တောင်ဥက္ကလာပမြို့နယ်တွင် ကျောင်းကြိုသွားသည့် အမျိုးသမီး၏ပါးကို ဓါးဖြင့် ခြစ်ခဲ့သည့် တရားခံများအား (၃)ရက်အတွင်းဖေါ်ထုတ်ဖမ်းဆီးရမိ

ရန်ကုန်၊ သြဂုတ် ၃၀

၂၆.၈.၂၀၁၃ ရက်နေ့ ၁၄၃၀ အချိန် ဒေါ်ချိုချိုဝင်း၊(၄၆)နှစ်၊(ဘ)ဦးစိန်ဝင်း၊ (၁၀)ရပ်ကွက်၊ တောင်ဥက္ကလာပမြို့နယ်နေသူသည် တောင်ဥက္ကလာပ
မြို့နယ်၊ အ.ထ.က(၃)ကျောင်းသို့ ကျောင်းကြို ရန် ဆိုက္ကားဖြင့်သွားစဉ်
ကျောင်းလမ်းဆုံအရောက်၌ အမည်မသိလူ(၂)ဦးအနက်တစ်ဦးမှ ဆိုက္ကား အားတားကာ ကျန်တစ်ဦးမှသံပြားဝိုင်းဖြင့်ခြစ်ခဲ့သဖြင့် ဒေါ်ချိုချိုဝင်း၏ ယာပါးတွင် ၃လက်မခန့် ဒေါင်လိုက်ပြတ်ရှဒဏ်ရာရရှိခဲ့သောကြောင့် အရေးယူပေးပါရန် ဒေါ်ချိုချိုဝင်းမှ တိုင်တန်းခဲ့၍
တောင်ဥက္ကလာပမြို့မရဲစခန်း (ပ)၃၁၂/၂၀၁၃၊ပုဒ်မ ၃၂၆/၃၄၁/၁၁၄ ဖြင့်
အရေးယူကာစုံစမ်း ဆောင်ရွက်ခဲ့ပါသည်။

အဆိုပါအမှုနှင့်ပတ်သက်၍ရန်ကုန်တိုင်းဒေသကြီးရဲတပ်ဖွဲ့မှူးရုံးရှိ
တပ်ဖွဲ့ဝင်များမှ အချိန်နှင့်တပြေးညီ စုံစမ်းဖေါ်ထုတ်ခဲ့ရာ
ပြစ်မှုကျူးလွန်သူတရားခံများဖြစ်သည့် လှဌေး၊ (ဘ)ဦးကျော်သိန်း၊ (၁၀)ရပ်ကွက်၊ တောင်ဥက္ကလာပမြို့နယ်၊ လှတိုး၊ (ဘ)ဦးစံရင်၊ (၁၃)ရပ်ကွက်၊(၁၀)တောင်၊ သာကေတမြို့နယ်၊
ဟိန်းမင်းလတ်(ခ)အောင်အောင်၊ (ဘ)ဦးဖိုးထောင်၊အားကစားကွင်းဝင်း၊ ဆိပ်ကြီးခနောင်တိုမြို့နယ်၊ မိုးသူ၊(ဘ)ဦးသန်းဌေး၊ မှော်စက်ရပ်ကွက်၊ ဒလမြို့နယ်နှင့် ဇော်ကြီး၊ (ဘ)ဦးသောင်းစိန်၊ ကျန်စစ်သားရပ်ကွက်၊ ဒလမြို့နယ်နေသူတို့(၅)ဦးအား ပြစ်မှုကျူးလွန်ပြီး(၃)ရက်အတွင်း
ဖေါ်ထုတ် ဖမ်းဆီးရမိခဲ့ပါသည်။

အမှုဖြစ်စဉ်မှာ ဒဏ်ရာရရှိသူဒေါ်ချိုချိုဝင်းနှင့်အိမ်ချင်းကပ်လျက်နေ
လှဌေး (မြေပဲယိုလုပ်ငန်း) တို့မှာ မုန့်လုပ်စဉ်အညှော်နံ့ နံသည့်ကိစ္စဖြင့် မကြာခဏစကားများခဲ့ကြသည့်အတွက် လှဌေးမှ မကျေမနပ် ဖြစ်ကာ
ဒေါ်ချိုချိုဝင်း၏ မျက်နှာအားရုပ်ဆင်းပျက်အောင် လုပ်ပေးရန်အတွက်
ထောင်ထွက်(၂)ဦးဖြစ်သည့် လှတိုးနှင့်ဟိန်းမင်းလတ်(ခ)အောင်အောင်
တို့အား ငွေကျပ်(၅)သိန်းဖြင့် ငှါးရမ်းခဲ့ကြောင်း၊ လှတိုးနှင့်
ဟိန်းမင်းလတ်(ခ)အောင်အောင်တို့မှ ၎င်းတို့ကိုယ်တိုင် ကျူးလွန်ခြင်း
မပြုဘဲ မိုးသူနှင့် ဇော်ကြီး တို့(၂)ဦးအားထပ်မံခိုင်းစေခဲ့သဖြင့် အခင်းဖြစ်ပွားသည့်အချိန်၌ ဒေါ်ချိုချိုဝင်းစီး လာသောဆိုက္ကားရှေ့တွင်
ဇော်ကြီးမှပိတ်ရပ်ကာ မိုးသူမှခဲတံချွန်ခေါက်ဓါးဖြင့် ဒေါ်ချိုချိုဝင်း၏ ယာပါးအား ဆွဲခြစ်ကျူးလွန်ထွက်ပြေးခဲ့ကြခြင်းဖြစ်ကြောင်း၊ လှဌေးမှ ငှားရမ်းခငွေကျပ်(၅)သိန်းအား လှတိုးထံပေးအပ်ခဲ့ရာ လှတိုးမှ
ငွေကျပ်(၂၃၀၀၀၀)ယူကာ၊ ဟိန်းမင်းလတ်(ခ)အောင်အောင် အား
ငွေကျပ် (၁၈၀၀၀၀)၊ မိုးသူနှင့် ဇော်ကြီးတို့အား တစ်ဦးလျှင်ငွေကျပ် (၄၅၀၀၀)စီ ခွဲဝေပေး အပ်ခဲ့ကြောင်း စစ်ဆေးပေါ်ပေါက်ခဲ့ပါသည်။

ဒေါ်ချိုချိုဝင်းနှင့် အခင်းဖြစ်နေရာတွင် ပြစ်မှုကျူးလွန်ခဲ့ကြသူ
တရားခံ(၂)ဦးမှာ ရန်ငြိုးရန်စ နှင့် တိုက်ရိုက်ဆက်စပ်ပတ်သက်
သိရှိမှုမရှိဘဲ တရားခံ(၂)ဦးမှ ငွေကြေးရရှိ၍ ပြစ်မှုကျူးလွန်ခဲ့ကြခြင်း သာဖြစ်ကြောင်း သတင်းရရှိပါသည်။

 Ref: Yangon Police

တောင်ဥက္ကလာ ဓားနဲ့ ပါးကို ခြစ်တဲ့ အမှုပေါ်ပြီ

ရန်ကုန်တိုင်း ဒေသကြီး ၊ တောင်ဥက္ကလာပ မြို့နယ် ၊ (၁ဝ)ရပ်ကွက် ၊ အာဿက(၂၂)လမ်း နှင့် (၂၅)လမ်းအနီးတွင် သြဂုတ်လ(၂၇)ရက်နေ့ မွန်းလွဲ (၂)နာရီခွဲခန့်က ဆိုက်ကား စီးလာသူ ဒေါ်ချိုချိုဝင်း မျက်နှာကို ဓားဖြင့် လှီးခဲ့သူ တရားခံများအား ဖမ်းဆီး ရမိပြီး ဖြစ်ကြောင်း သိရပါတယ်။

ဓားဖြင့် လှီးခံရသူ တောင်ဥက္ကလာပ မြို့နယ်၊ (၁ဝ)ရပ်ကွက် နေ သူ ဒေါ်ချိုချိုဝင်း ၊ အသက်(၄၆) နှစ်ဟာ ကျောင်းကြိုဖို့ အာဿက(၂၂) လမ်း အအတိုင်း ဆိုက်ကားစီး လာခဲ့ရာ (၂၅)လမ်းဖြတ် အရောက်မှာ မျက်နှာပြင် အား ဓားဖြင့်လှီးခံရ၍ သင်္ဃန်းကျွန်း စံပြဆေးရုံ အရေးပေါ် ဌာနတွင် (၁၆)ချက် ချုပ်လိုက် ရကြောင်း သိရတယ်။

အိမ်နီးချင်း ရန်ငြိုးထားပြီး  ဒေါ်ချိုချိုဝင်း နှင့် အိမ်နီချင်းဖြစ်သူ ဦးလှဌေး (မုန့် မျိုးစုံလုပ်ငန်း) က လူငှားရမ်း စေခိုင်း ခဲ့တာလို့ သိရပါတယ်။ ကိုယ်တိုင်မလုပ်ဘဲ လူငှားပြီး လုပ်ခိုင်းတာကြောင့်  ကြားက ပူးပေါင်း ပါဝင်သူ အပါအ၀င် တရားခံ (၅)ဦး ဖမ်းဆီးထားကြောင်း သိရပါတယ်။

အဆိုပါ တရားခံတွေကတော့ ရာကွတ် (၃၅)နှစ် ၊ ဟိန်းမင်းထက် (၃၂)နှစ်၊ လှတိုး(၅၃)နှစ် ၊ မိုးသူ (၂၇)နှစ် (မျက်နှာအား ဓားဖြင့်လှီးခဲ့သူ) နှင့် လှဌေး (၅၉)နှစ် (ငှားရမ်းစေခိုင်းသူ) တွေ ဖြစ်ကြောင်း စုံစမ်း သိရှိရပါတယ်။

Ref: Myanmar News Now

ရေကြီးမှုများနှင့် ရေထဲက မြောက်ဥက္ကလာ အထွေထွေရောဂါ ကုသရေး ဆေးရုံးကြီး

 

ရန်ကုန်တိုင်း ဒေသကြီးရှိ မြို့နယ်အချို့တွင် မိုးရွာသွန်းခြင်း၊ ချောင်းရေလျှံခြင်း များကြောင့် ဘုန်းတော်ကြီးကျောင်း၊ စာသင်ကျောင်း၊ လူနေရပ်ကွက်နှင့် ကားလမ်းများပေါ်တွင် သြဂုတ် ၂၂ ရက်နေ့မှစ၍ ၂၃ ရက် နေ့အထိ ရေကြီးမှုများ ဖြစ်ပွားနေကြောင်း သတင်းရရှိသည်။

ရန်ကုန်တိုင်း ဒေသကြီးတွင် သြဂုတ် ၂၃ ရက်နေ့ နံနက်အစောပိုင်းတွင် မိုးသည်းထန်စွာ ရွာသွန်းခြင်း၊ လေပြင်းတိုက်ခြင်း၊ ချောင်းရေလျှံခြင်းနှင့် မြစ်ရေလျှံခြင်းများကြောင့် မရမ်းကုန်းမြို့နယ်၊ လှိုင်မြို့နယ်၊ လှိုင်သာယာမြို့နယ်၊ ရွှေပြည်သာမြို့နယ် အင်းစိန်မြို့နယ်၊ မြောက်ဥက္ကလာပမြို့နယ်နှင့် အခြားမြို့နယ်များတွင် ရေကြီးရေလျှံ မှုများကြောင့် ဖြစ်ပွားခဲ့ကြောင်း သတင်းရရှိသည်။

ရန်ကုန်တိုင်း အတွင်းရှိ မြို့နယ်အချို့တွင် မိုးသည်းထန်စွာ ရွာသွန်းခြင်း၊ လေပြင်းတိုက်ခြင်း၊ ချောင်းရေလျှံပြီး ရေကြီးမှုများ ဖြစ်ပွားသည့်အတွက် စာသင်ကျောင်း အချို့ မှာ ယာယီပိတ်ထားရကြောင်း သိရှိရသည်။

ရန်ကုန်တိုင်း ဒေသကြီး၊ မရမ်းကုန်မြို့နယ်ရှိ အခြေခံပညာ မူလတန်းကျောင်းမှ တာဝန်ကျဆရာမ ဒေါ်ခင်ဝင်းမောင်က ''လောလောဆယ်မှာ ကျောင်းထဲကို ရေ၀င်နေလို့ ယာယီပိတ်ထားရတယ်။ အဲဒီလို ဖြစ်နေတာကို ပညာရေးမှူးရုံးကို အစီရင်ခံထားတယ်။ ရေကအရမ်းကြီးတဲ့ အတွက် ကျောင်းထဲမှာရှိတဲ့ ပန်းအိုးတွေလည်း ရေနောက် မျောပါသွားတယ်။ အိမ်သာတွေ ရေမြှုပ်နေတဲ့အတွက် အခက်အခဲတွေ ဖြစ်လာတယ်။ ရေကျသွားရင်လည်း နုံးတွေနဲ့ အမှိုက်တွေ ကျန်ခဲ့တာကလည်း အခက်အခဲတစ်ခုပဲ။ အခုမနက် ကျောင်းလာတက်တဲ့ ကလေးတွေကိုလည်း ကျောင်းထဲမှာ ရေတွေကြီး နေတဲ့အတွက် စာသင်လို့ မရလို့ ပြန်လွတ်လိုက်ရတယ်'' ဟု ပြောကြားခဲ့သည်။ ထို့နောက် မရမ်းကုန်းမြို့နယ်၊ ကျိုက်ဝိုင်းဘုရား လမ်းပေါ်ရှိ ဘုန်ကြီးကျောင်းများတွင် ရေကြီးရေလျှံမှုများ ဖြစ်ပွားခဲ့ကြောင်း သိရှိရသည်။

