဖွဲ့ချုပ်ရဲ့ လက်ဆောင်ဆိုတာ တစ်ယောက်ကို ပေါင်စတာလင် (၄၀)လောက်စီ ခွဲယူရတယ် ဆိုတဲ့ အဓိပ္ပါယ်ပါ။ တကယ့်ကို ကြီးကျယ်တဲ့ ချီးမြှောက်မှုလို့ စိတ်ပေါက်ပေါက်နဲ့ ရေရွတ် သင့်ပါရဲ့။

အရက်ပဲ ယူမှာပေါ့
ဒီတစ်ခါလည်း ချယ်လ်ဆီး ဥက္ကဋ္ဌဟောင်း ကင်ဘိတ်စ်နဲ့ ပတ်သက်တဲ့ ကိစ္စလေးကိုပဲ ပြောပြချင်ပါတယ်။ (၁၉၈၇)ခုနှစ်က လီဗာပူးလ် တိုက်စစ်ကြယ်ပွင့်ကြီး အီယန်ရက်ရ်ှဟာ လီဗာပူးလ်အတွက် သူ့ရဲ့ နောက်ဆုံးပွဲစဉ်ကို စတမ်းဖို့် ဘရစ်ဂ်ျမှာ ကစားခဲ့ပါတယ်။ ဒီပွဲပြီးရင် ရက်ရ်ှက အင်္ဂလန်မြေကို စွန့်ခွာပြီး အီတလီ ထိပ်သီး ဂျူဗင်းတပ်စ်မှာ သွားကစားတော့မှာ ဖြစ်ပါတယ်။ ဒီတော့လည်း အိမ်ရှင် ချယ်လ်ဆီးရဲ့ ဥက္ကဋ္ဌကြီးက ရက်ရ်ှကို အမှတ်တရ လက်ဆောင် အဖြစ် ဖရက်စ်ကာတီ အရက် တစ်လုံးနဲ့ ချယ်လ်ဆီးအရပ်က ရိုးရာလက်ဆောင် နံနံပင် ပန်းစည်းတွေကို ပေးအပ်ခဲ့ပါတယ်။ နောက်ထပ် နှစ်နည်းနည်းကြာတော့ Four Four Twoက အဲဒီ လက်ဆောင်တွေကို ဘာလုပ် လိုက်သလဲလို့ ဝေလ လက်ရွေးစင် ဂိုးသွင်းစက်ကို အင်တာဗျူး တစ်ခုမှာ မေးမြန်းခဲ့ပါတယ်။ "ပန်းစည်းကို ကျွန်တော် လွှင့်ပစ်လိုက်တယ်"လို့ ရက်ရ်ှက ခပ်တည်တည်နဲ့ ဖြေပါတယ်။ Four Four Twoက အရက်ပုလင်းအကြောင်း ဆက်မေးတော့ "သောက်ပစ် လိုက်တာပေါ့ဗျ"လို့ နှုတ်ခမ်းမွေးနဲ့ ဝေလသားကြီးက မျက်နှာထား တည်တည်ကြီးနဲ့ ပြောသွား ပါလေရော။

မှတ်ချက်။   ။ SM Journal Vol.1 No.29 မှ ဆောင်းပါးအား ပြန်လည်ဖော်ပြပေးထားခြင်း ဖြစ်ပါသည်။
from  http://www.soccermyanmar.com/index.php?option=com_content&view=article&id=15184:2012-05-11-10-14-04&catid=124:other-articles&Itemid=160