တောက်မယ့်မီးက မိန်းမလား(Woman)
လောကကြီးမှာ အရာ ခပ်သိမ်းဟာ အမြဲတမ်း ဒွန်တွဲရက် ရှိပါတယ်။ နှစ်ခု ဖက်ယှဉ်လျက် ရှိပါတယ်။ တစ်ခါတစ်ရံ ဆန့်ကျင်မှု သဘော ဆောင်နေပြီး တစ်ခါတစ်ရံ မှာတော့ ပူးတွဲမှု သဘောကို ဆောင်နေကြ ပါတယ်။
တစ်ခုရှိလို့ တစ်ခုရှိနေ ရသလို တစ်ခု မရှိရင်လည်း တစ်ခုက မဖြစ်ပါ။ ပထ၀ီ၊ တေဇော၊ အာပေါ၊ ၀ါယောစတဲ့ ဓာတ်ကြီး လေးပါးက တစ်ခုနဲ့ တစ်ခု သဟဇာတ သဘော ဆောင်နေသလို ပဋိပက္ခ သဘောလည်း ဆောင်နေပါတယ်။ အမာရှိလို့ အပျော့ရှိတယ်။ အပူရှိလို့ အအေးရှိတယ်။ ဖွဲ့စည်းမှု ရှိလို့ ပြိုကွဲမှု ရှိတယ်။ လှုပ်ရှားမှု ရှိလို့ ငြိမ်သက်မှု ရှိကြတာပါ။ ကိုင်းကျွန်းမှီ ကျွန်းကိုင်းမှီ အပြန်အလှန် အကျိုးပြုပြီး အတူ ယှဉ်တွဲ နေထိုင် နေကြရတာပါ။
ဒီလိုပါပဲ။ သတ္တ လောကနဲ့ ရုက္ခ လောက တွေမှာ ဆန့်ကျင်ဘက် အထာရှိ ကြတဲ့ အဖို(Male of the species)နဲ့ အမ( Fmale of the species) ဆိုတာ ရှိ နေစမြဲပါ။ တစ်ဦးသဘော၊ တစ်ဦးစရိုက်၊ တစ်ဦး သဘာဝတွေ သိထားကြရင် ထိစပ်ကြရ တဲ့အခါ အကျိုးဖြစ်ထွန်း နိုင်တာပေါ့။ ဒီတစ်ခေါက်တော့ ဝေါဟာရ မှော်ရုံတောထဲ ကနေ “အမ”၊ တစ်နည်း “မိန်းမ”၊ တစ်နည်း “အမျိုးသမီး”၊ တစ်နည်း “ဣတ္ထိယ”၊ တစ်နည်း “လူမ” တွေ အကြောင်း ခေါ်ဝေါ် သုံးစွဲပုံ ဝေါဟာရ အစုံအလင်ကို လေ့လာ ကြည့်ရအောင်ပါ။
ပထမဆုံး Woman နဲ့ ဆက်နွှယ် နေတာကို အကဲခတ် ကြမယ်။ အဘိဓာန်လာ Woman ရဲ့ အနက် အဓိပ္ပာယ် ဖွင့်ဆို ထားပုံတွေက မိန်းမ၊ အမျိုးသမီး၊ ဇနီးမယား၊ ချစ်သူ အမျိုးသမီး၊ တွဲဖော် အမျိုးသမီး၊ ဣတိ်္ထယ၊ မိန်းမသား၊ အလုပ်သမ၊ (ဒေါနဲ့မောနဲ့ စိတ်မရှည်သံနဲ့ အမျိုးသမီးကို ရည်ညွှန်း ခေါ်ဝေါ်တဲ့ စကားပါ။) ကောင်မတဲ့။ ဒါက ယေဘုယျ ဖွင့်ဆိုပုံ တွေပါ။ Womanhood က မိန်းမဘ၀၊ အမျိုးသမီး အရွယ် ရောက်ခြင်း၊ Womanish က မိန်းမဆန်သော၊ မိန်းမလို မိန်းမရ ဖြစ်သော၊ Womanlike, Womanly က မိန်းမပီသသော၊ Womanliness က မိန်းမပီသမှု၊ Womanfolk, Womankind က မိန်းမသားတွေ လို့ ဆိုလို ပါတယ်။
ဒီနေရာမှာ Womanize ကတော့ ယောက်ျားတွေ မိန်းမ လိုက်စားတာ၊ မြာပွေတာ ဖြစ်ပါတယ်။ မိန်းမ လိုက်စားခြင်းက Womanizing , မိန်းမ လိုက်စားသူ၊ မြာပွေသူကိုတော့ Womanizer လို့ ခေါ်တာပေါ့။ ဒီလို စရိုက်မျိုး ရှိတဲ့ ယောက်ျားတွေက လောကကြီးမှာ ဒုနဲ့ဒေး ပါပဲ။ တော်လှန်ရေး သတိ၊ နိုးကြားတဲ့ အသိနဲ့ ရှောင်ရ ရှားရမှာက အမျိုးသမီး တွေရဲ့ တာဝန်။ သူတို့တစ် တွေက “ကျား”(ယောက်ျားမဟုတ်)။ ကိုယ်က “သမင်” (တိရစ္ဆာန်မဟုတ်) လေ။ ဖက်ပေါ် ဆူး ကျကျ၊ ဆူးပေါ် ဖက်ကျကျ၊ ပေါက်မှာက ဖက်။ ဆူးကတော့ ကျိုးချင်မှ ကျိုးမှာ။ သတိတမံ ဉဏ်မြေ ကတုတ်တဲ့။