''ရေတွေက မနေ့ကတည်းက တက်နေတာ။ အခုမနက်ပိုင်းမှာလည်း မိုးကြီးတဲ့ အတွက်ကြောင့် ရေတွေပိုပြီး တက်လာတယ်။ ဆွမ်းစားဆောင် ထဲကိုလည်း ရေတွေဝင်တဲ့ အတွက်ကြောင့် ဆွမ်းစားရတာ အဆင်မပြေဘူး။ အခုရေတွေကို ရေဆုပ်စက်နဲ့ ထုတ်နေရတယ်'' ဟု ရွှေကျင်ကျောင်းသစ်မှ ဦးပဉ္ဇင်း နရိန္ဒမှ မိန့်တော်မှုသည်။

ထို့အပြင် ရန်ကုန်တိုင်း ဒေသကြီး၊ မြို့နယ်အချို့ရှိ ရပ်ကွက်များရှိ လူနေအိမ်များတွင် နှစ်ရက်ဆက်တိုက် ရေကြီးနေမှုများကြောင့် အချို့နေအိမ်များတွင် ရေများ ၀င်ရောက်ခဲ့ပြီး နေထိုင်စားသောက်မှုများ ဒုက္ခရောက်နေသည့်အပြင် ရေစီးသန်မှုများကြောင့် ကလေးငယ်များ၏ လုံခြုံရေးအတွက် စိုးရိမ်နေမှုများ ရှိကြောင်း ယင်းရပ်ကွက်များတွင် နေထိုင်သူများ၏ ပြောကြားချက်အရ သိရှိရသည်။

''ရေကြီးတဲ့ အတွက်ကြောင့် အိမ်ထဲကို ရေတွေ အများကြီး ၀င်နေတယ်။ မီးဖိုချောင်တွေကို ရေမြှုပ်နေတဲ့ အတွက်ကြောင့် ထမင်းမချက်နိုင်ဘူး။ အပြင်က ၀ယ်စားနေရတယ်။ ရေမြုပ်နေတဲ့အပြင် မီးကလည်းပျက်တော့ နေရထိုင်ရတာ အဆင်မပြေဘူး။ ချော်လဲမှာတောင် ကြောက်ရတယ်။ အိမ်အပြင်ဘက်မှာ ရေစီးသန်တဲ့အတွက် ကလေးတွေကို အပြင် ပေးမထွက်ရဲဘူး'' ဟု မရမ်းကုန်းမြို့နယ်၊ (၃) ရပ်ကွက်၊ မေတ္တာလမ်းတွင် နေထိုင်သူ ဒေါ်လှဝင်းက ပြောကြားသည်။

အဆိုပါ မိုးသည်းထန်စွာ ရွာသွန်းပြီး ရေကြီးမှုများကြောင့် ရေကြီးရေလျှံ ဖြစ်နေသည့် မြို့နယ်များ၏ လူနေရပ်ကွက်များတွင် လူနေအိမ်အချို့မှာ ရေကြီးနေပြီး နေထိုင်ရန် အခက်အခဲရှိသည့် အတွက် နီးစပ်ရာ ဆွေမျိုးများအိမ်၊ စာသင်ကျောင်းနှင့် ဘုန်းကြီးကျောင်းများတွင် ပြောင်းရွှေ့နေထိုင် နေရကြောင်း ရပ်ကွက်နေ ပြည်သူများ၏ ပြောကြားချက်အရ သိရှိရသည်။

လှိုင်မြို့နယ်၊ လှိုင်သာယာမြို့နယ်၊ ရွှေပြည်သာမြို့နယ်၊ မရမ်းကုန်းမြို့နယ် များအပြင် အခြားမြို့နယ်များတွင် မိုးအဆက်မပြတ် ရွာသွန်းပြီး ရေကြီးမှုများကြောင့် လူနေအိမ် ၇၀၀ ကျော်မှာ ရေနစ်နေပြီး ယင်းအိမ်များမှ မိသားစုဝင်များအား ယာယီ ကယ်ဆယ်ရေး အနေဖြင့် စာသင်ကျောင်း၊ ဘုန်းကြီးကျောင်းနှင့် ဓမ္မာရုံများတွင် ပြောင်းရွှေ့နေထိုင် နေရကြောင်း သိရှိရသည်။

မြောက်ဥက္ကလာပ မြို့နယ်တွင် သြဂုတ် ၂၂ ရက်နှင့် ၂၃ ရက်များတွင် မိုးသည်းထန်စွာ ရွာသွန်းမှုကြောင့် ငမိုးရိပ်ချောင်းနှင့် နီးစပ်နေသော ရပ်ကွက်များရှိ လမ်းများ၊ လူနေအိမ်များနှင့် စာသင်ကျောင်းများ အတွင်းသို့ ရေ အမြင့်ပေ ၁ ပေကျော်ခန့် ရေတက်ရောက် ရှိခဲ့ကြောင်း၊ ထို့အတူ ကုန်းမြင့်ရပ်ကွက်များ ဖြစ်သည့်ကျောက်ရေတွင်း ရပ်ကွက်၊ တံတားကြီးရပ်ကွက်၊ ပုရွတ်ဆိတ်ကုန်း ရပ်ကွက်တို့တွင်လည်း ရေတင်မှုများ ဖြစ်ပေါ်ခဲ့ကြောင်း သိရသည်။ ထို့အပြင်(ဆ)ရပ်ကွက်ရှိ မြောက်ဥက္ကလာပ အထွေအထွေ ရောဂါကုသရေးနှင့် သင်ကြားရေး ဆေးရုံကြီး၌ လူနာဆောင်များ အတွင်းသို့ရေများ ၀င်ရောက်ခဲ့ကြောင်း၊ ရေများဆက်လက် မြှင့်တက်လာပါက လူနာများအား ပြောင်းရွှေ့စီစဉ် ထားကြောင်း သိရသည်။

ထို့အတူ မြောက်ဥက္ကလာပ မြို့နယ်ရှိ စာသင်ကျောင်းများတွင် ရေများဝင်ရောက် မှုကြောင့် ဆရာ၊ ဆရာမများက ကျောင်းသား ကျောင်းသူများ ရေအန္တရာယ် မဖြစ်စေရန် သြဂုတ် ၂၃ ရက်နေ့တွင် စာသင်ကျောင်းများ ပိတ်ထားကြောင်း သိရသည်။

မြောက်ဥက္ကလာပ ဆေးရုံကြီး၊ ရိုးရိုး (ကျား)အဆောင်တွင် တက်ရောက် ကုသနေသော လူနာတစ်ဦးက ''မနက်ရှစ်နာရီမှာ ရေတွေတက်လာပါပြီ။ ကြမ်းပြင်အပေါ်ကို ကျွန်တော်အထင် သုံးလက်မလောက်ရှိမယ်။ ရေကလုံးဝ ပြန်မကျဘူး။ ဆေးရုံ အဆောင်တွေရဲ့ အောက်ထပ်တွေ အကုန်လုံး ရေတွေနဲ့ ပြည့်နေတာ။ ရေလွတ်တဲ့ နေရာကို ပြောင်းရွှေ့ပေးတယ် ဆိုတာ လူတိုင်းမဟုတ်ဘူး ထင်တယ်။ ကျွန်တော်တို့ဆီကို ပြောင်းရွှေ့ပေးမယ်လို့ ဘယ်သူမှ လာပြောတာမရှိဘူး။ ဒီလိုပဲ နားလည်မှုနဲ့ ရေလွတ်တဲ့ နေရာတွေကို ပြောင်းနေကြတာ ထင်ပါတယ်'' ဟု ပြောကြားခဲ့သည်။

မြောက်ဥက္ကလာပ မြို့မရဲစခန်းမှ ''ကျွန်တော်တို့ အနေနဲ့ ရေတက်နေတဲ့ ရပ်ကွက် အသီးသီးမှာ သက်ဆိုင်ရာ ရဲကင်းမှူး၊ နယ်ထိန်း၊ လှည့်ကင်း တပ်ဖွဲ့ဝင်များ၊ ရပ်ကွက် အုပ်ချုပ်ရေးမှူး ရုံးတွေက တာဝန်ရှိသူများနှင့် အရန်မီးသတ် တပ်ဖွဲ့ဝင်များနဲ့ ရပ်မိရပ်ဖများ ပူးပေါင်းပြီး ရေမြောင်းတွေ ရှင်းလင်းမယ်။ ရေစီးရေလာ ကောင်းအောင် လုပ်သွားမယ်။ ကုန်စည်ပစ္စည်းတွေကို ရေတွေနဲ့ လွတ်ကင်းရာကို သယ်ဆောင်တာတို့ကို ဆောင်ရွက်ပေးတယ်။ ရေကြီးမှုကြောင့် ရပ်ကွက်အသီးသီးမှာ ပျက်စီးဆုံးရှုံးမှုတွေ မရှိဘူး။ လူသေဆုံးမှုတွေလည်း မရှိပါဘူး'' ဟု ပြောကြားခဲ့သည်။

ရန်ကုန်တိုင်း ဒေသကြီးတွင် သြဂုတ် ၂၂ ရက်နေ့ ပျမ်းမျှ မိုးရေချိန်မှာ (၃၅မမ) ၁ ဒသမ ၄ လက်မရှိကြောင်း Myanmar Climate Change Watch မှ သိရှိရသည်။

Ref: http://myawadynews.blogspot.com.au/2013/08/blog-post_1854.html

 

 

လှည်းကူးသားမောင်းတဲ့ ယဉ်ကို နောက်က၀င်တိုက်လို့ ၁ ဦးသေ ၃ ဦးဒဏ်ရာရ

နေပြည်တော်၊ သြဂုတ် ၂၂

၂၁-၈-၂၀၁၃ ရက်နေ့ ၁၂၂၅ အချိန်ခန့် ရန်ကုန်တိုင်းဒေသကြီး၊ လှည်းကူးမြို့နယ်၊ အမှတ်(၃)လမ်းဆုံ၊ ရန်ကုန်-မန္တလေးအမြန်လမ်း မိုင်တိုင်အမှတ်(၂၀/၂-၃)ကြား ယာဉ်တိုက်မှုဖြစ်ပွားကြောင်း သတင်းအရ အမှတ်(၃)လမ်းဆုံအမြန်လမ်းရဲစခန်းမှတပ်ဖွဲ့ဝင်များသည် သက်သေများနှင့်အတူ သွားရောက်စစ်ဆေးခဲ့သည်။

ထိုသို့စစ်ဆေးရာ ရန်ကုန်တိုင်းဒေသကြီး၊ လှည်းကူးမြို့၊ အောင်မင်္ဂလာ (၃)လမ်းနေ မျိုးတင့်(၄၇)နှစ် မောင်းနှင်လာသော ၁ခ/xxxx ဖူဆို(၆)ဘီးယာဉ်သည် မွေးမြူရေး ကြက်စာအိတ်(၄၀)ကီလိုဂရမ်ပါ(၁၀၀)အိတ်အား တင်ဆောင်ပြီး ရန်ကုန်-နေပြည်တော် ကားလမ်းအတိုင်း မောင်းနှင်လာရာ မိုင်တိုင်အမှတ်(၂၀/၂-၃)ကြား လမ်းလယ်ကျွန်းလမ်းဖြတ်အား ချိုးကွေ့စဉ် ၎င်းယာဉ်နောက်မှ လွိုင်ကော်မြို့၊ နောင်ရာရပ်ကွက်နေ မိုးစက်(ခ)အားပို(၄၃)နှစ် မောင်းနှင်လာသည့် 6F/xxxx အီဆူးဇူးယာဉ်မှ ၀င်ရောက်တိုက်မိသဖြင့် ၁ခ/xxxx ယာဉ်မှာ တိမ်းမှောက်ခဲ့ပြီး 6F/xxxx အီဆူးဇူးယာဉ်မှာရပ်တန့်သွားခဲ့ကြောင်း စစ်ဆေးတွေ့ရှိရသည်။

ထိုသို့တိုက်မိသဖြင့် မိုးစက်(ခ)အားပိုတွင် ယာဘက်နားထင်ကွဲ၊ ယာပါးပေါက်ပြဲ၊ ၀မ်းဗိုက်ပေါက်ပြဲ၊ ခြေသလုံးပေါက်ပြဲဒဏ်ရာတို့ဖြင့် ဆေးရုံသို့ ရောက်ရှိစဉ်သေဆုံးသွားပြီး 6F/xxxx အီဆူးဇူးယာဉ်ပေါ်ပါ ဖယ်ခုံမြို့နေ ဦးအေလိရာကယ် (၃၇)နှစ်တွင် ၀ဲမျက်ခုံးပွန်းပဲ့၊ ယာမျက်ခုံးဖူးရောင်၊ ယာတံတောင်ဆစ် ပေါက်ပြဲ၊ အပေါ်နှုတ်ခမ်းကွဲ၊ အပေါ်သွား(၂)ချောင်းနဲ့ဒဏ်ရာနှင့် တစ်မြို့တည်းနေ ဒေါ်မူမယ်ရီချယ်(၃၆)နှစ်တွင် နဖူးပေါက်ပြဲ၊ ၀ဲလက်ကောက်ဝတ်ပေါက်ပြဲဒဏ်ရာ၊ မျိုးတင့်တွင် ယာတံတောင်ဆစ်ပွန်းပဲ့၊ ယာပေါင်နာကျင်ဒဏ်ရာများ အသီးသီးရရှိသဖြင့် ယာဉ်မဆင်မခြင်မောင်းနှင်သူ မျိုးတင့်နှင့်မိုးစက်(ခ)အားပိုတို့ ၂ ဦးအား အမှတ်(၃)လမ်းဆုံအမြန်လမ်းရဲစခန်းယာဉ်(ပ)၁၅/၂၀၁၃၊ ပြစ်မှုပုဒ်မ ၃၀၄-က/၃၃၇/၃၃၈ ဖြင့် အမှုဖွင့်အရေးယူထားကြောင်း သတင်းရရှိသည်။

