ဒီနေ့ တနေ့တနေ့လုံး အဆိုင်းမင့်တွေနဲ့ လုံးခြာလိုက်နေပါတယ်။ နေ့ဆွမ်းဘုဉ်းတာတောင် ဆွမ်းပုဂံကို ကွန်ပျူတာရှေ့မှာ ချပြီး ဘုဉ်းရတဲ့ အထိပါပဲ။ ဒီသြစီမှာတော့ တက္ကသိုလ် (သို့) ကောလိပ်ကျောင်းသားတိုင်းဟာ အဆိုင်းမင့်ကို မလုပ်မနေ လုပ်ရတာပါပဲ။ စာမေးပွဲအောင်ဖို့ (သို့) အတန်းတက်ဖို့က ဒီအဆိုင်းမင့်ပေါ်မှာ တော်တော်လေးကို မူတည်ပါတယ်။
ဘာသာရပ်တိုင်း ဘာသာရပ်တိုင်းမှာ အနည်းဆုံး အဆိုင်းမင့် သုံးစောင်လောက် ရေးရပါတယ်။ ကျောင်းသားတစ်ယောက်အတွက် ဘာသာရပ် (၁၀)ခုရှိတယ်ထားဦး။ အဆိုင်းမင့်က အခု (၃၀) တောင် ရေးရမှာပါ။ မိမိကိုယ်ပိုင် အရေးအသားနဲ့ ရေးရပါတယ်။ အခြားသူ ရေးထားတဲ့ဟာကို ခိုးချကူးယူလို့ မရပါဘူး။ တနေ့တနေ့ ကျောင်းတက်ရတာက နဲနဲပါ။ အဆိုင်းမင့် အချိန်မီ ပြီးဖို့ စာကြည့်တိုက်ပြေးပြီး သက်ဆိုင်ရာစာအုပ်စာတမ်းကို ရှာရ၊ အမြန်ပြန်ပြီး အင်တာနက်မှာ ပြန်ရှာရ။ ပြီးတော့ ပြန်ရိုက်ရနဲ့ တစ်နေ့တနေ့ ဒီအဆိုင်းမင့်တွေနဲ့ပဲ အချိန်ကုန်နေရပါတယ်။
ဒီမှာက အဆိုင်းမင့်အပြင် ရီပေါ့တို့၊ သီးစစ်တို့၊ တမ်းပေပါတ်ု့ဆိုတာတွေဟာလဲ အများကြီး လုပ်ရပါတယ်။ အတန်းကြီးရင် ကြီးသလိုပေါ့။ အဆိုင်းမင့်နဲ့ ပတ်သက်ပြီး စာရေးသူအတွက်ကတော့ သိပ်ပြီးတော့ အခက်အခဲဆိုတာ မ၇ှိသေးပါဘူး။ တက္ကသိုလ်ပါးဝတယ်လို့ ပြောရမလားပဲ။ (တစ်ခါတရံတော့ ဆရာလက်ချာပေးရင် နားမလည်တဲ့ အခါတွေတော့ ရှိပါတယ်။ နားထောင်မှု့ စွမ်းရည် အားနည်းတယ်လို့ ပြောရမလားပါပဲ။)
အဆိုင်းမင့်နဲ့ ပတ်သတ်ပြီး အခက်အခဲ မရှိရခြင်း အကြောင်းကတော့ စာရေးသူ မြန်မာပြည်မှာတုံးက နိုင်ငံတော် ပရိယတ္တိ သာသနာ့ တက္ကသိုလ် (ရန်ကုန်) မှာ တက်ရောက် သင်ကြားခဲ့ပါတယ်။ စတုတ္ထနှစ်မှာ စာတမ်းငယ် တစ်စောင်တင်ရပါတယ်။ မဟာတန်းရောက်တော့ တစ်ဦးချင်း သီးသန့် စာတမ်းအပြင် အဖွဲ့လိုက်လဲ စာတမ်းတွေ ပြုစုခဲ့ရပါတယ်။ ကိုယ်ရေးသားထားတဲ့ စာတမ်းတွေကို စာတမ်းဖတ်ပွဲမှာ ၀င်ရောက်ဖတ်ဖြင်း၊ ဆွေးနွေးခြင်းတွေလဲ လုပ်ရပါတယ်။ ကျမ်းပြုချိန်ရောက်တော့ မဟာဘွဲ့အတွက် ကျမ်းတစ်စောင်ကို သုတေသနပြုေ၇းသေားရပါတယ်။ဒီလိုဒီလို ဆရာသမားတွေက သင်ကြားပေးလိုက်တဲ့ အတွေ့အကြုံတွေက စာရေးသူကို အခက်အခဲများမှေ၇ှာင်ရှားစေခဲ့ပါတယ်။
နိုင်ငံတော် ပရိယတ္တိ သာသနာ့ တက္ကသိုလ် (ရန်ကုန်) မှာ တက်ရောက်စဉ် ပါမောက္ခဆရာကြီး တစ်ဦးပြောတဲ့ စကားတစ်ခွန်းကို ပြန်ကြားမိပါတယ်။ အဲဒါကတော့- ဒီလို အဆိုင်းမင့်တွေ၊ ၇ီဆပ်(ခ်ျ) ပေပါတွေကို မိမိ ကိုယ်ပိုင်ဥာဏ်နဲ့ ရေးသားတဲ့ အလေ့အထဟာ အရှင်ဘုရားတို့ တက္ကသိုလ်တစ်ခုပဲ မြန်မာပြည်မှာ ရှိတော့တယ် ဘုရား- ဟုပဲ ဖြစ်ပါတယ်။ (ဆရာကြီးပြောခဲ့ သလို မြန်မာပြည်က တက္ကသိုလ်တွေမှာ ဒီလိုပဲ မရှိတော့ဘူးလား)
တက္ကသိုလ် နဲ့ အဆိုင်းမင့်၊ အဆိုင်းမင့် နဲ့ တက္ကသိုလ် ဟာ ဘယ်လိုမှ ခွဲခြားလို့ မရပါဘူး။ ပညာမြင့်မှ လူမျိုးမြင့်မည်။
မတူတာလေးတွေ ပြောပါတယ်။
နောက်တစ်ပတ်မှ ဆုံကြတာပေါ့။
မောင်နေခြည် (လှည်းကူးမြေ)
No comments:
Post a Comment