စာရေးသူ ဒီသြစီနေတာ ကြာလာတော့ ဒီနိုင်ငံသားတွေရဲ့ ဓလေ့ထုံးစံကို တော်တော်လေး ယဉ်ပါးနေပြီလို့ ဆိုရပါ့မယ်။ ဒီနိုင်ငံက သူတွေဟာ များသောအားဖြင့် ဥပဒေကို လေးစားလိုက်နာကြပါတယ်။ ဥပဒေအတိုင်း နေထိုင် ပြုမူတော့ စည်းကမ်းလည်း ရှိလာကြပါတယ်။
အိမ်တိုင်း အိမ်တိုင်းမှာ အမှိုက်ပုံးနှစ်ပုံးတော့ အနည်းဆုံးထားကြပါတယ်။ တစ်ပုံးက မီးဖိုချောင်က ထွက်၇ှိတဲ့ အမှိုက်တွေကို ထည့်ဖို့ပါ။ နောက်တစ်ပုံးကတော့ ပြန်ပြီးတော့အသုံးပြုနိုင်တဲ့ အမိုက်တွေ ထည့်ဖို့ပါ။ ဥပမာ- စက္ကူတို့၊ ပုလင်းခွံတို့ပေါ့။ အမှိုက်ပုံးတွေကို အရောင်နဲ့ ခွဲထားပါတယ်။ ဘယ်သူမှ အမှိုက်ပုံးကလွဲပြီး အခြားနေရာမှာ မစွံ့ကြပါဘူး။ အမှိုက်ပုံးချင်းတူတာတောင် တွေ့တဲ့အမှိုက်ပုံးထဲကို မထည့်ကြပါဘူး။ မိမိစွန့်ပစ်မည့် အမှိုက်ပေါ်မူတည်ပြီး သက်ဆိုင်ရာပုံးထဲကို ထည့်ကြတာပါပဲ။ အကယ်၍ အမှိုက်ပုံး မတွေ့သေးလျှင်လည်း အိပ်တစ်ခုခုနဲ့ ထည့်ပြီး ယူဆောင်သွားကြတာပါပဲ။ အမှိုက်ပုံးတွေ့ပြီဆိုမှ ထည့်တက်ကြပါတယ်။
တချို့အရေးကြီးတဲ့ ဌာနတွေမှာဆိုရင် သီးသန့်အမှိုက်ပုံးတွေ ထာရှိပါတယ်။ အဲဒါတွေကတော့ အသုံးပြုပြီးသား ဆေးထိုးအပ်တွေကို စွန့်ဖို့ပါ။ အိမ်သာအများစုမှာလည်း ဆေးထိုးအပ်တွေကို ထည့်ဖို့ အမှိုက်ပုံးတွေထားပေးပါတယ်။ အမှိုက်သိမ်းတဲ့ကားကလည်း ပုံမှန် လာသိမ်းပေးပါတယ်။ ဒါကတော့ ကောင်စယ်ရဲ့ အလုပ်ပါ။
မြန်မာပြည်ကို ခေတ္တအလည်ပြန်သွားတဲ့ မိတ်ဆွေတစ်ယောက်က သူ့အတွေ့အကြုံကို စာရေးသူကို ပြောပြပါတယ်။ မြန်မာပြည်ပြန်သွားတာ အမှိုက်ကို ပစ်ဖို့နေရာ၇ှာရတာ တော်တော် ပင်ပန်းတယ်လို့ဆိုပါတယ်။ အမှိုက်ပုံး မတွေ့လို့ပါ။ (အခုတော့ ရန်ကုန်မှာတော့ အမှိုက်ပုံးတွေ ထားတယ် ပြောပါတယ်။) နောက်နေ့တွေကျတော့ သူတစ်ပါးတွေပစ်သလို လမ်းဘေးကို ပစ်လိုက်တာပဲလို့ ပြောပါတယ်။ ရွှေနိုင်ငံေ၇ာက်တော့ ရွှေစိတ်ဝင်သွားတာပေါ့ဟု ရီပြီးတော့ ပြောရှာပါတယ်။ ဟုတ်ပါတယ်။ မြန်မာပြည်ရဲ့ နေရာ အနှံ့မှာ အမှိုက်တွေ၊ ကွမ်းတံတွေးတွေ ပွစာကြဲအောင် ပစ်ကြ ထွေးကြပါတယ်။ ပြုပြင်ဖို့ အချိန်တန်ပြီ ထင်ပါတယ်။
ဒီသြစီမှာ ကားဆိုရင်လည်း ကားအလျောက် ပါပဲ။ ဒီနေရာမှာ ကျောင်းရှိလို့ ကီလိုမီတာ ၄၀-ထက်ပိုမမောင်းရဆိုရင် ဘယ်သူမှ ပိုမမောင်းကြပါဘူး။ ပိုမောင်းခဲ့ရင်လဲ ကင်မရာက ရိုက်ထားပါတယ်။ အချိန်တန်ရင် ဒဏ်ငွေစောင်ရပြီသာမှတ်ပါ။ အသိတစ်ယောက်ကတော့ သူ့အကြောင်းကို ပြောပြပါတယ်။ သူကားမောင်းတာတဲ့ လမ်းမှာ ဘာကားမှမရှိလို့ မြန်မြန်မောင်းမိတယ်တဲ့။ စပိကင်မရာရှိတာကို မသိဘူးတဲ့။ အခုတော့ ကားမောင်းခွင့် သုံးလ ပိတ်သိမ်းခံထားရပါတယ်။
မြန်မာပြည်မှာနေစဉ်တုံးက အသိတစ်ယောက်ပြောဘူပါတယ်။ သူက ဆီးရောဂါ၇ှိသူဆိုတော့ မအောင့်နိုင်ဘူးလို့ဆိုပါတယ်။ ဒါနဲ့ လမ်းဘေးမှာ ကားထိုးရပ်ပြီး အပေါ့စွန့်ပါလေရော။ အဲဒီအချိန်မှာ လှည့်ကင်းနဲ့တွေ့ပြီး အဖမ်းခံရပါတယ်။ သူက ပြန်မေးတယ်တဲ့ ဘာကြောင့်ဖမ်းတာလဲပေါ့။ အဲဒီအခါမှာ ယာဉ်ထိမ်းအရာရှိက ရှင်းပြပါတယ်။ သင် အပြစ်နှစ်ခုလုပ်ထားပါတယ်။ တစ်ခုက လမ်းဘေးသေးပေါက်မှု့၊ နောက်တစ်မှု့ကတော့ ဖြူနီကြားမှာ ကားရပ်နားမှု့ပါဆိုပြီး ပြန်ပြောပါတယ်။ အဲဒါနဲ့ ကျွန်တော့်ကို လမ်းဘေးသေးပေါက်မှု့တော့ ဒဏ်မရိုက်ပါနဲ့၊ ဖြူနီကြားကားရပ်နားမှု့ပဲ ဒဏ်ရိုက်ပါဆိုပြီး မနဲပြောထွက်လာရတာဆိုပဲ။
ဒီနိုင်ငံမှာဆိုရင်တော့ ဘယ်လိုမှ လျှော့ခိုင်းလို့ရမှာမဟုတ်ပါဘူး။ စည်းကမ်းမဲ့တာက စည်းကမ်းမဲ့တာပါပဲ။
မတူတူလေးတွေကို ပြောပါတယ်။
နောက်တစ်ပတ်မှ ဆုံကြတာပေါ့
မောင်နေခြည် (လှည်းကူမြေ)
No comments:
Post a Comment