Ref: ရဲဇာနည်

ပုညသမ္ဘာရ အသင်း ( လှည်းကူးမြို့) ရဲ့ ၀ဘ်ဆိုက်ကို လေ့လာ ကုသိုလ်ပွားများနိုင်ပြီ။

ပုညသမ္ဘာရ အသင်း ( လှည်းကူးမြို့) ရဲ့ ၀ဘ်ဆိုက်ကို လေ့လာ ကုသိုလ်ပွားများနိုင်ပြီ ဖြစ်ပါတယ်။ ၀ဘ်ဆိုက်ရဲ့ လိပ်စာကတော့ http://ponnyathanbaya.blogspot.com ဖြစ်ပါတယ်။

ဒီဆိုက်မှာ ယင်းအသင်းရဲ့ လှုပ်ရှားမှု့များကို ဓါတ်ပုံများဖြင့် ဖေါ်ပြထားပါတယ်။ 

ယင်း ၀ဘ်ဆိုက်မှာ အခုမှ စတင် စမ်းသပ်ဆဲ ကာလ ဖြစ်ပါသည်။

တရုတ်ဆီငွေချေးဖို့ အစီအစဉ်ကို လှည်းကူးမြို့နယ် ပြည်သူ့လွှတ်တော် ကိုယ်စားလှယ် ဦးဖြိုးမင်းသိန်း ကန့်ကွက်

သမဝါယမ ဝန်ကြီးဌာန အနေနဲ့ တရုတ်နိုင်ငံဆီကနေ အမေရိကန် ဒေါ်လာသန်း ၁၀၀ ချေးယူပြီး ပြည်တွင်းမှာ အသေးစားချေးငွေ လုပ်ငန်းတွေ လုပ်ကိုင်မယ့် အစီအစဉ်ကို ပြည်သူ့ လွှတ်တော်ကိုယ်စားလှယ် တွေက ကန့်ကွက်ခဲ့တယ်လို့ သိရပါတယ်။

တရုတ်နိုင်ငံဆီကနေ အတိုးနှုန်း ၄.၅ ရာခိုင်နှုန်း၊ ဝန်ဆောင်မှု ၁ ရာခိုင်နှုန်းနဲ့ ဒေါ်လာ သန်း ၁၀၀ ချေးယူပြီး ဆင်းရဲမွဲတွေမှု ပပျောက်ရေးအတွက် ငွေချေးလုပ်ငန်းတွေ လုပ်ဆောင်မယ့် အစီအစဉ်အပေါ် ကန့်ကွက်တာ ဖြစ်တဲ့အကြောင်း လှည်းကူးမြို့နယ် ပြည်သူ့လွှတ်တော် ကိုယ်စားလှယ် ဦးဖြိုးမင်းသိန်းက ယခုလိုပြောပါတယ်။

“အဲဒီရတဲ့ငွေကို သမဝါယမ ဝန်ကြီးဌာနကနေ အသုံးပြုမယ်ဆိုတော့ အစ်ကိုတို့က တော်တော်ကို စိတ်ပူပါတယ်။ သမဝါယမ ဝန်ကြီးဌာနက ဘယ်တော့မှ မအောင်မြင်ခဲ့ပါဘူး။ ပြည်သူလူထု ဘဝမြှင့်တင်ဖို့ ဆင်ရဲမွဲတွေမှု ပပျောက်ဖို့ ချေးငွေတွေ တစ်သိန်း လောက်စီ ချေးပေမယ်ဆိုတဲ့ အခြေအနေတွေက ဝမ်းသာစရာကောင်းပါတယ်။ ဒါပေမယ့် တစ်ကယ်လက်တွေ့ ဆောင်ရွက်ပြီး ပုံဖော်မယ့် Performance လုပ်မယ့် ဝန်ကြီးဌာနအပေါ်မှာ အစ်ကိုတို့က သံသယ ရှိတယ်”

၎.၅ ရာခိုင်နှုန်းနဲ့ အတိုးနှုန်းပေးရမယ်ဆိုတာကလည်း မြင့်မားလွန်းနေပြီး တစ်ခြားနိုင်ငံတွေရဲ့ ချေးငွေ အကူအညီဟာ အတိုးနှုန်းထား ၁ ရာခိုင်နှုန်းရဲ့ အောက်မှာပဲရှိတယ်လို့လည်း ဆိုပါတယ်။

ပြည်တွင်း အသေးစားချေးငွေလုပ်ငန်းအတွက် ဝန်ကြီးဌာန ဆောင်ရွက်ရမယ့် အပိုင်းတွေကို အောက်တိုဘာလအတွင်း ပြုလုပ်မယ့် လွှတ်တော်မှာ ထပ်မံ ဆွေးနွေးသွားဖို့ရှိတဲ့အကြောင်း ဦးဖြိုးမင်းသိန်းက ပြောပြခဲ့တယ်လို့ ရေဒီယိုသြစတြေးလျ သတင်းထောက် စူးရှက သတင်းပေးပို့ခဲ့ပါတယ်။

Ref: ABC Radio Australia

လှည်းကူးမြို့နယ်၌ အမျိုးသမီးငယ်တစ်ဦးအား အဓမ္မပြုကျင့်မှုဖြစ်ပွား

ရန်ကုန်    ဩဂုတ်   ၂၁

လှည်းကူး-ဖောင်ကြီးကားလမ်းပေါ်၌ အစ်ကိုဖြစ်သူ အား ထွက်ရှာသည့် အမျိုးသမီးငယ်တစ်ဦးအား အမည်မသိ အမျိုးသားတစ်ဦးက အသုတ်ဆိုင်ပေါ်သို့ဆွဲခေါ်၍ သားမယားအဖြစ်အဓမ္မပြုကျင့်ခဲ့မှုဖြစ်ပွားခဲ့ကြောင်းသိရ သည်။

ဖြစ်စဉ်မှာ ဩဂုတ် ၁၆ ရက် ည ၁၀ နာရီခွဲက လှည်းကူးမြို့နယ် နန္တိကျေးရွာအုပ်စု ညောင်ကုန်းကျေးရွာနေ မ..... (၉)နှစ်သည် အစ်ကိုဖြစ်သူအိမ်ပြန်ရောက် မလာသေးသဖြင့် အစ်ကိုဖြစ်သူအား ထွက်ရှာစဉ် လှည်းကူး- ဖောင်ကြီး ကားလမ်းမပေါ်၌ လူသုံးဦးတွေ့ရှိပြီး နှစ်ဦးမှာ ဆက်လက်၍လမ်းလျှောက်သွားရာ ကျန်တစ်ဦးဖြစ်သည့် အသားမည်းမည်း၊ နှာခေါင်းပွပွ၊ အရပ်ငါးပေခန့်၊ အသက် (၃၀)နှစ်ခန့် (လူမြင်လျှင်မှတ်မိ) အမျိုးသားမှ ညောင် ကုန်း ကျေးရွာအနီးလမ်းဘေးရှိ အသုတ်ဆိုင်ပေါ်သို့ မ.....အားဆွဲခေါ်၍ သားမယားအဖြစ် အဓမ္မပြုကျင့်ခံခဲ့ရသ ဖြင့် အဆိုပါဖြစ်စဉ်အား နေအိမ်သို့ပြန်လာ၍အဒေါ်ဖြစ်သူနှင့် မိဘများအားပြောပြခဲ့ရာ ဖခင်ဖြစ်သူမှ ငါးဆူတောင် နယ်မြေရဲစခန်းသို့ တိုင်တန်းခဲ့သဖြင့် ငါးဆူတောင်နယ်မြေ ရဲစခန်းက (ပ)၄၁/၂၀၁၃၊ ပြစ်မှုပုဒ်မ-၃၇၆ ဖြင့် အမှု ဖွင့်လှစ်၍ ပြစ်မှုကျူးလွန်သူအား အမြန်ဖမ်းဆီးရမိရေး အတွက် စုံစမ်းစစ်ဆေးဖော်ထုတ်လျက်ရှိကြောင်း သိရ သည်။ 

Ref: သတင်းနှင့် စာနယ်ဇင်းလုပ်ငန်း

ရှစ်လေးလုံး ဒီမိုကရေစီ အရေးတော်ပုံ ငွေရတု အကြိုစာနယ်ဇင်း ရှင်းလင်းပွဲ တက်ရောက်ခဲ့သည့် အလယ်တန်းပြ ဆရာမ တစ်ဦးအား ပညာရေး ၀န်ကြီးဌာနက မယူမနေရ အငြိမ်းစားပေးခံရမှု အမိန့်ကို ပယ်ဖျက်၍ ရာထူးမှထုတ်ပယ်

ရှစ်လေးလုံး ဒီမိုကရေစီ အရေးတော်ပုံ ငွေရတု အထိမ်းအမှတ်အကြို စာနယ်ဇင်း ရှင်းလင်းပွဲသို့ တက်ရောက်ခဲ့သည့် နေပြည်တော်ရှိ ကျောင်းဆရာမ တစ်ဦးဖြစ်သူ ဒေါ်စိုးစိုးခိုင်အား မယူမနေရ အငြိမ်းစား ပေးခဲ့ပြီးနောက် ၂ ရက်အကြာတွင် ပထမ ထုတ်ပြန်ခဲ့သည့် အမိန့်အား ပယ်ဖျက်၍ ရာထူးမှ ထုတ်ပယ်ခြင်း ခံခဲ့ရကြောင်း သတင်းရရှိပါသည်။

၂၀၁၃ ခုနှစ် ဇွန် ၁၀ရက် မှ ၁၄ ရက် နေ့အထိ ခွင့်မဲ့ ကျောင်းပျက်ကွက်ခြင်း၊ ကျောင်းအုပ်ကြီးထံ ခွင့်ပန်ကြားမှု မရှိဘဲ ရန်ကုန်သို့ ထွက်ခွာခြင်း၊ နိုင်ငံရေး အဖွဲ့အစည်းနှင့် ပါဝင်ပတ်သက် ဆောင်ရွက်ခြင်း (ရန်ကုန်တိုင်း ဒေသကြီး၊ ဗဟန်းမြို့နယ်ရှိ တော်ဝင်နှင်းဆီ စားသောက်ဆိုင်တွင် ပြုလုပ်ခဲ့သော ရှစ်လေးလုံး ဒီမိုကရေစီ အရေးတော်ပုံ ငွေရတု အစီအစဉ်တွင် စာနယ်ဇင်းများနှင့် တွေ့ဆုံရှင်းလင်းပွဲသို့ တက်ရောက်ခြင်း) စသည့် အချက်များဖြင့် နေပြည်တော် ပညာရေး ၀န်ကြီးဌာနမှ ၂၀၁၃ ခုနှစ်သြဂုတ် ၁၅ ရက်တွင် မယူမနေရ အငြိမ်းစား ပေးခဲ့ပြီးနောက် သြဂုတ် ၁၇ ရက်တွင် ရာထူးမှ ထုတ်ပယ်လိုက်ကြောင်း ထပ်မံ ထုတ်ပြန်သည်ဟု သိရသည်။

''အဲဒီပွဲမှာ စာနယ်ဇင်းတွေက ၈၈ မျိုးဆက် ကျောင်းသားတွေ အနေနဲ့ ပညာရေး ကဏ္ဍမှာ တိုးတက်အောင် တစ်ဖွဲ့တည်း လုပ်ဆောင်နိုင်မှာလားလို့ မေးတဲ့မေးခွန်းကို ကျွန်မက ကျောင်းဆရာမ တစ်ယောက်အနေနဲ့ သူတို့ကို ပညာရေးမှာ အစိုးရ၊ ပြည်သူအားလုံး ပေါင်းပြီး လုပ်ဆောင်မှသာ တိုင်းပြည်ရဲ့ ပညာရေးက ကောင်းမှာပါလို့ ပြန်ဖြေခဲ့တဲ့ အပေါ်မှာ အခုလို အတင်းအကျပ် အငြိမ်းစား ပေးခံရတာပါ၊ အငြိမ်းစား ပေးခဲ့ပြီး နောက် ၂ ရက်နေတော့ ပထမထုတ်ပြန်ခဲ့တဲ့ အမိန့်ကို ပယ်ဖျက်ပြီး ရာထူးမှ ထုတ်ပယ်ခြင်း ခံလိုက်ရပါတယ်'' ဟု ဆရာမ ဒေါ်စိုးစိုးခိုင်က ပြောကြားခဲ့သည်။

ပညာရေး ၀န်ကြီးဌာနမှ ဆရာမဒေါ်စိုးစိုးခိုင်အား မယူမနေရ အငြိမ်းစားကို ပယ်ဖျက်၍ ဒုတိယအကြိမ် ရာထူးမှ ထုတ်ပယ် လိုက်ကြောင်းကို ပညာရေး ၀န်ကြီးဌာန စီမံခန့်ခွဲရေး ကော်မတီ အစည်းအဝေး ၈/၂၀၁၃ သဘောတူ ဆုံးဖြတ်ချက်အရ နေပြည်တော် ဇမ္ဗူသီရိမြို့နယ် အမှတ်(၅)အခြေခံ အထက်တန်းကျောင်းမှ အလယ်တန်းပြ ဆရာမ ဒေါ်စိုးစိုးခိုင်ကို သြဂုတ် ၁၅ ရက်မှ မယူမနေရ အငြိမ်းစားပေးသည့် ပြန်တမ်းအမှတ် (၃၀၇) အား ပယ်ဖျက်၍ ပညာရေး ၀န်ကြီးဌာန ၀န်ကြီးရုံးက သြဂုတ် ၁၇ ရက်တွင် ရာထူးမှ ထုတ်ပယ်လိုက်ကြောင်း ပြန်တမ်းကို ထပ်မံထုတ်ပြန် ခဲ့ခြင်းဖြစ်သည်။