နောက်ပြီး ဗန်းစကား (Slang ) အနေနဲ့ တစ်ဦး တစ်ယောက်ရဲ့ ဇနီးမယား ကိုတော့ The little woman လို့ ခေါ်ပါသေးတယ်။ အရပ်မနိုင် မိန်းမကိုတော့ the woman in the street, နှံ့စပ်တဲ့ မိန်းမဖြစ်တာကို be a woman of the world, ကာမပိုင် ဇနီးမယား ဖြစ်တာကို be your own woman လို့ သုံးနှုန်းပါတယ်။ နောက်တစ်မျိုးက make an honest woman out of somebody လို့ အသုံးပြုတယ်။ One's right- hand woman က တော့ လူယုံတော်မ၊ လူယုံတော် အမျိုးသမီးပေါ့။ ကတိ စကားတည်သူ အမျိုးသမီးကိုတော့ a woman of her word လို့ သုံးတယ်။ ဒီနေရာမှာ “မိန်းမကိုသာ တိုင်ပင်ရာ”ဆိုတဲ့ မြန်မာ့ဆိုရိုး စကားတစ်ခု ရှိပါတယ်။ အရေးကြီးတဲ့၊ မပြီးပြတ် သေးတဲ့၊ ကြံရာမရ ဖြစ်တဲ့ အခါမျိုးမှာ ယောက်ျား လုပ်သူက ဆွေးနွေးတိုင်ပင် အကြံ ယူရမယ့် သူက သူ့ရဲ့ဇနီး မယားသာ ဖြစ်ပေတယ်လို့ ဆိုလိုတာပါ။
တစ်လက်စတည်း Woman နဲ့ ဆက်နွှယ်ရာ အသုံး အနှုန်းတွေကို ဆက်ပြီး လေ့လာကြည့် ရင် အမယ်အိုကို Aged woman, အမယ်ကြီးကို Old woman, မိန်းမကြမ်းက Virago, အမြုံမက Barren,Sterile woman, မိန်းမဉာဏ်က Womanly artifice, မိန်းမချည် (ကြိုးချည်နည်း) ကို Granny knot လို့ခေါ်ကြပါတယ်။ နောက်ထပ် အသုံးအနှုန်း လေးတွေက Narrow mindedly ကို မိန်းမလို မိန်းမရ၊ Sissy, Pansy ကို မိန်းမလျ Gentle, Weaker, Fairer sex ကို မိန်းမသား၊ အားနွဲ့သူပါရှင်လို့ ခေါ်ပါတယ်။
အားနွဲ့သူပါရှင်လို့ ယူဆ နေကြတဲ့ မိန်းမတွေဟာ သဘာဝ တရားအရ အမှန် တကယ်ပဲ အားနွဲ့၊ အားနည်း၊ အားချည့်၊ အားပျော့ကြတယ် ဆိုတာ ဟုတ်ပါစ။ အဆင့်မြင့် သတ္တ၀ါ တစ်မျိုးဖြစ်တဲ့ လူ့မျိုးနွယ်မှာ Reproduction ခေါ် မျိုးဆက် ပြန့်ပွားရေး လုပ်ငန်းကြီးကို အတူ ပူးပေါင်းလျက် တစ်မျိုး၊ ခွဲဝေ တာဝန်ယူလျက် တစ်ဖုံ ဆောင်ရွက် ကြရပါတယ်။ အဖေ့ဘက်က Sperm (သုက်ပိုး)နဲ့ အမေဘက်က Ovum (မမျိုးဥ၊ သားဥ)တို့ ပေါင်းစပ်ကြလို့ အောင်မြင်သွားရင် Embryo ခေါ် သန္ဓေသားလောင်း ဖြစ်ထွန်း လာပါတယ်။ ဒီဖြစ်ထွန်း လာတဲ့ သန္ဓေလောင်းလျာကို ရှင်သန်ကြီးထွား လာဖို့ ကိုးလခန့်မျှ ဆိုတဲ့ ဂူအောင်းကာလ တစ်ခု ပေးရပါတယ်။ အဲဒါ ဘယ်နေရာပါလဲ။ စဉ်းစား နေစရာတောင် မလိုပါဘူး။ သိကြမှာပါ။ Womb ခေါ် “၀မ်းကြာတိုက်”ဒါမှမဟုတ် “သားအိမ်”ပဲပေါ့။ ဒါကြောင့် ဒီဝမ်း ကြာတိုက်ကို ဘယ်သူ ပိုင်ဆိုင်ထားသလဲ။ မိန်းမတွေပဲ မဟုတ်ပါလား။ ဒါက ဘုရား သခင်ရဲ့ ရွေးချယ်ပေးမှု၊ သဘာဝ တရားကြီးရဲ့ ရှုမြင်တတ်မှု၊ တာဝန် ပေးတတ်မှု ပါပဲ။ ဘက်ပေါင်းစုံ အကြမ်းပတမ်း ခံနိုင်စွမ်း ရှိတဲ့ “လောကဓံ တရား အကယ်ဒမီ များရှင်” ဖြစ်သူ မိန်းမ (အားနွဲ့သူပါရှင် တကယ် မဟုတ်သူ) ကို ကိုယ်ဝန် လွယ်ဆောင်ခွင့် မဟာ တာဝန်ကို ရဲရဲကြီး အပ်နှင်းခဲ့ တာပဲ ဖြစ်ပါတယ်။ (မယုံရင် မိခင် အမျိုးသမီး တိုင်းကို နီးစပ်ရာ မေးမြန်းသိ ရှိနိုင်ပါတယ်။) “အာဂမိန်းမ”တွေဗျို့နော်။ နောက်ထပ် ထင်ရှားတဲ့ သာဓက တစ်ချက်က ကမ်္ဘာ့နိုင်ငံ တိုင်းမှာ မိန်းမတွေက ယောက်ျားတွေထက် အမြဲပဲ ပိုပြီး ဘ၀သက်တမ်း (Lifespan) ရှည်ကြတာလေ။ ဘာပြောမလဲ။ ဒါဟာ ကျန်းမာရေးနဲ့ ဘ၀ဒဏ် ခံနိုင်မှုအား ကြီးလို့ပေါ့။
ဆက်လက်ပြီး အမျိုးသမီး တွေရဲ့ တော်စပ်ပုံ (Relation) ဆိုင်ရာ အခေါ်အဝေါ် တွေကို စိစစ် ကြည့်မယ်ဆိုရင် အမေ၊ မိခင်ကို Mother, Mom, Mum, သမီးကို Daughter, အဘွားကို Grand mother, မြေးမကို Grandaughter, မြစ်မ ကို Great grandaughter လို့ ခေါ်ပါတယ်။ အမေနဲ့ ဆိုင်သောဆိုတဲ့ နာမ၀ိသေသနကို Maternal, အမလိင်ကို Female, Feminine sex ခေါ်တယ်။ Adoptive mother က မွေးစား မိခင်၊ Foster mother က မိခင်အဖြစ် စောင့်ရှောက်သူ၊ Adopted daughter က မွေးစားသမီး ဖြစ်တယ်။ှ Step mother က မိထွေး၊ Step daughter က လင်ပါ၊ မယားပါ သမီးဖြစ်တယ်။ အစ်မကို Elder sister, ညီမ၊ နှမကို Young sister, ဖအေတူ မအေကွဲအစ်မ၊ ညီမကို Step sister လို့ ခေါ်တယ်။ ဒေါ်လေးက Aunt, ကြီးတော်က Great aunt, တူမက Niece လို့ ခေါ်တယ်။ မိန်းကလေး ရည်းစားကို Girlfriend, မိန်းကလေး မိတ်ဆွေကို Friend girl, စေ့စပ်ထားတဲ့ မိန်းကလေး ကို Intended girl, သတို့သမီးကို Bride, အပျိုရံကို Bridemaid လို့ ခေါ်တယ်။ ဇနီးလောင်းက Would- be wife, Wife to be, ဇနီးမယား က Wife, လင်ယောက်ျား ခေတ္တ အဝေးရောက် နေတဲ့ မိန်းမက Grass widow ဖြစ်တယ်။ နောက်ပြီး Mother in law က ယောက္ခမ၊ Daughter in law က ချွေးမ၊ Sister in law က ယောက်မ၊ မရီး၊ ခယ်မလို့ ခေါ်တယ်။ အိမ်ရှင်မကို Housewife, ဧည့်ခံသူ အိမ်ရှင်မကို Hostess, အိမ်သူသက် ထားကို Better half (ဘယ်အခြမ်း က ပိုကောင်းမှန်းတော့ မသိပါ) အိမ်ထောင်ဖက် ခင်ပွန်းကို Spouse, ကြင်ရာတော်ကို Consort လို့ ခေါ်တယ်။ ပြီးတော့ Divorce က တစ်ခု လပ်မ၊ Widow, Relict က မုဆိုးမ၊ Ex- wife က ဇနီးဟောင်း၊ မယားဟောင်း၊ Mistress, Paramour က မယားငယ်၊ မယားမြှောင်၊ အပျော် မယား၊ Concubine က ကိုယ်လုပ်တော်လို့ ခေါ် ကြတာပါပဲ။ အမလေး- တော်စပ်ပုံတွေကလည်း မနည်းလှ ပါကလားနော်။
တော်စပ်ပုံဆိုလို့ ပြောစရာက ရှိသေးတယ်။ဒုတိယ ကမ္ဘာစစ်ကြီး ပြီးတဲ့နောက်မှာ ထင်ထင်ရှားရှား ပေါ်ပေါက် လာခဲ့တာက Woman's movement အမျိုးသမီး လှုပ်ရှားမှု တွေလေ။ အမျိုးသမီး ရေးရာ ရပိုင်ခွင့် လှုပ်ရှားမှု တွေပဲပေါ့။ တစ်နည်းအားဖြင့် ကျား၊ မ တန်းတူ အခွင့်အရေး ရှိကြောင်း ဥပဒေဘောင် အတွင်းက လှုပ်ရှားမှုတွေ ပါပဲ။ အဲဒီမှာ Woman's Liberation ဆိုပြီး အမျိုးသား တွေနဲ့ တန်းတူ အခွင့်အရေး ရပိုင်ခွင့် လှုပ်ရှားမှုတွေ ပေါ်ပေါက် လာခဲ့ပါတယ်။ Woman's Libber ဆိုတာက အမျိုးသားတွေနဲ့ တန်းတူ အခွင့်အရေး ရပိုင်ခွင့် ထောက်ခံသူတွေ ဖြစ်တယ်။ အမှန် တကယ်လည်း ရပိုင်ခွင့်တွေ အများအပြား ရရှိခဲ့ ကြပါတယ်။ အဲဒီအထဲက နမူနာ တစ်ခုကို ထုတ် ပြပါ့မယ်။
ယောက်ျားတွေရဲ့ နာမည်အရှေ့မှာ အညွှန်းတပ် ခေါ်ဝ်ါကြတာက (အိမ်ထောင်ရှိရှိ မရှိရှိ) Mr လို့ ဖော်ပြကြပါတယ်။ လေးစားသမှုနဲ့ ယောက်ျား နာမည်ရှေ့မှာ တွဲသုံးတဲ့ စကားပါ။ Mr Green, Mr Bush, Mr Obama ပေါ့။ Mrs. ဆိုတာက အိမ်ထောင် ကျပြီးသား အမျိုးသမီးကို ညွှန်းဆိုတဲ့ စကားပါ။ Miss ဆိုတာကတော့ အိမ်ထောင် မပြုရ သေးတဲ့ အမျိုး သမီးရဲ့နာမည်နဲ့ တွဲသုံးတဲ့ စကား ဖြစ်ပါတယ်။ Ms ဆိုတာကတော့ အိမ်ထောင်သည် ဟုတ်၊ မဟုတ် မသိနိုင်တဲ့ အမျိုး သမီးကို ရည်ညွှန်းရာမှာ သုံးတာပါ။ ဒါက အမျိုးသမီး တွေရဲ့ အခွင့်အရေး ပဲလေ။ Mrs ဆိုရင် အိမ်ထောင်ရှိမှန်း ပေါ်တင်ကြီး သိနိုင်တယ်။ အဲဒီတော့ လာဘ်ပိတ်တယ်။ Miss ဆိုပြန်ရင်လည်း အိမ်ထောင် မရှိသေးတဲ့ အပျိုဆိုတော့ ထိလွယ်ရှလွယ် အန္တရာယ်က များလှတယ်။ Ms အသုံး အနှုန်းက ဒုတိယ ကမ္ဘာစစ်ကြီး ပြီးတော့မှ ပေါ်ပေါက်လာခဲ့ တာပါ။ အမျိုးသမီး လွတ်လပ်ခွင့် အရ Ms ကို တွင်တွင်ကျယ် အသုံးပြုနေ ကြပါပြီ။ Ms (miz- မစ်(ဇ)လို့ အသံထွက် ပါတယ်) ကို သုံးပြီး နာမည်ရှေ့မှာ ရည်ညွှန်းကိုးကား လိုက်ရင်တော့ အိမ်ထောင်ရှိမှန်း၊ မရှိမှန်း မသိနိုင်တော့ ဘူးလေ။ အမျိုး သမီးတွေ ဟိုလိုလို ဒီလိုလို နေလို့ ရတာပေါ့။ အီစီကလီ လုပ်လို့ ရတာပေါ့။ ကဲချင် ကဲနိုင်ကြတာ ပေါ့နော။ ဒါကလည်း လွတ်လပ်ခွင့် ဒါမှမဟုတ် ရပိုင်ခွင့် တစ်မျိုးလားပဲ မသိပါဘူး။ ကွိုင်မပူ ရင်တော့ ဘာမှမဖြစ် ဘူးလေ။ အေးဆေးပါ။