''တကယ်ပဲ အံ့သြရပါတယ်။ သူတို့ပဲ ချက်ချင်းမယူမနေရ အငြိမ်းစားပေးပြီး
အခု ကျပြန်တော့လည်း ရာထူးကနေ ထုတ်ပယ်ခြင်း ခံလိုက်ရတယ်။ ပညာရေး ၀န်ကြီးဌာန အနေနဲ့ ဒီလိုပဲ ကျောင်းဆရာမ တစ်ယောက်ကို လုပ်ချင်တိုင်းလုပ်လို့ ရပါသလားလို့ မေးချင်ပါတယ်။ ဒီပြန်တမ်းကလည်း ၁၇ ရက်က စာထွက်တာ ကျွန်မဆီကို ၂၁ရက်နေ့ ညနေပိုင်းမှ ရောက်တယ်။ အောက်ခြေ ၀န်ထမ်းတွေကို ဒီလိုပဲ မှောက်ချေ လှန်ချေ လုပ်နေတာ နိုင်ငံကို အုပ်ချုပ်နေတဲ့ သမ္မတကိုလည်း သိစေချင်ပါတယ်'' ဟု ဒေါ်စိုးစိုးခိုင်က ပြောသည်။

နေပြည်တော်ရှိ ပညာရေး ၀န်ကြီးဌာနသို့ ဒေါ်စိုးစိုးခိုင်နှင့် ပတ်သက်ပြီး အကြိမ်ကြိမ် ဖုန်းဆက်၍ မေးမြန်းခဲ့ရာ သက်ဆိုင်ရာ ၀န်ကြီးဌာနက အဆင့်ဆင့်လွှဲ၍ ဖြေကြားခြင်း မရှိခဲ့ဘဲ ၀က်ဘ်ဆိုက်များတွင် ၀င်ရောက် ကြည့်ရှုရန် ပြောကြားခဲ့သည်။
အငြိမ်းစား ပေးခံရသော ကျောင်းဆရာမ ဒေါ်စိုးစိုးခိုင်သည် ၁၉၈၈ ခုနှစ်က ဖြစ်ပွားခဲ့သည့် ကျောင်းသားသပိတ်တွင် ပါဝင်ခဲ့ကာ စစ်တပ်မှ အာဏာသိမ်းသည့် နောက်ပိုင်း တောခိုခဲ့သည်။ ထို့နောက် ၁၉၉၀ ပြည့်နှစ်တွင် နိုင်ငံတော်သို့ တရားဝင် အလင်းဝင်ရောက်ခဲ့ပြီး ၁၉၉၅ ခုနှစ်မှ စတင်ကာ ကျောင်းဆရာမအဖြစ် လုပ်သက် ၁၈ နှစ်ရှိသူ ဖြစ်သည်။ အငြိမ်းစား မယူမီအထိ နေပြည်တော် ဇဗ္ဗူသီရိမြို့နယ် အမှတ်(၅) အခြေခံပညာ အထက်ကျောင်းတွင် အလယ်တန်းပြ ဆရာမအဖြစ် တာဝန်ထမ်းဆောင် ခဲ့သည်။

Ref: http://news-eleven.com

အမှတ်(၃)လမ်းဆုံမှာ ဗျောက်အိုးများတင်လာတဲ့ မော်တော်ယာဉ်ကို ဖမ်းပြီ

ရန်ကုန်၊ သြဂုတ် ၂၁

၂၁.၈.၂၀၁၃ ရက်နေ့ ၀၅၃၀အချိန်တွင်လှည်းကူးမြို့နယ်၊အမှတ်(၃)
လမ်းဆုံစစ်ဆေးရေးဂိတ်၌ ပူးပေါင်းစစ်ဆေးရေးအဖွဲ့သည်မန္တလေးမှ
ရန်ကုန်သို့ ယာဉ်မောင်း ကိုမွှေး(ခ)နှင်းမောင် (ဘ)ဦးအောင်မင်း၊ ပွင့်ဖြူမြို့နယ်၊ မကွေးတိုင်းဒေသကြီးနှင့် ယာဉ်နောက်လိုက်
နေလင်းထွန်း (ခ)လင်းလင်း(ဘ)ဦးအောင်မင်းသိန်း၊ ပြည်ကြီးတံခွန်
မြို့နယ်၊ မန္တလေးတိုင်းဒေသကြီးနေသူတို့ မောင်းနှင်လာသော ၃ဂ/---- ရာဇာအောင် ခရီးသည်တင်ယာဉ်အား ရပ်တန့်စစ်ဆေးရာ ယာဉ်ဝမ်းဗိုက်အတွင်းမှ တရုတ်နိုင်ငံလုပ် ဗျောက်အိုးမျိုးစုံ အထုပ်ကြီး(၁၀)ထုပ် အားတွေ့ရှိသိမ်းဆည်းရမိသဖြင့် ယာဉ်မောင်း ကိုမွှေး(ခ)နှင်းမောင်နှင့် ယာဉ်နောက်လိုက်နေလင်းထွန်း(ခ)လင်းလင်း
တို့(၂)ဦးအား လှည်းကူးမြို့မရဲစခန်း(ပ) ၃၁၆/၂၀၁၃၊ ပုဒ်မ ၂၈၆ ဖြင့်
အရေးယူဆောင်ရွက်ထားရှိကြောင်းသတင်းရရှိပါသည်။

Ref: Yangon Police

ရှစ်လေးလုံး ငွေရတု ကျင်းပရေး သတင်းစာရှင်းလင်းပွဲသို့ တက်ရောက်သူ ဆရာမတစ်ဦး အား မယူမနေရပင်စင် ပေး

၂၅ နှစ်ပြည့် ရှစ်လေးလုံး အရေးတော်ပုံအခမ်းအနား ကျင်း ပရေး သတင်းစာရှင်းလင်းပွဲသို့ တက်ရောက်ခဲ့သည့် ကျောင်းဆ ရာမတစ်ဦးကို ပညာရေးဝန်ကြီး ဌာနက မယူမနေရပင်စင် ပေး လိုက်ကြောင်း သတင်းရရှိသည်။

ရန်ကုန်မြို့တော်ဝင် နှင်းဆီ ခန်းမ၌ ဇွန်လ ၁၃ ရက်နေ့က ကျင်းပသော ၄င်းသတင်းစာရှင်း လင်းပွဲသို့ နေပြည်တော်မှ လာ ရောက် တက်ရောက်သည် ဟူ သောအချက်ဖြင့် အဆိုပါကျောင်း ဆရာမကို သြဂုတ်လ ၁၇ ရက်နေ့ တွင် မယူမနေရပင်စင်ပေးလိုက်
ခြင်းဖြစ်ကြောင်း သိရသည်။

ပင်စင်ပေးခြင်းကို အမှတ် ၂ အခြေခံပညာဦးစီးဌာန ညွှန် ကြားရေးမှူးချုပ် ဦးတင်မျိုးကြည် ကသြဂုတ်လ ၁၅ ရက်တွင် လက် မှတ်ရေးထိုး၍ ပညာရေးဝန်ကြီး ဌာန စီမံခန့်ခွဲရေးကော်မတီအ စည်းအဝေး၏ စုပေါင်းဆုံးဖြတ် ချက်ဖြင့်ဟု အမိန့်စာ၌ ထည့်
သွင်းရေးသားဖော်ပြထားကြောင်း သိရသည်။

မယူမနေရပင်စင် ပေးလိုက် သည့် ဇမ္ဗူသီရိမြို့နယ်အမှတ် ၅ အခြေခံပညာ အထက်တန်း ကျောင်းမှ သတ္တမတန်း B သိပ္ပံ ဆရာမဒေါ်စိုးစိုးခိုင်က ''တော် တော်လေးအံ့သြမိပါတယ်။ ကျွန် မလည်း တရားဝင်ခွင့်တင်တာပါ။ ဒီအရေးတော်ပုံကြီးမှာ ကျွန်မ လည်း
ပါဝင်လှုပ်ရှားခဲ့တဲ့အတွက် တက်ရောက်သင့်တယ်လို့ ယူဆ ပြီး ဒီပွဲကို တက်ရောက်ခဲ့တာပါ။ ရန်ကုန်လည်း ရောက်နေတဲ့အ တွက်ပါ'' ဟု ပေါ်ပြူလာနယူးစ်သို့ ပြောသည်။

ဆရာမ ဒေါ်စိုးစိုးခိုင်မှာ လုပ်သက် ၁၈ နှစ်ရှိပြီး အသက် ၄၈ နှစ် အရွယ်ရှိသူ ဖြစ်သည်။

ယင်းကိစ္စနှင့် ပတ်သက်၍ အမှတ် ၂ အခြေခံပညာဦးစီး ဌာန၊ နေပြည်တော် ပညာရေးညွှန်ကြား ရေးမှူးရုံးထံသို့ မေးမြန်းရာ ဖြေ ဆိုရန် ငြင်းဆိုခဲ့ပြီး၊ နိုင်ငံတော် သမ္မတရုံးသို့လည်း ဆက်လက် မေးမြန်းခဲ့ရာ ၄င်းတို့နှင့်မဆိုင်၍ ပညာရေးဌာနထံသာ မေးမြန်းရန်
ပေါ်ပြူလာနယူးစ်သို့ ဖြေကြားကြ သည်။

ဆရာမ ဒေါ်စိုးစိုးခိုင်က ''ကျွန်မကို စွဲချက်သုံးချက်နဲ့ စွပ်စွဲ တာ။ ခွင့်မဲ့ပျက်ကွက်တာ၊ ရန် ကုန်ကို အကြောင်းမကြားဘဲသွား တာ၊ ၈၈ ပွဲအခမ်းအနား သတင်း စာရှင်းလင်းပွဲတက်တာ။ ကျွန် မကတော့ ရဲရဲပြောရဲတယ်။ ၈၈ ပွဲကိုတက်လို့ ရည်ရွယ်ပြီးဖြုတ်တာ''ဟုပြောသည်။

ယခုကဲ့သို့ကျောင်းဆရာမ ပင်စင်ပေးခံခဲ့ရမှုကို ရန်ကုန် အ ရှေ့ပိုင်း တက္ကသိုလ်ဆရာ၊ ဆရာမ အသင်းဥက္ကဋ္ဌ ဦးသန်းထိုက် အောင်က အပြင်းအထန်ဆန့်ကျင် ကြောင်း ပြောကြားလိုက်သည်။

''ဒီပြစ်ချက်နဲ့ ထုတ်တယ်ဆို ရင်တော့ ပညာရေးဝန်ကြီးဌာန က တော်တော်လွန်တယ်''ဟု ၄င်းက ပြောသည်။

၈၈ အရေးတော်ပုံကို ယခင် အစိုးရက ချိုးချိုးနှိမ်နှိမ်ပြောခဲ့ကြ ခြင်းမျိုး ရှိပြီး၊ သိမ်ငယ်အောင်၊ သိမ်ဖျင်းအောင် လုပ်ခဲ့ကြတာမျိုး ရှိကြောင်း၊ ၈၈ အရေးတော်ပုံက ကြီးမားသည့် အချိုးအကွေ့ကြီး တစ်ခုဖြစ်ကြောင်း၊ ယခုလိုသာ ဆိုပါက ထိုပွဲကို တက်ရောက်ခဲ့ သော ဝန်ကြီး ဦးအောင်မင်းအပါ အဝင် အခြားအစိုးရဝန်ထမ်း တို့ကိုပါ ပွဲ တက်သည့်ကိစ္စကြောင့် အငြိမ်းစားပေးမည်လားဟု မေး စရာရှိကြောင်းဟု ဦးသန်းထိုက် အောင်က ဆက်ပြောသည်။

Ref: Popular Myanmar News Journal

လာပြန်ပြီ လှည်းကူးသားတစ်ယောက်

အသက် ၁၄ နှစ်အရွယ် ခြောက်တန်းကျောင်းသူလေးတစ်ဦးကို အကြိမ်ကြိမ်အဓမ္မကျင့်ခဲ့သည်ဟု စွပ်စွဲ ကာအသက် ၃၀ ကျော် အမျိုးသားတစ်ဦးကို ကလေးမိဘများက သြဂုတ် ၁၃ ရက်တွင် လှည်းကူးရဲစခန်း ၌တိုင်ကြားထားကြောင်း ရန်ကုန်တိုင်း ရဲတပ်ဖွဲ့မှူးရုံးက သတင်းထုတ်ပြန်သည်။

ကလေးငယ်သည် စာမကျက်ဘဲ မှိုင်တွေနေသည်ကို မိခင်ဖြစ်သူက မသင်္ကာသဖြင့် မေးမြန်းရာမှ ယခု ကိစ္စကိုသိရှိပြီး ရဲစခန်းတွင် အမှုဖွင့်လိုက်ခြင်းဖြစ်သည်ဟု တရားလိုဘက်မှ ရဲစခန်းတွင် ထွက်ဆိုထားသည်။