ဒီတစ်ခါ အမျိုးသမီးတွေရဲ့ အလုပ်အကိုင်၊ ရာထူး ဌာနန္တရ ဆိုင်ရာ၊ ပုဂ်္ဂိုလ်ဆိုင်ရာ သီးသန့် အခေါ်အဝေါ် အမည်သညာ တွေကိုလည်း အက္ခရာ စဉ်နဲ့ တစ်စု တစ်ဝေးတည်း လေ့လာကြည့်ရ အောင်နော်။ ဒီလို- ကျောင်းထိုင် ဘုန်းကြီးမ= Abbess, အုပ်ချုပ်သူ အမျိုးသမီး= Administratrix, လင်ငယ်ထား သူ= Adulteress, စာရေးဆရာမ= Authoress, လေကြောင်းသွား အမျိုးသမီး= Aviatrix, မှူးမတ်ကတော်= Baroness ဗိုက်လှုပ် ကချေသည်= Belly dancer, ကျေးဇူးရှင်မ= Benefactress, ဆံပင်နက် လူဖြူမ= Brunette, သဘာပတိ အမျိုးသမီး= Chairwoman, ယိမ်းသမ= Chorus girl, ဘတ်(စ)ကား လက်မှတ် ရောင်းအမျိုးသမီး= Conductress, နယ်စား ကတော်= Countess, ဇာဘုရင်မ= Czarina, မြို့စားကတော်= Duchess, ဧကရီဘုရင်မ= Empress, ညှို့ဓာတ်ပိုင်ရှင်၊ မှော်ဆရာမ= Enchantress, အမှုဆောင် အမျိုးသမီး= Executrix, နတ်သမီး= Fairy, သူနာပြု အမျိုး သမီး= Famale nurse, ငါးစိမ်းသည်မ= Fishwife, Fishmonger, တည်ထောင်သူ အမျိုးသမီး= Foundress, ဘီလူးမ= Giantess, နတ်ဘုရားမ= Goddess, ဘုရင်ခံ၊ အုပ်ချုပ်ရေး မှူးကတော်= Governess, အမွေခံ အမျိုးသမီး= Heiress, သူရဲကောင်းမ= Heroine, အမဲလိုက် မုဆိုးမ= Huntress, ညွှန်ကြားသူ အမျိုးသမီး= Instructress, ဂျူးမ= Jewess, လုံမပျို= Lass, ဂုဏ်သရေရှိ အမျိုးသမီး= Lady, မြေပိုင်ရှင်မ= Land- Lady, ဂုဏ်သရေရှိ မင်းသမီးကြီး= Madam, အစေခံမ= Maid- servant, မန်နေဂျာမ= Manageress, မြို့တော်ဝန် ကတော်= Mayoress, သွားဖွား ဆရာမ= Midwife, လူသတ်ကောင်မ= Murderess, နို့ပို့မိန်းကလေး= Mall-maid, နီဂရိုးမ= Negressm သီလရှင်= Nun, မြစ်၊ သစ်ပင်စောင့် နတ်သမီး= Nymph, ရုံးလုံမေ= Office girl, နာယက အမျိုးသမီး= Patroness, ကဗျာဆရာမ= Poetess, ရဲအရာရှိမ= Policewoman, လင်အများ အပြိုင်ယူသူ= Polyandrist, မင်းသမီး=Princess, ပုရောဟိတ်မ =Prophetess, ဘုရင်မ၊ မိဖုရား=Queen, အပ်ချုပ်သမ =Seamstress, သိုးကျောင်းသူမ= Shepherdress, အမျိုးသမီး အဆိုတော်= Songstress, အောက်လမ်း ဆရာမ= Sorceress, အားကစားမယ်= Sportswoman, လေယာဉ်မယ်= Stewardess, ဆူလတန် ဘုရင်မ= Sultana, နှုတ်သီးကောင်း လျှာပါးမိန်းမ= Termagant, သွေးဆောင်သူ အမျိုးသမီး= Temptress, သစ္စာဖောက်မ=Traitress, စားပွဲထိုးမ=Waitress, အ၀တ်လျှော် မိန်းမ=Washer-woman, စုန်းမ= Witch စတာတွေပဲ ဖြစ်ပါတယ်။ အင်း- မိန်းမအကြောင်း မိန်းမတွေ သိကောင်းတာမို့ ဆယ်ကျော်သက် ဖူးငုံမလေး တွေအတွက်တော့ အင်္ဂလိပ် ဘာသာစကား ဗဟုသုတ ကြွယ်စရာ ပါကွယ်။