မိဘများက သူတို့သမီးငယ်ကို မေးမြန်းရာတွင် ၎င်းကိုတစ်ရပ်ကွက်တည်းနေ အသက် ၃၃ နှစ်အရွယ် အမျိုးသား တစ်ဦးက သြဂုတ် ၃ ရက်ညတွင် တစ်ကြိမ်၊ သြဂုတ် ၄ ရက်တွင် တစ်ကြိမ်၊ သြဂုတ် ၆ ရက် တွင်တစ်ကြိမ် စုစုပေါင်း သုံးကြိမ်ခန့် သားမယားပြုခဲ့သည်ဟု ဆိုသည်။

ကလေးငယ်သည် မိဘများမရှိသည့် အချိန်နေအိမ်တွင်ပင် အဓမ္မကျင့်ခံရခြင်းဖြစ်ပြီး ယခုကိစ္စကို မိဘများထံ ပြန်ပြောလျှင် သတ်ပစ်မည်ဟု ထိုအမျိုးသားကခြိမ်းခြောက်ထားသဖြင့် မပြောခြင်းဖြစ်သည်ဟုလည်း ရဲမှတ်တမ်း တွင် တွေ့ရသည်။

ယခုကိစ္စနှင့် ပတ်သက်၍ အဓမ္မကျင့်သူအဖြစ် စွပ်စွဲခံထားရသူမှာ လှည်းကူးမြို့နယ်မှ ကိုနိုင်လင်းထွန်း ဆိုသူဖြစ်ပြီး ၎င်းသည် ကားဆေးမှုတ်လုပ်ငန်း လုပ်ကိုင်သူတစ်ဦးဖြစ်သည်ဟု ရဲစခန်းက အတည်ပြုထားသည်။

ယင်းအမှုကို လှည်းကူးရဲစခန်းက အမှုအမှတ်(ပ)၃၀၁/၂၀၁၃ ဖြင့် အမှုဖွင့်ထားပြီး စွပ်စွဲခံထားရသူကိုလည်း ပြစ်မှုဆိုင်ရာ ဥပဒေ ပုဒ်မ ၃၇၆ ဖြင့် တရားစွဲမည်ဖြစ်ပြီး လက်ရှိတွင် ဖမ်းဆီးစစ်ဆေးနေပြီဖြစ်သည်ဟု တိုင်းရဲဌာနက သတင်းထုတ်ပြန်သည်။

ဇော်ဇော်ထွေး
Ref: Mizzima - News in Burmese

ကိုမင်းကိုနိုင်၏ ကဗျာတစ်ပုဒ်ပါ

သီးလေးသီးအငြိမ့်ဖျော်ဖြေပွဲ-အပိုင်း-၂

၂၀၀၅-ခုနှစ်က ကျင်းပပြုလုပ်ခဲ့တဲ့ လှည်းကူးမြို့နယ်၊ ပိုက်ကြီးဝဲရွာ၊ မဟာဝိဇိတာရာမစာသင်တိုက်၏ ၂၅-နှစ်မြောက် ငွေရတုသဘင် နှင့် လက်ရှိ ပိုက်ကြီးဝဲအရှေ့ကျောင်းဆရာတော် ဒေါက်တာဦးရေ၀တာလင်္ကာရ-အား ဒေါက်တာဘွဲ့ရပူဇော်ပွဲ အထိမ်းအမှတ်သီးလေးသီးအငြိမ့်ဖျော်ဖြေပွဲ ဗီဒီယိုလေးပါ။

သီးလေးသီးအငြိမ့်ဖျော်ဖြေပွဲ-အပိုင်း-၁

၂၀၀၅-ခုနှစ်က ကျင်းပပြုလုပ်ခဲ့တဲ့ လှည်းကူးမြို့နယ်၊ ပိုက်ကြီးဝဲရွာ၊ မဟာဝိဇိတာရာမစာသင်တိုက်၏ ၂၅-နှစ်မြောက် ငွေရတုသဘင် နှင့် လက်ရှိ ပိုက်ကြီးဝဲအရှေ့ကျောင်းဆရာတော် ဒေါက်တာဦးရေ၀တာလင်္ကာရ-အား ဒေါက်တာဘွဲ့ရပူဇော်ပွဲ အထိမ်းအမှတ်သီးလေးသီးအငြိမ့်ဖျော်ဖြေပွဲ ဗီဒီယိုလေးပါ။

ထောက်ကြန့်လမ်းဆုံကားမှတ်တိုင်၌ လူသတ်မှုဖြစ်

ရန်ကုန်၊ သြဂုတ် ၉

၈.၈.၂၀၁၃ ရက်နေ့ ၁၉၀၀ အချိန် ဦးသူရိန်ထွန်း(ဘ)ဦးထွန်းကြိုင်၊ ရဲစုကြီးရပ်ကွက်၊ မှော်ဘီမြို့နယ် နေသူသည် နေအိမ်တွင်ရှိနေစဉ် ညီဖြစ်သူ ပြည့်စုံထွန်းမှာ ထောက်ကြန့်လမ်းဆုံတွင် ဓါးထိုးခံရ၍ အင်းစိန်ဆေးရုံသို့ခေါ်ဆောင်သွားကြောင်း သိရှိရသဖြင့်လိုက်သွားခဲ့ရာ ညီဖြစ်သူတွင် ၀ဲနံရိုးကြား ထိုးသွင်းဒဏ်ရာ (၁)ချက်၊ ၀ဲဘက်ဝမ်းဗိုက်ထိုးသွင်းဒဏ်ရာ(၁)ချက်တို့ဖြင့် သေဆုံးနေသည်ကို
တွေ့ရှိခဲ့ ရပါသည်။

ဖြစ်စဉ်နှင့်ပတ်သက်၍ညီဖြစ်သူနှင့်အတူ အလုပ်မှပြန်လာသော
သူငယ်ချင်းများအား မေးမြန်းရာ ၎င်းတို့သည်လှိုင်သာယာမြို့နယ်၊ န၀ဒေးအိမ်ရာတွင် မျက်နှာကျက် အလှဆင်လုပ်ငန်းလုပ်ကိုင်ပြီး၍ အင်းစိန်မြို့နယ်၊ စော်ဘွားကြီးကုန်းကားမှတ်တိုင်မှ ရန်ကုန်-မှော်ဘီ ခရီးသည်တင်ယာဉ်ဖြင့် အတူပြန်လာခဲ့ကြစဉ် ယာဉ်ပေါ်ပါ အရက်မူးနေသူအသက် (၂၃)နှစ်ခန့် ခရီးသည်အမျိုးသား တစ်ဦးနှင့်
ညီဖြစ်သူ၏သူငယ်ချင်း ဖြိုးဝေအောင်တို့စကားများခဲ့ကြကြောင်း၊
ထောက်ကြန့်လမ်းဆုံကား မှတ်တိုင်သို့ရောက်ရှိ၍ဆင်းကြချိန် ထပ်မံရန်ရှာနေ၍ ညီဖြစ်သူ ပြည့်စုံထွန်းမှ ၀င်ရောက်ဖြန်ဖြေပေးစဉ် ၎င်းအမျိုးသားမှအသင့်ပါလာသော ဓါးဖြင့်ထိုးခဲ့၍ ဖြိုးဝေအောင်(ဘ) ဦးသောင်းထွန်းတွင် ၀ဲ/ယာ လက်ဖ၀ါးများ ပြတ်ရှဒဏ်ရာများရရှိခဲ့ပြီး ညီဖြစ်သူမှာဓါးထိုးခံရကာ သေဆုံးခဲ့ခြင်းဖြစ်ကြောင်းသိရှိခဲ့ရပါသည်။

ထိုသို့ ဓါးဖြင့်ထိုးခဲ့သူ အမည်မသိအမျိုးသားအပေါ် အရေးယူပေးရန် ဦးသူရိန်ထွန်းမှ တိုင်ကြားခဲ့သဖြင့် ထောက်ကြန့်နယ်မြေရဲစခန်း (ပ)၃၁၄/၂၀၁၃၊ ပုဒ်မ ၃၀၂/၃၂၆ ဖြင့် အမှုဖွင့်ထားရှိပြီး တရားခံဖမ်းဆီး ရမိရေးစုံစမ်းဆောင်ရွက်လျက်ရှိကြောင်းသတင်းရရှိပါသည်။

Ref: Yangon Police

လယ်သမား (သို့) ငွေရှင် ကြေးရှင်များ (လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန ဒုတိယ၀န်ကြီး ဦးခင်ဇော်)

ယခင်က ပြည်ထောင်စုဝန်ကြီးမှ တောင်သူများအား ထမင်းတစ်နပ် လျှော့စားကာ အကြွေးဆပ်ရန် ပြောကြားခဲ့ပြီးနောက် လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန ဒုတိယ၀န်ကြီး ဦးခင်ဇော်ကလည်း လယ်မြေ ၁၀ ဧကအထက် ပိုင်ဆိုင်သော တောင်သူများသည် ငွေရှင်၊ ကြေးရှင်၊ လယ်ရှင်ကြီးများဖြစ်ပြီး ဘဏ်များတွင် လယ်ပေါင်ကာ ချေးငွေရယူနိုင်သည့်အတွက် လယ်ရှင်ကြီးများကို စိုက်ပျိုးစရိတ် ထုတ်ချေးရန် အစီအစဉ် မရှိကြောင်း ထပ်မံပြောကြားသွားခဲ့သည်။

 သြဂုတ် ၇ ရက်က ကျင်းပသည့် ပြည်သူ့လွှတ်တော် အစည်းအဝေးတွင် တောင်ဥက္ကလာပမြို့နယ်၊ ပြည်သူ့လွှတ်တော် ကိုယ်စားလှယ် ဦးအောင်သိန်းလင်းက သုံးခွမြို့နယ်တွင် ၂၀၁၃-၂၀၁၄ ဘဏ္ဍာရေးနှစ်အတွင်း စိုက်ဘဏ်မှ စိုက်ပျိုးစရိတ်များ ထုတ်ချေးခြင်းနှင့် ပတ်သက်သည့် မေးခွန်းများ မေးမြန်းခဲ့ပြီး လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန ဒုတိယ၀န်ကြီး ဦးခင်ဇော်က ပြန်လည်ဖြေကြားရာတွင် ယင်းသို့ထည့်သွင်း ပြောကြားသွားခြင်း ဖြစ်သည်။

ဦးအောင်သိန်းလင်းက ထိုသို့မေးခွန်း မေးမြန်းရသည့်အပေါ် ပြန်လည်ပြောကြားရာတွင် တောင်သူများအား စိုက်စရိတ် ထုတ်ချေးရာတွင် ၁၀ ဧကအထိကိုသာ သတ်မှတ်ထုတ်ချေးသည့်အတွက် ၁၀ ဧကအထက် ပိုင်ဆိုင်သည့် တောင်သူများမှာ ချေးငွေအပြည့် ရရှိရန် မိမိပိုင်ဆိုင်သည့် လယ်ယာမြေ ဧရိယာများကို နာမည်အမျိုးမျိုး ခွဲဝေကာ ထုတ်ချေးနေရကြောင်း၊ ထိုသို့ နာမည်ခွဲဝေ ထုတ်ချေးမှုကြောင့် ကုန်ကျစရိတ်များ ရှိလာခြင်းနှင့် နောင်တွင် လယ်ယာမြေပိုင်ဆိုင်မှုအတွက် အငြင်းပွားဖွယ် ပြဿနာများ ရှိလာနိုင်ကြောင်း၊ ထို့အတွက် ၁၀ ဧကအထက် ပိုင်ဆိုင်သည့် တောင်သူများကိုလည်း ဧကရှိသည့်အလိုက် စိုက်စရိတ် ထုတ်ချေးရန် ရှိမရှိ မေးမြန်းခြင်း ဖြစ်သည်။ "ဥပမာ ၁၅ ဧက ပိုင်တဲ့သူက တစ်ဧကတစ်သိန်းနှုန်းကို ၁၀ ဧကအထိပဲ ထုတ်ချေးအတွက် ၁၀ ဧကဖိုးပဲ ချေးခွင့်ရတယ်။ ကျန်တဲ့ ငါးဧက စိုက်စရိတ် မရတော့ဘူး။ ဒီတော့ တောင်သူကလည်း ၁၀ ဧကကို နာမည်တစ်ခု နောက်ထပ်ငါးဧကကို နာမည်တစ်ခုခွဲပြီး ချေးရတယ်။ သားသမီးအမည်နဲ့ ခွဲတာက နောက်ပိုင်းမှာ ပိုင်ဆိုင်မှုအတွက် ပြဿနာ မရှိပေမယ့် ညီအစ်ကိုမောင်နှမချင်း အမည်နဲ့ ခွဲတာပဲဖြစ်ဖြစ်၊ တခြားအမည်နဲ့ ခွဲထားတာတွေပဲဖြစ်ဖြစ် ဒါတွေက တစ်ချိန်မှာ ပိုင်ဆိုင်မှုအတွက် အငြင်းပွားစရာတွေ ဖြစ်လာနိုင်တယ်။ တောင်သူကလည်း တကယ်လိုနေတဲ့အတွက် ထုတ်ချေးပေးဖို့ ရှိမရှိ မေးရတာပါ" ဟု ဦးအောင်သိန်းလင်းက ပြောကြားသည်။