ကြုံတုန်းလေးမို့ ဘ၀ကံကြမ္မာ ခေရှာကြပြီး စာရိတ္တ မကောင်းတဲ့ မိန်းမတွေ ရယ်လို့ အကဲ့ ရဲ့ခံရရှာတဲ့ မိန်းမတွေ အကြောင်းလည်း သိထားဖို့ ကောင်းပါတယ်။ မိန်းမပေါ့က Woman of Loose Moral Character, မိန်းမပျက်၊ မိန်းမရွှင် (ဒီကနေ့ ခေတ်ဆိုရင်တော့ လိုင်းတို့၊ ဇယားတို့လို့ ခေါ်တွင်မှာပေါ့နော်) ကို ခေါ်ဝေါ် ပုံတွေက အများကြီး ပါပဲ။ Prostitute, Harlot, Slut, Hussy, Trollop, Strumpet, Moll, Floozie, Whore, Call Girl, Streetwalker, Hooker, White Slave, Courtesan စတာတွေလေ။ ဒါတွေဟာ နိုင်ငံ တစ်နိုင်ငံရဲ့ ပညာရေး၊ စီးပွားရေး၊ အလုပ်အကိုင် အခွင့်အလမ်း တွေပေါ်မှာ အများကြီး တည်မှီပါတယ်။ မရှိစေ ချင်ရင်တော့ တည်မှီရာ တွေရှိအောင် လုပ်ပေးရမှာ ပေါ့နော်။
ပညာရေး ဆိုလို့ သတိရလိုက်တာ ရှိသေးတယ်။ ဒီကနေ့ မြန်မာ နိုင်ငံက အမျိုးသမီး ထုကြီးရဲ့ ခေတ်ပညာ တတ်မြောက်မှု အဆင့်က ဘယ်ကိုရောက် နေပါပြီလဲ။ ဘယ်လောက် အရည်အချင်း ပြည့်မီ နေပါပြီလဲ။ အခွင့်အရေး တွေကကော ဘယ်အတိုင်း အတာအထိ ရောက်ရှိ ရရှိနေကြ ပါပြီလဲ။ ဒါက လွယ်လွယ် အကဲခတ်လို့ မဖြစ်ပါဘူး။ ပညာရေး သုတေသီ ပညာရှင်တွေ စစ်တမ်းထုတ် တန်ဖိုးဖြတ် ရမယ့် ကိစ္စပါ။
သေချာတာ ကတော့ သက်ဦးဆံပိုင် ပဒေ သရာဇ်ခေတ်၊ ကိုလိုနီခေတ် တွေက ထက်ပိုပြီး အမျိုး သမီးတွေ ပညာရေး အခွင့် အလမ်းတွေ ရရှိခံစား ခဲ့ရတာပဲ ဖြစ်ပါတယ်။ အရေအတွက် သာမက အရည် အချင်းပါ တက်လာတာ ကျိန်းသေပဲလေ။ သည့်အတွက် သက်သေ ပြစရာ အခိုင်အမာ ရှိတယ်။ မယုံရင် ကြည့်လိုက်။ မြန်မာပြည်မှာ မူလတန်း ကျောင်းကနေ တက္ကသိုလ် တွေအထိ ဆရာလုပ် သင်ကြားပြသ ပေးနေကြတဲ့ အာစရိယ တွေထဲမှာ ဆရာနဲ့ ဆရာမက ဘယ်သူ အရေအတွက် ပိုများလဲ။ ဟုတ်တယ်နော်။
ပြည်တွင်းမှာ ပေးတဲ့ ပါရဂူဘွဲ့ (Ph.d) ကိုတောင် ဘယ်သူက စပြီး ရတယ် ထင်သလဲ။ ဓာတုဗေဒ ဘာသာရပ်နဲ့ အမျိုးသမီး ကပဲ ရခဲ့တာ။ နောက်ပြီး ဒီကနေ့ ဆယ်ကျော်သက် လူငယ် အများစုက ပညာသင် ကျောင်းတွေမှာ ပညာတွေ ဆည်းပူး နေကြတယ် မဟုတ်လား။ ၁၆ နှစ်ဆိုရင် တက္ကသိုလ် ၀င်တန်း (ဆယ်တန်း၊ ဒသမတန်း၊ အခု Grade 11) အောင်၊ အသက် ၂၀ လောက်ဆို ရင် အနည်းဆုံး ဘွဲ့တစ်ခု Bachelor degree တော့ ရနိုင်တာပဲလေ။ ဒါဟာ ဒီခေတ် ပညာရေး ဖြစ်စဉ်ပါပဲ။ ဒါဆိုအိမ်မှာ ပြန်မေးကြည့်။ အမေက ဘယ်နှတန်း ရောက်ခဲ့လဲ။ ဘွဲ့ရခဲ့ရဲ့လား။ အဘွား ကကော ပညာရေး အခြေအနေ ဘယ်လိုလဲ။ အဘွားရဲ့အမေဆိုရင် ကျောင်းတောင် နေခဲ့ဖူး ရဲ့လား။ အဲဒီလို“လား”ပေါင်းများစွာကို စုံစမ်းကြည့်ပါ။ မြန်မာနိုင်ငံ အမျိုးသမီး ထုကြီးရဲ့ ပညာရေး သမိုင်းစဉ်ကို နားလည် သဘောပေါက် သွားပါလိမ့်မယ်။ ဆင့်ကဲပြောင်းလဲ တိုးတက် လာပါတယ်လို့ ကောက်ချက်ချရင် မုသာဝါဒ မဖြစ်ပါ ဘူးနော်။
ဒါပေမဲ့ စာပေ ဟောပြောပွဲ တစ်ခုမှာ စာရေး ဆရာမ ဂျူးက ဟောပြောခဲ့ တာလေး တစ်ခုကို အမှတ်ရ နေမိပါတယ်။ သူက စာပေအနု ပညာတွေ အကြောင်း ဟောပြောရင်း အမျိုးသမီး တွေ ဘ၀တိုး တက်အောင်မြင်ရေး ကိစ္စကို ရောက်လာပါတယ်။ မြန်မာနိုင်ငံမှာ လွတ်လပ် ရေးရပြီး ကာလ ကတည်းက ဒီကနေ့ ခေတ်အထိ နိုင်ငံတော်ရဲ့ နိုင်ငံရေး၊ စီးပွားရေး၊ လူမှုရေး ကဏ္ဍတွေမှာ အမျိုးသမီး ပညာတတ်တွေဟာ ကြီးလေးတဲ့ တာဝန်တွေ၊ ရာထူးတွေ ပေးခြင်း မခံခဲ့ရ ဖူးဘူး။ အမျိုးသား ပညာတတ် တွေနဲ့ယှဉ်ရင် ပညာအရည် အချင်းရော၊ လုပ်သက် အတွေ့ အကြုံပါ မနိမ့်ကျပါ ဘဲလျက် အထက်ကို မရောက်နိုင် ကြဘူး ဆိုတာတွေ ဟောပြောသွား ခဲ့ပါတယ်။ သဘော တရားအရ ယောက်ျား၊ မိန်းမ တန်းတူ အခွင့်အရေး ရှိတယ်လို့ ဆိုပေမယ့်၊ ကောင်းကင်တမွတ် ကြယ်ကို ဆွတ်နိုင်တယ်လို့ ဆိုပေမယ့် ပညာလှေကား၊ အတွေအကြုံ လှေကားတွေနဲ့ လှေကားထောင်ပြီး မိုးပေါ်တက် ကြည့်ပေမယ့်၊ အမျိုးသမီး တွေရဲ့ ခေါင်းပေါ်မှာ Glass ceiling ခံနေကြောင်း၊ ဖန်သားပြင် မျက်နှာကြက်က တားဆီးနေကြောင်း ခံစားချက်နဲ့ ပြောကြားသွား ပါတယ်။ သူဆိုလို တာက ကောင်းကင်ကို မော့ကြည့်လို့ ကြယ်စုံလစုံ မြင်တွေ့နိုင် သော်လည်း လှေကား ထောင်တက်တဲ့ အခါ အဆင့် တစ်ခုကို ရောက်ရင် ဆက်မတက်နိုင် ရအောင်ခေါင်းကို ဖန်သား ပြင်မျက်နှာ ကြက်က ဟန့်တားပိတ်ဆီး နေတယ်လို့ ဆိုလိုတာပါ။ သူထောက်ပြတာ ဟုတ်တော့ ဟုတ်ပါတယ်။ ဒါဆို ဒီပြဿနာ ဘယ်လို ဖြေရှင်းမလဲ။ လွယ်လွယ်ကလေး။ ခွဲပစ်လိုက်ပေါ့။
နေဦး။ မိန်းမနဲ့ ပတ်သက်တဲ့ ဝေါဟာရ လေးတွေက ကျန်နေသေးလို့ ဆက်ဖတ် ကြည့်ပါဦး နော်။ အပျံသင်စကို Fledging/ Pubesent girl, အပျိုကို Maiden, Unmarried young woman, အပျိုကြီးကို Spinster, အပျိုကြီး ဖားဖားကို Grown- up girl, အပျိုစင်ကို Virgin, အပျိုပေါက်ကို Young teenage girl, အပျိုရိုင်းကို Innocent virgin girl, အပျိုဟိုင်းကို Old maid, အပျိုထိန်း အပျိုခေါင်းကို Chaperone လို့ခေါ် ပါတယ်။ နောက်ပြီး အပျိုဖော် ၀င်တာကို Attain puberty, အပျိုရည်ကို Virginity, Chastity, အပျို ရည် ပျက်တာကို Lose virginity လို့ ခေါ်တယ်လေ။ ဒါနဲ့ ဒီကနေ့ခေတ် မြန်မာ အမျိုးသမီးငယ်တွေ အပျိုရည်ဖြစ်မှုကို တန်ဖိုးထား၊ မထားဆိုတာ ကတော့ သူ့စရိုက်၊ သူ့ဝန်းကျင်၊ သူ့ယဉ်ကျေးမှု၊ သူ့ထိန်းသိမ်းမှု သဘာဝ အတိုင်းပါပဲ။ ဂရုပြုကြရင် ကောင်းမယ် ဖူးငုံလေး တို့ရေ။