အဆိုပါ မေးမြန်းချက်အပေါ် ဒုတိယ၀န်ကြီး ဦးခင်ဇော်က ပြန်လည်ဖြေကြားရာတွင် "လယ်ယာမြေ ၁၀ ဧကအထက် ပိုင်ဆိုင်သော ငွေရှင်၊ ကြေးရှင်၊ လယ်ရှင်ကြီးများ အနေဖြင့် ယခင်ချေးငွေ တစ်ဧက ကျပ် ၂၀၀၀၀ နှုန်း ချေးစဉ်က ငွေပမာဏ နည်းသည့်အတွက် ချေးငွေထုတ်ချေးရန် စိတ်ဝင်စားမှု မရှိခဲ့ကြပါဘူး။ ယခု စပါးသီးနှံ တစ်ဧကလျှင် ငွေကျပ် ၁၀၀၀၀၀ နှုန်း ထုတ်ချေးနေပြီဖြစ်ပါ၍ လယ်ပိုင်လယ်ရှင်ကြီးများ အနေဖြင့် ၎င်းတို့၏ ငွေကြေးလှည့်ပတ် သုံးစွဲရန် လိုအပ်ချက်ကို ဇနီးသားသမီးများ၏ အမည်ဖြင့် လယ်အမည်ပေါက်ခွဲခြင်း၊ လူဦးရေစာရင်းခွဲခြင်း စသည့်နည်းလမ်းမျိုးစုံဖြင့် ချေးငွေရရှိရေးအတွက် လယ်ယာမြေ ပိုင်ဆိုင်မှုများကို ခွဲဝေဆောင်ရွက်ကြခြင်း ဖြစ်နိုင်ပါတယ်။ လုပ်ကွက်ကြီးသည့် လယ်ရှင်ကြီးများ အနေဖြင့် လယ်ယာမြေ လုပ်ပိုင်ခွင့် လက်မှတ်ရရှိပါက တခြားအစိုးရ အသိအမှတ်ပြု ဘဏ်များတွင်လည်း လယ်ယာမြေဥပဒေအရ ပေါင်နှံခြင်းအားဖြင့် ချေးငွေများကို ရရှိနိုင်မည် ဖြစ်ပါတယ်။ သို့ဖြစ်ပါ၍ လယ်ယာမြေ ၁၀ ဧကအထက် ပိုင်ဆိုင်ကြသူ လယ်ရှင်ကြီးများကို စိုက်ပျိုးစရိတ် ထုတ်ချေးရန် အစီအစဉ် မရှိပါကြောင်း" ဟု ပြောကြားသွားသည်။

 လက်တွေ့တောင်သူများ ဘ၀တွင် နာမည်တစ်ခုတည်းနှင့် ၁၀ ဧကနှင့်အထက် ဧက ၂၀၊ ၃၀၊ ၄၀ စသည်ဖြင့် ပိုင်ဆိုင်သည့် တောင်သူများသည် အမည်မခွဲဘဲ ထုတ်ချေးပါက ၁၀ ဧကအထိသာ ထုတ်ချေးသည့်အတွက် ဧကမည်မျှ ရှိသည်ဖြစ်စေ ငွေကျပ် ၁၀ သိန်းသာရပြီး ကျန်ဧကများ အားလုံးကို မိမိအစီအစဉ်ဖြင့်သာ ငွေတိုးနှုန်းမြင့်မားစွာဖြင့် လည်းကောင်း၊ လယ်ရှုံးသည့် နှစ်များတွင် ကျွဲနွားများပင် ချရောင်း၍ စိုက်စရိတ်ကို ဖြေရှင်းနေရသည့် တောင်သူများ များပြားလျက် ရှိသည်။ ယခင် တစ်ဧက ကျပ် ၂၀၀၀၀ ထုတ်ချေးစဉ်က တောင်သူများ စိတ်မ၀င်စားရသည့် အကြောင်းရင်းမှာ ထိုစဉ်က တစ်ဧက ကျပ်တစ်သိန်းနှင့် စိုက်စရိတ် ကုန်ကျနေသည့် အချိန်တွင် ကျပ် ၂၀၀၀၀ နှုန်းသာ မလောက်မငှ ထုတ်ချေးခြင်းဖြစ်ရာ မဖြစ်မနေ ပြင်ပတွင် အတိုးဖြင့် ရှာဖွေရဦးမည်သာ ဖြစ်သည့်အတွက်လည်း စိတ်မ၀င်စားခဲ့ရခြင်း ဖြစ်ကြောင်း သိရသည်။

 ယခုနှစ် မိုးစပါးစိုက်ရာသီတွင်မူ မြန်မာနိုင်ငံ အလယ်ပိုင်းဒေသ အချို့ရှိ တောင်သူများမှာလည်း မိုးခေါင်လွန်းသည့်ဒဏ်ကို ခံစားနေရပြီး မိုးကောင်းသောက်အရပ်ရှိ တောင်သူအချို့သည်လည်း ရေကြီးနစ်မြုပ်သည့်ဒဏ်ကို ခံနေရ၍ ရာသီကြောင့် ဆုံးရှုံးမှုများကို ခံစားနေရချိန် ဖြစ်သည်။ တောင်သူများ ရင်ဆိုင်နေရသည့် လက်တွေ့ဘ၀တွင် ၁၀ ဧကအထက် ပိုင်ဆိုင်သည့် တောင်သူများမှာ ငွေရှင်၊ ကြေးရှင်၊ လယ်ရှင်ကြီးများ မဟုတ်ဘဲ စိုက်စရိတ် သံသရာထဲတွင် လုံးလည်လိုက်နေသည့် ဘ၀များသာဖြစ်၍ ဒုတိယ၀န်ကြီး၏ ပြောကြားချက်မှာ လက်တွေ့နှင့် ကိုက်ညီမှု လုံးဝမရှိဟုလည်း ပြည်သူ့လွှတ်တော် ကိုယ်စားလှယ်အချို့က ထောက်ပြခဲ့ကြသည်။ ၎င်းအပြင် လွှတ်တော်ကိုယ်စားလှယ်များက ၁၀ ဧကအထက် ပိုင်ဆိုင်သော တောင်သူများကို ငွေရှင်ကြေးရှင်ဟု သတ်မှတ်လျှင် ဧကရာထောင်ချီ ရယူလုပ်ကိုင်နေသူများအား မည်သို့သတ်မှတ်မည်နည်းဟု လည်းကောင်း၊ ငွေရှင်ကြေးရှင် ဆိုပါက မည်သူမျှ လာထုတ်ချေးနေမည် မဟုတ်ကြောင်းလည်း သုံးသပ်ပြောကြား ကြသည်။

လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမြင့်လှိုင်နှင့် ယခင်က ဆက်စပ်သည့် ကုမ္ပဏီတစ်ခုဖြစ်သည့် မြင့်ဇေယျာအမည်ရှိ ကုမ္ပဏီသည် လက်ရှိအချိန်အထိ ရန်ကုန်တိုင်းဒေသကြီး၊ ဒဂုံမြို့သစ် (ဆိပ်ကမ်း) မြို့နယ်နှင့် ဒဂုံအရှေ့ မြို့နယ်များအတွင်းရှိ ဧကရာချီသော လယ်မြေများကို အကျိုးတူ လယ်ယာခေါင်းစဉ်ဖြင့် ရယူလုပ်ကိုင်နေဆဲ ဖြစ်သည်။

Ref: Eleven

၈၈၈၈ ငွေရတု ကိုမင်းကိုနိုင်မိန့်ခွန်း (၁)

Ref:DVB TV NEWS

၈၈၈၈ ငွေရတု ကိုမင်းကိုနိုင်မိန့်ခွန်း (၂)

Ref: DVB TV NEWS

လှည်းကူးမြို့နယ် ၀ါးနက်ကုန်းရွာရှိ လယ်မြေအချို့တွင် ရေညစ်ညမ်းမှုကြောင့် ကောက်စိုက်သူများတွင် ယားနာများ ဆိုးရွားစွာဖြစ်ပေါ်

လှည်းကူးမြို့နယ်၊ ၀ါးနက်ကုန်းကျေးရွာရှိ စပါးစိုက်ရာ လယ်မြေအချို့တွင် ယခုလအတွင်း လယ်အတွင်းရှိ ရေညစ်ညမ်း မှုများကြောင့် ကောက်စိုက်သမများ၏ လက်နှင့်ခြေထောက်များတွင် ယားနာများဆိုးရွားစွာ ဖြစ်ပေါ်လျက် ရှိကြောင်း အဆိုပါ ဒေသခံများ၏ ပြောကြားချက်များအရ သိရသည်။

ရေညစ်ညမ်းရခြင်း အကြောင်းရင်းမှာ အနီးရှိ ငမိုးရိပ်ဆည်မြောင်းမှ ရေပေးဝေသော်လည်း ရေထွက် ရေနုတ်မြောင်းမှာ ပိတ်နေခြင်းကြောင့် လယ်ထဲရှိ နွေရေ၊ မိုးရေမှာ ကာလကြာမြင့်သည့်အခါ ရေများမှာ စီးဆင်းမှု မရှိသောကြောင့် ရေညစ်ညမ်းရခြင်း ဖြစ်ကြောင်း သိရသည်။

ထိုမှတစ်ဆင့် ရေညစ်ညမ်းသော လယ်မြေများတွင် ဒေသခေါ် ခရုယားများမှာ အများအပြား ပွားလာခြင်းကြောင့် ကောက်စိုက်သူများ၏ ရေထိများသော လက်နှင့်ခြေထောက်များတွင် ယားနာများ ဖြစ်ပွားရခြင်း ဖြစ်ကြောင်း၊ ယခင်နှစ်များက ယင်းသို့ ဖြစ်ပွားမှု မရှိကြောင်း လယ်သမား တစ်ဦးဖြစ်သူ ဦးထွန်းလင်း၏ ပြောကြားချက်အရ သိရသည်။

ယင်းကဲ့သို့ ရေထွက်မြောင်း တူးရန်အတွက် ဆည်မြောင်းမှ မြေတူးစက် ချပေးသော်လည်း မြေတူးစက် မောင်းသူများမှာ လာရောက်တူးသော နေ့တွင်ပင် အနည်းငယ်သာ တူးဖော်ပြီး မြေတူးစက် ပျက်သွားသည်ဟု ဆိုကာ ပြန်သယ်သွားကြောင်း သိရှိပြီး ယခုချိန်ထိ လာရောက်တူးခြင်း မရှိကြောင်း ဒေသခံ လယ်သမားများ၏ ပြောကြားချက်အရ သိရသည်။

''ပြီးခဲ့တဲ့ လပိုင်းကတော့ ဆည်မြောင်းက ရေထွက်မြောင်း တူးပေးမယ်ဆိုပြီး မြေတူး စက် တစ်စီးပေးတယ်။ စက်ဆီဖိုးကိုတော့ လယ်သမားတွေ ပေးပါဆိုတော့ လယ်သမားတွေ စုပေါင်းပြီး ဆီဂါလန် ၅၀ ထည့်ပေးလိုက်တယ်။ မြေတူးစက် ရောက်တဲ့နေ့မှာပဲ အချိန်ငါးနာရီပဲ တူးရသေးတယ်။ စက်ပျက်သွားလို့ဆိုပြီး တူးတဲ့နေ့မှာ ပြန်သယ်သွားတယ်။ တူးတဲ့အချိန်က ငါးနာရီဆိုတော့ ခန့်မှန်းချိန် ဆီက ဂါလန် ၂၀ ပဲ ကုန်ပါတယ်။ မြေတူးစက်ပြင် ပြီးတော့လည်း လာမတူးသလို ပိုတဲ့ဆီတွေလည်း ပြန်မပေးတော့ဘူး။ အခုတူးပြီးသား နေရာမှာက ရေထွက်မြောင်းကို ပိတ်ထားသလို ဖြစ်နေတဲ့အတွက် ရေတွေက မဆင်းတော့ပါဘူး'' ဟု တောင်သူ ဦးကြင်စောင်က ပြောပြသည်။

ထိုသို့ ညစ်ညမ်းသော လယ်မြေများတွင် ကောက်စိုက်သူများမှာ ရေနှင့်ထိတွေ့မှု အများဆုံးဖြစ်သည့် လက်နှင့် ခြေထောက်များတွင် ယားဖုများဖြစ်ခြင်း၊ ပြည်တည်အနာများ ဖြစ်ခြင်း၊ အနာများမှ ရောင်ရမ်းကိုက်ခဲခြင်းနှင့် ကိုယ်ပူခြင်းများကိုပါ ခံစားရကြောင်း ယင်းသို့ ခံစားရသော်လည်း ငွေကြေး မတတ်နိုင်မှုကြောင့် ဆေးခန်းမပြနိုင်ဘဲ နီးစပ်ရာ ဆေးမြီးတိုများဖြင့်သာ ကုသနေကြကြောင်း ဒေသခံ ကောက်စိုက်သူများ၏ ပြောကြားချက်အရ သိရသည်။

''ဒေသအခေါ်ကတော့ ခရုယား ယားနာပေါ့။ လယ်ထဲဆင်းတာနဲ့ အသားက ဆတ်ခနဲ ဖြစ်သွားတာ။ ခဏကြာတော့ ထုံပြီး ယားလာတယ်။ ဆပ်ပြာနဲ့ ဆေးလည်း ယားတာတွေက မပျောက်ဘူး။ လက်တွေ၊ ခြေတွေနဲ့ ရေထိတဲ့ နေရာမှန်သမျှ ယားနာလို အပိမ့်ပိမ့်တွေ ထွက်တော့တာပဲ'' ဟု ယားနာခံစား နေရသူ မခင်ထွေးက ဆိုသည်။

Ref: http://news-eleven.com/local/mandalay-news-and-local/21977

၈၈၈၈ ငွေရတုပွဲမှ ဒေါ်အောင်ဆန်းစုကြည်၏ မိန့်ခွန်း- ၁

၈၈၈၈ ငွေရတုပွဲမှ ဒေါ်အောင်ဆန်းစုကြည်၏ မိန့်ခွန်း- ၂

ရှစ်လေးလုံးငွေရတု ပွဲမှ မေမေစုမိန့် ခွန်း ၁ ဒေါ်အောင်ဆန်းစုကြည် ၈၈အရေးတော်ပုံ ငွေရတု ပထမပိုင်း Daw Aung San Su Kyi Commemorative Speech on 8888 Silver Jubilee part1 ပြန်လည်မျှဝေပါတယ်။ 8.8.2013 ဗွီဒီယို ကိုဌေးတင့်

လှည်းကူးမှာ ဖမ်းလိုက်တဲ့ ကျွန်းတင်လာတဲ့ကား

ရန်ကုန်၊ သြဂုတ် ၈

၇.၈.၂၀၁၃ ရက်နေ့ ၀၇၄၅ အချိန် မှော်ဘီမြို့နယ်၊ သစ်တောဦးစီးဌာနမှ
တောအုပ်ဦးသန်းဇော်ဦး နှင့်အဖွဲ့သည် မှော်ဘီမြို့နယ် (၄)လမ်းဆုံ၊ သစ်တောဂိတ်၌တာဝန်ထမ်းဆောင်နေချိန် ၄က/----၊တိုယိုတာမတ်တူး မီးခိုးရောင်ယာဉ်မှာတိုက်ကြီးဘက်မှ ထောက်ကြန့်ဘက်သို
့မောင်းနှင်လာစဉ် ဂိတ်၌ရပ်တန့်ခြင်းမရှိဘဲ မောင်းနှင်ထွက်ပြေးသွား
သဖြင့် မသင်္ကာ၍လိုက်လံဖမ်းဆီးခဲ့ရာ လှည်းကူးမြို့နယ်၊ မလစ်ကျေးရွာ အမှတ်(၇)လမ်း၊ မိုင်တိုင်အမှတ် (၇/၄)အရောက်တွင် ၎င်းယာဉ်မှာ အရှိန်မထိန်းနိုင်ဘဲလမ်းဘေး သို့ထိုးကျရာမှ လမ်းဘေးတဲအားတိုက်မိရပ်သွားခဲ့ပါသည်။

အဆိုပါယာဉ်အားစစ်ဆေးခဲ့ရာ ယာဉ်မောင်းမှာစန်းလွင်(ဘ)ဦးသိန်းလွင်၊ ဥက္ကံမြို့နှင့် အတူပါသူ အေးမင်းစိုး(ဘ)ဦးမြင့်စိုး၊ ဥက္ကံမြို့နေသူတို့အား ယာဉ်အတွင်းမှကျွန်းခွဲသား အပိုင်းအစဆိုဒ်စုံ (၂၁၈) ချောင်း၊
(၀.၄၁၂)တန်၊ တန်ဘိုးငွေကျပ်(၅)သိန်းခန့်နှင့်အတူတွေ့ရှိ
သိမ်းဆည်းရမိခဲ့ပါသည်။

အဆိုပါဖမ်းဆီးရမိသည့် သစ်များနှင့်ပတ်သက်၍ ယာဉ်မောင်းစန်းလွင်၊
အေးမင်းစိုးနှင့် သစ်ပိုင်ရှင် တို့အားအရေးယူပေးပါရန် တောအုပ်
ဦးသန်းဇော်ဦးမှတိုင်ကြားခဲ့သဖြင့် ဒါးပိန်နယ်မြေရဲစခန်း (ပ)၇၇/၂၀၁၃၊ သစ်တောဥပဒေပုဒ်မ ၄၃(က)ဖြင့်အရေးယူထားရှိကြောင်းသတင်း ရရှိပါသည်။

Ref: https://www.facebook.com/yangonpolice

ဖောင်ကြီး (လှည်းကူး) မှာ ယောဂီဥပုသ်သည်များအား ဆဲဆိုကြိမ်းမောင်းသဖြင့် အရေးယူ

ရန်ကုန်၊ သြဂုတ် ၇

၆.၈.၂၀၁၃ ရက်နေ့ ၁၀၃၀ အချိန်ခန့်တွင် ဒဂုံတောင်မြို့နယ်၊ (၂၆)ရပ်ကွက်နေ ဦးထိန်မင်းသည် မိတ်ဆွေယောဂီများနှင့်အတူ ဥပုသ်သီလဆောက်တည်ရန်အတွက် လှည်းကူးမြို့နယ်၊ မင်းလွင်ကုန်း အုပ်စု၊ ၀ါးတာကျေးရွာအနီးရှိ လှည်းကူးစမ်းဓမ္မတောရကျောင်းသို့ သွားရောက်ခဲ့ကြပါသည်။

ထိုသို့သွားရောက်စဉ် ရန်ကုန် - မန္တလေး အမြန်လမ်း မိုင်တိုင် ၂၅/၂ အနီးအရောက် ကားပေါ်မှဆင်း၍ လမ်းလျှောက်ခဲ့ကြရာ ဆံရှည်(ခ)အောင်ကျော်လင်း(စုံစမ်းဆဲ) ဆိုသူမှ ဦးထိန်မင်းနှင့်
ယောဂီဥပုသ်သည်များအား ညစ်ညမ်းစွာဆဲဆိုကြိမ်းမောင်း
ခဲ့သောကြောင့် အရေးယူပေးပါရန် ဦးထိန်မင်းမှတိုင်တန်းခဲ့သဖြင့်
ဖောင်ကြီး နယ်မြေရဲစခန်း (ပ)၈၄/၂၀၁၃၊ ပုဒ်မ ၂၉၄/၂၉၅/၅၀၆ ဖြင့်
အရေးယူဆောင်ရွက်လျက်ရှိကြောင်းသတင်းရရှိပါသည်။

Ref: Yangon Police

လှည်းကူးသားတစ်ယောက်ရဲ့ စီးပွားရေးဆောင်းပါးတစ်ပုဒ်ပါ။

လှည်းကူးသားတစ်ယောက်ရဲ့ စီးပွားရေးဆောင်းပါးတစ်ပုဒ်ပါ။ အားပေးလိုက်ကြပါဦး။

Ref: Commerce journal, Vol-13, N0 25, Monday August 5 2013

ခင်များတို့ လုပ်တတ်တာ ဘာရှိလဲ / ရေးသူ- ဒေါက်တာ အောင်ခင်

လျှပ်စစ်တွေ ထုတ်တယ်၊
ပြည်သူအများစု မသုံးရဘူး။

ဆန် စပါးအများကြီး စိုက်တယ်၊
ပြည်သူတွေ ဝဝလင်လင် မစားရဘူး။

တိုင်းတစ်ပါးသားတွေ ကျူးကျော်နေတာကြာပြီ၊
ခြံစည်းရိုးမရှိဘူး။

ဆင်းရဲလို့
မိန်းမငယ်လေးတွေ သူများနိုင်ငံမှာ
ပြည့်တံဆာအလုပ် အစေခံအလုပ်တွေ သွားလုပ်နေရတယ်၊
ချမ်းသာအောင် မလုပ်ဘူး။

စစ်သည်သုံးသိန်းရှိတယ်၊
သောင်းကျန်းသူတွေကို မနှိမ်နင်းနိုင်ဘူး။

ပညာတတ်တွေ အများကြီးထွက်တယ်၊
အသုံးမချတတ်ဘူး။

ကျောက်တွေ ကတ္တရာတွေ အများကြီးရှိတယ်၊
လမ်းတွေ မကောင်းဘူး။

သံတွေထွက်တယ်၊
အပ်တစ်ချောင်းတောင် မလုပ်တတ်ဘူး။

ရာဘာတောကြီး ရှိတယ်၊
တာယာကို နိုင်ငံခြားက ဝယ်ရတယ်။

သယံဇာတတွေ အများကြီးထွက်တယ်၊
ကုန်ချော မလုပ်တတ်ဘူး။

ရတနာတွေ အများကြီးထွက်တယ်၊
ပြည်သူတွေ အလှမဆင်နိုင်ဘူး။

ပင်လယ်ပြင်ကြီးရှိတယ်၊
ပင်လယ်စာကောင်းကောင်း မစားရဘူး။

ကမ္ဘာမှာ အကောင်းဆုံး ဘာသာတရားရှိတယ်၊
မငြိမ်းချမ်းဘူး။

အမှန်တရားရှိပေမဲ့။
အမုန်းတရားနဲ့ အုပ်ချုပ်တယ်။

မကျန်းမာတဲ့သူတွေ ရှိတယ်၊
ဆေးမကုနိုင်ဘူး။

ရာသီဥတု ကောင်းတယ်၊
စိုက်ပျိုးရေးမှာ အောက်ဆုံးက။

တိုင်းပြည် ဖွံ့ဖြိုးတိုးတက်မှု အောက်ဆုံးရောက်နေတယ်
ပြည်သူတွေ အုပ်ချုပ်ရေး အတတ်ပညာကို သင်ခွင့်မရဘူး။

ဝန်ကြီးဌာနအများစု အလွဲသုံးစားလုပ်နေတယ်၊
အရေးမယူဘူး။

ကျွန်းသစ်တွေ အများကြီးထွက်တယ်၊
ပြည်သူအများစု တဲနဲ့နေရတယ။်

ကမ္ဘာမှာ လူဦးရေအများဆုံး နိုင်ငံ နှစ်နိုင်ငံနဲ့ နယ်နမိတ်ချင်းထိနေတယ၊်
ကုန်ချောပစ္စည်း ရောင်းမစားတတ်ဘူး။

ကမ္ဘာကျော် အတွေးအခေါ်ပညာရှင်ရှိတယ်။
ပြည်သူတွေ သူ့အကြောင်း သင်ခွင့်မရဘူး။

ဒီမိုကရေစီနိုင်ငံထူထောင်တယ်၊
အာဏာရှင် စိတ်ဓါတ်နဲ့။

ကမ္ဘာကျော် ခေါင်းဆောင်ရှိတယ်
အုပ်ချုပ်ခွင့် မရဘူး။

ဒေါက်တာ အောင်ခင်
၁၉ -၀၆-၂၀၁၃

Ref: 

ဆရာတော် ဒေါက်တာဇာဂရာဘိဝံသ ( ဆစ်ဒနီမြို့၊ သြစတေးလျနိုင်ငံ)၏ ၈၈-နှစ်မြောက် မွေးနေ့အလှူတော် ဖိတ်ကြားလွှာ

မတူတာလေးများ အပိုင်း- ၁၇ (သို့) စာတိုက်

ဒီတစ်ပတ်တော့ စာတိုက်အကြောင်းကို ပြောချင်ပါတယ်။ အွန်လိုင်းကနေ အဆက်အသွယ်လုပ်ရတာ အခုခေတ်မှာ တော်တော်လေးကို လွယ်ကူလာတာ ထင်ရှားပါတယ်။ လွယ်ကူသော်လည်း စာတိုက်အသုံးပြုမှု့တွေကတော့ လျော့နည်းသွားခြင်း မရှိပါဘူး။ သူ့ဟာနဲ့သူတော့ သုံးနေရတာပါပဲ။

စာရေးသူနေတဲ့ ဒီသြစီမှာတော့ စာတိုက်စနစ်ဟာ တော်တော်လေးကို ထွန်းကားတယ်လို့ ပြောရမှာ ဖြစ်ပါတယ်။ စာပို့စနစ်ကို အကြမ်းဖျင်း သုံးမျိုးခွဲနိုင်ပါတယ်။ ပထမဆုံးက နိုင်ငံတွင်းကို နေ့ချင်းရောက်ပို့ပေးပါတယ်။ ဒုတိယကတော့ သုံးရက်အတွင်း ရောက်အောင်ပို့ပေးပါတယ်။ နောက်ဆုံးကတော့ ခုနှစ်ရက်အတွင်းပို့ပေးပါတယ်။ ရှင်းရှင်းလေးပါပဲ။ အမြန်လိုချင်ရင် အမြန်နှုန်းကျသင့်ငွေကို ပေးလိုက်ရုံပါပဲ။ စာပို့သမားကလဲ အိမ်တိုင်ရာရောက် လိုက်ပို့ပေးပါတယ်။ ကိုယ်ကပို့လိုက်တဲ့ (သို့) ကိုယ့်ဆီကို ပို့လိုက်တဲ့ စာတွေ ပါဆယ်တွေဟာ ဘယ်တော့မှ ပျောက်သွားတယ်ဆိုတာမရှိပါဘူး။ မှတ်ပုံတင်ထားတဲ့ စာတွေ ပါဆယ်တွေကိုတော့ စာတိုက်မှာ မိမိရဲ့ ဓါတ်ပုံပါတဲ့ အိုင်ဒီပြပြီး သွားရောက်ထုတ်ယူနိုင်ပါတယ်။

ထို့အတူ အိမ်လခပေးချင်သလား၊ လျှပ်စစ်သုံးစွဲခ ပေးချင်သလား၊ ရေသုံးစွဲခ ပေးချင်သလား ဒီဟာတွေကို စာတိုက်မှာပဲ အကုန်ပေးလို့ရပါတယ်။ စာတိုက်စာရေးလုပ်တာကို မစောင့်ပဲ ကိုယ်ပို့ချင်တဲ့စာ (သို့) ပါဆယ်ထုပ်တွေကိုလဲ စာတိုက်မှာရှိတဲ့ ချိန်တဲ့စက်မှာ ကိုယ်ဖာသာကိုယ်ချိန်တွယ်ပြီး ကျသင့်ငွေကို ပေးနိုင်ပါတယ်။

တကယ်တော့ စာတိုက်လုပ်ငန်းဟာ ဒီနိုင်ငံမှာ တော်တော်လေးကို ထွန်းကားကျယ်ပြန့်ပါတယ်။ ဓါတ်ပုံရိုက်ခြင်း၊ ငွေလဲလှယ်ခြင်း၊ ဆက်သွယ်ရေးပစ္စည်းတွေကို ရောင်းခြင်း၊ နိုင်ငံတကာသို့ စာပို့ခြင်း၊ ပါဆယ်ပို့ခြင်း စသည် စသည်ဖြင့် ဒီနိုင်ငံမှာ ရှိတဲ့သူတွေဟာ စာတိုက်နှင့် ကင်းတဲ့သူ မရှိသလောက်ပါပဲ။
အဲဒီလောက်ကို စာတိုက်လုပ်ငန်းဟာ တော်တော်လေးကို ကြီးမားကျယ်ပြန့်ပါတယ်။ စာတိုက်က အသုံးပြုတဲ့ ကားတွေဆိုရင် လေးဘီးကားမှသည် ဆယ့်၇ှစ်ဘီးကားတွေအထိကို အသုံးပြုလျှက်ရှိပါတယ်။
သေချာတာတစ်ခုကို ပြောပါဆိုရင်တော့ ကိုယ်ကပို့လိုက်တဲ့ (သို့) ကိုယ့်ဆီကို ပို့လိုက်တဲ့ စာတွေ ပါဆယ်တွေဟာ ဘယ်တော့မှ ပျောက်သွားတယ်ဆိုတာမရှိဘူး ဆိုတာပါပဲ။ အဲဒီလောက်ကို စိတ်ချရပါတယ်။

ရွှေနိုင်ငံမှာတော့ စာတိုက်လုပ်ငန်း မထွန်းကားသေးတာတွေ့နိုင်ပါတယ်။ မထွန်းကားရတဲ့ အကြောင်းတွေထဲမှာ အဓိကကတော့ စာတိုက်ကို ယုံကြည်မှု့နည်းခြင်းပါပဲ။ ယုံကြည်မှု့နည်းပါးအောင်လည်း စာတိုက်က အချို့ဝန်ထမ်းတွေက လုပ်ဆောင်နေကြပါတယ်။ စာရေးသူအတွေ့အကြုံကို ပြောရရင်တော့ ပို့လိုက်တဲ့စာတိုင်း ကာယကံရှင်ဆီကို ရောက်လေ့မ၇ှိပါဘူး။ ရောက်တဲ့စာတိုင်း (အထူးသဖြင့်) ပြည်ပမှ ပို့လိုက်တဲ့စာတွေ အကုန်လုံး အဖောက်ခံထားရပါတယ်။ အဖောက်ခံထားရပြီးပြီဆိုရင်တော့ ပို့စကဒ်တို့လို၊ ဓါတ်ပုံတို့လို အရာဝတ္ထုတွေဟာ တစ်ခုမဟုတ် တစ်ခုပျောက်နေကြပါပဲ။ ပြီးတော့ ပြည်ပစာဆိုရင် တော်လေးကို သတိထားပြီး မိမိလက်ထဲကို ရောက်၇ှိအောင် ကြိုးစားရပါတယ်။

တနေ့မှာ စာရေးသူဟာ ပြည်ပက တက္ကသိုလ်တစ်ခုဆီမှ ဖိတ်ခေါ်စာတစ်ခုကို စောင့်နေရပါတယ်။ ပြည်ပက မိတ်ဆွေတစ်ယောက်ကတော့ တက္ကသိုလ်မှ တိုက်ရိုက် စာပို့လိုက်ပြီလို့ အကြောင်းကြားပါတယ်။ ပြည်ပကနေ ရန်ကုန်ကို စာပို့လိုက်တာ ကြာချိန်က သုံးရက်ပဲကြာပါတယ်။ ရန်ကုန်ကနေ့ စာရေးသူရဲ့ ဇာတိမြို့ဖြစ်တဲ့ လှည်းကူးကို နှစ်ပတ်ကြာမှ ရောက်ပါတယ်။ ဒါတောင် စာတိုက်ကို နေ့တိုင်းသွားစုံစမ်းနေလို့ပါ။ မစုံစမ်းပဲ သူတို့ပို့တာကို စောင့်နေမယ်ဆိုရင်တော့ လှည်းကူးကနေ ဇာတိရွာကို နောက်ထပ် တလလောက်တောင် ကြာမလားမသိပါ။ စာရောက်လို့ ကြည့်လိုက်တော့ တက္ကသိုလ်က ဖိတ်ထားတဲ့ ရက်ရောက်ဖို့ တပတ်ပဲလိုတော့တာ တွေ့ရပါတယ်။ ဒါနဲ့ပဲ ဗီဇာကို မြန်မြန်လုပ်ပြီး တက္ကသိုလ်ဆီကို အမြန်သွားခဲ့ရပါတယ်။ မစုံစမ်းပဲ သူတို့ပို့တာကို စောင့်နေမယ်ဆိုရင်တော့ အဲဒီ တက္ကသိုလ်မှာ တက်ရောက်သင်ကြားခွင့်ရမှာ မဟုတ်ပါဘူး။

အဆိုးဆုံးနဲ့ အံ့အားသင့်စရာ တစ်ခုလဲ တွေ့ကြုံပါသေးတယ်။ အဲဒါကတော့ စာပို့သမားတစ်ယောက်ဟာ စာတွေကို မပို့ဘဲ သူ့နေထိုင်ရာ အိမ်ရှေ့မှာရှိတဲ့ ရေအိုင်မှာ လွှင့်ပစ်ထားတာကို တွေ့ရှိရပါတယ်။ သူ့ကို မေးကြည့်တော့ ဒီစာတွေဟာ သူတို့စာတိုက်ရှိရာ မြို့နယ်ထဲက ကျေးရွာတွေက ဖြစ်တယ်။ သို့သော် အဲဒီရွာတွေဟာ စာဝေမည့်နယ်မြေထဲ မပါဝင်ဟု ဆိုပါတယ်။ အဲဒီစာတွေကို ကောက်ယူကြည့်တဲ့အခါမှာတော့ ပြည်ပမှာ အလုပ်သွားလုပ်နေတဲ့ သားသမီးတွေက ရွာမှာကျန်နေကြတဲ့ မိဘမောင်ဘွားတွေဆီကို ရေးသားထားတဲ့ စာတွေပဲ ဖြစ်ပါတယ်။ အရမ်းကို အံ့အားသင့်သွာပါတယ်။

ပြည်သူတွေရဲ့ ယုံကြည်မှု့ကို မရသရွေ့ကတော့ မြန်မာ့စာတိုက်လုပ်ငန်းဟာ တိုးတက်မှာ မဟုတ်ပါဘူး။
တာဝန်ရှိသူအနေနဲ့ အမြန်ဆုံး ပြုပြင်သင့်ပြီ ဖြစ်ပါကြောင်း။

မတူတာလေးတွေကို ပြောပါတယ်။
နောက်တစ်ပတ်မှ ဆက်ရေးပါမည်။

မောင်နေခြည် (လှည်းကူးမြေ)

လှည်းကူးတွင် ရေဘေးကယ်ဆယ်ရေးစခန်းဖွင့်

ရန်ကုန်၊ ဇူလိုင် ၃၁

ရန်ကုန်တိုင်းဒေသကြီး လှည်းကူးမြို့နယ် သရက်ကုန်းကျေးရွာတွင် မိုးရွာသွန်းမှုကြောင့် ရေကြီးရေလျှံမှု ဖြစ်ပွားကာ လူ ၅၆ ဦးကို အဆိုပါ ကျေးရွာရှိ စွန်းလွန်း တပ်ဦးကျောင်းတွင် ကယ်ဆယ် ရေးစခန်း ဖွင့်လှစ်နေရာ ချထားကြောင်း ကျေးရွာအုပ်ချုပ်ရေးမှူးဖြစ်သူ ဦးစန်းနိုင်ဦး မှ ပြောကြားသည်။

အဆိုပါကျေးရွာတွင် ဇူလိုင်လ ၃၀ ရက်နေ့မှစ၍ ရေအမြင့် သုံးပေ အထိ မြင့်တက်ခဲ့ရာ ကျေးရွာမြေနိမ့်ပိုင်းရှိ အိမ် ငါးလုံး ကြမ်းပြင်အထိ နစ်မြုပ်ခဲ့ပြီး အိမ် အလုံး၂၀ ခန့် လှေကားထစ်များအထိ ရေတက်သဖြင့် နေထိုင်သူများ၏ ကျန်းမာရေးနှင့် လုံခြုံရေးကို ရည်ရွယ်ကာ စွန်လွန်းတပ်ဦး ကျောင်းတွင် ကယ်ဆယ် စောင့်ရှောက်လျက် ရှိကြောင်း၊ ဇူလိုင်လ ၃၁ ရက် နေ့ထိလည်း မိုးဆက်လက်ရွာသွန်း နေကြောင်း ၄င်းက ထပ်လောင်းပြောကြား သည်။
"မိုးအရိပ်အခြေကို တစ်ရက်နှစ်ရက် စောင့်ကြည့်ပြီး သူတို့ရဲ့နေရာကို ပြန်ပို့ ပေးမှာ လောလောဆယ်တော့ သူတို့အိမ် တွေကို ရဲတပ်ဖွဲ့က လုံခြုံရေး ယူပေးထား ပါတယ်" ဟု ၄င်းကရှင်းပြသည်။

ယခင်နှစ်တွင် မိုးကာလတွင် သရက်ကုန်းကျေးရွာ ရေသည် လူတစ်ဦး၏ ဒူးခေါင်းခန့်သာ ရေတက်ခဲ့သော်လည်း ယခုနှစ်တွင် ပေါင်အထိ ရေမြင့်တက်ခဲ့ ကြောင်း သရက်ကုန်းကျေးရွာတွင် နေထိုင်သူ တစ်ဦးက ပြောကြားသည်။

လက်ရှိ ရေဘေး ဒုက္ခသည်များကို မြို့နယ်ရဲတပ်ဖွဲ့၊ မြို့နယ်အုပ်ချုပ်ရေးမှူး၊ ကျေးရွာအုပ်ချုပ်ရေးမှူး တို့က အစား အစာများ ထောက်ပံ့ပေးထားပြီး အဆိုပါ ကယ်ဆယ်ရေးစခန်း ရောက်ရှိနေသူ များသည် ၄င်းတို့နေအိမ်တွင် ရေကျရန် စောင့်ဆိုင်း လျက်ရှိကြောင်း၊ လတ်တလောတွင် အခြား သော အကူအညီများ မလိုအပ်မှု မရှိသေး ကြောင်း ကျေးရွာအုပ်ချုပ်ရေးမှူးထံမှ သိရှိရသည်။

မိုးအဆက်မပြတ် ရွာသွန်းမှုကြောင့် မြန်မာနိုင်ငံ တောင်ပိုင်းဒေသများ ဖြစ်သော မွန်ပြည်နယ် မော်လမြိုင်နှင့် ဘီးလင်းမြို့နယ်၊ ရှမ်းပြည်နယ် အရှေ့ပိုင်း တာချီလိတ်မြို့နယ်၊ မိုင်းတုံ၊ ကရင်ပြည်နယ်၊ မြဝတီ၊ ကော့ကရိတ် မြို့ နှင့် ရခိုင်ပြည်နယ် တို့တွင်တွင် ဇူလိုင်လ နောက်ဆုံးပတ် အတွင်း ရေကြီးနစ်မြုပ်မှု များ ဖြစ်ပွားလျက်ရှိသည်။

Ref: The Voice Weekly

အနှိပ်ခန်းကို ၀င်ရောက် ဖမ်းဆီးရာမှာ လှည်းကူးသူတစ်ဦး အဖမ်းခံရ

နေပြည်တော်၊ သြဂုတ် ၁

၃၀-၇-၂၀၁၃ ရက်နေ့ ၂၂၀၀ အချိန် ရန်ကုန်တိုင်းဒေသကြီး၊ စမ်းချောင်းမြို့မရဲစခန်းမှ တပ်ဖွဲ့ဝင်များသည် အလှပြင်ဆိုင်ဗန်းပြပြီး တရားမ၀င်အနှိပ်ခန်းဖွင့်လှစ်ဆောင်ရွက်နေကြောင်းသတင်း အရ သက်သေများနှင့်အတူ စမ်းချောင်းမြို့နယ်၊ ရှင်စောပုရပ်ကွက်၊ ပဒုမ္မာလမ်းရှိ ““ရွှေဂုဏ်သူ”” အလှပြင်ဆိုင်အား ၀င်ရောက်ရှာဖွေခဲ့သည်။ 

ထိုသို့ရှာဖွေရာ ဆိုင်အတွင်း ဒလမြို့နယ်၊ ရာဇသင်္ကြန် ရပ်ကွက်နေ ဆိုင်မန်နေဂျာ ထွန်းထွန်းနိုင်(ခ)စိုင်းနောင်(၂၆)နှစ်နှင့် လှည်းကူးမြို့နယ်နေ မ၀ါဇင်ထက် (ခ)မ၀ါ(၂၆)နှစ်ပါ အနှိပ်သမ ၅ ဦးတို့အား အနှိပ်ခန်းလုပ်ကိုင်ရာတွင်အသုံးပြုသည့် အသုံးအဆောင် ပစ္စည်းများနှင့်အတူ တွေ့ရှိသိမ်းဆည်းရမိခဲ့သဖြင့် စမ်းချောင်းမြို့နယ်တရားရုံးသို့ တရားစွဲတင်ပို့ရန် စီစဉ်ထားရှိကြောင်း သတင်းရရှိသည်။

Ref: ရဲဇာနည်

လှည်းကူးနယ်မှာ ကိုယ်တိုင် ဆိုင်ကယ်မောင်းလာတဲ့ ဆယ်နှစ်သားကလေးငယ် အခြားဆိုင်ကယ်ဝင်တိုက်လို့ သေဆုံး

Ref: ကြေးမုံသတင်းစာ (၀၁-၀၈-၂၀၁၃)