ပြီးတော့ လင်ရှိမယားကို Married toman, လင်လုဘက်ကို Rival for a husband, လင်တရူးမ ကို Woman yearning for a married life, လင် ညီအစ်မကို Wife of brother ယောက်ျားလျာကို Gomboy, Lesbian လို့ခေါ် တယ်။ လင်နေတာက Take a husband, လင်ရတာက Get, Have a husband, လင်စံရွေးတာက Be too choosy for a husband, လင်နေ သားမွေးသော ဆိုတာက Nubile လို့ ခေါ်ပါတယ်။ ဒီလောက်ဆိုရင် မိန်းမနဲ့ သက်ဆိုင်သမျှ ဝေါဟာရတွေ တစ်ပြုံ တစ်မကြီး ရသွား လောက်ပါပြီ။
ပြောလက်စနဲ့ အင်္ဂလိပ်စကားပုံနဲ့ အဆိုအမိန့် (Proverbs and quotations) တွေကိုပါ အကဲခတ် ကြည့်ကြပါဦးလေ။ မိန်းမတွေကို နှိမ်တဲ့ ဖိတဲ့ ဆော်ပလော်တီးတဲ့၊ ထုထောင်းတဲ့ စကားပုံတွေ၊ အဆိုအမိန့် တွေကတော့ ဒီလိုပါ-
Man is greater than woman. ယောက်ျားက မိန်းမထက် ပိုမြင့်မြတ်ပါ သတဲ့။ (တကယ်တော့ တကယ်မြင့်မြတ် သူသာ တကယ်မြင့်မြတ် နိုင်တာ ပါ။)
Woman is the weaker sex. မိန်းမဆိုတာ အားနွဲ့သူပါရှင်တဲ့။ (လောကဓံတရား အကယ်ဒမီများရှင် အကြောင်းကို ရှေ့ပိုင်းမှာ ဖွင့်ဆိုခဲ့ပြီးပါပြီ)
Woman are great talkers. မိန်းမတွေဟာ သောက်ရမ်း စကားများ သူတွေတဲ့။ (ဒါကတော့ ဟုတ်၊ မဟုတ် ကာယကံရှင် တွေကိုသာ မေးကြည့် ပါတော့။)
Woman are necessary evils. မိန်းမဆိုတာ မရှိမဖြစ် လိုအပ်တဲ့ မကောင်းဆိုးဝါး တွေတဲ့။ (တချို့က မိန်းမဆိုတာ မရှိမကောင်း၊ ရှိမကောင်း။ တချို့ကတော့ မရှိ မကောင်း၊ ရှိမှ ကောင်းတယ်လို့ ဆိုကြတာပါ ပဲ။)
A woman's place is in the home. မိန်းမ ဆိုတာ အိမ်ကျယ်ပါတဲ့။ (အပြင်မှာ မပေါက်ရောက်ဘူး ဆိုတဲ့ သဘောပါ။)
A woman's strength is in her tongue. မိန်းမ တစ်ဦးရဲ့ အင်အားက လျှာထဲမှာတဲ့။ (ဆိုလိုတာက ပါးစပ် အားကိုးပဲ ရတယ်ပေါ့။)
Woman have long hair and short brains. မိန်းမဆိုတာ ဆံပင်သာ ရှည်တာ၊ ဦးနှောက်တော့ သေးတယ်တဲ့။ (ဒါကလည်း ဟုတ်ချင်မှ ဟုတ် မှာပါ။ သိပ်မသေချာပါဘူး။)
Woman are the snares of Satan. မိန်းမဆိုတာ မာန်နတ်ရဲ့ မာယာ ကျော့ကွင်းပါတဲ့။ (ဒါမျိုး ကလည်း ခံခဲ့ရသူ တွေရဲ့ အတွေး ဖြစ်မှာပေါ့။)
No war without a woman.မိန်းမကြောင့် စစ်ပွဲတွေ ဖြစ်ရတာပါတဲ့။ (ဒါက ရောမက Helen လို မိန်းမမျိုး တွေကို တစ်ဖက်သတ်ကြည့် ပြီးပြောတာ ဖြစ်မှာပါ)
Woman are the devil's nets. မိန်းမဆိုတာ မကောင်း ဆိုးဝါးရဲ့ မာယာ ကွန်ရက်တွေတဲ့။ (မလိုတမာစကားပဲ ထင်ပါရဲ့။)
Never trust a woman, even if she has born you seven children.သင့်ကို ကလေးခု နစ်ယောက် မွေးပေးပြီး တောင်မှ မိန်းမတစ် ယောက်ကို ဘယ်တော့မှ မယုံစား လိုက်လေနဲ့တဲ့။ (ဒါက ဖောက်ပြန်တတ် သေးတုန်းပဲလို့ ညွှန်းချင် တာပါ။ ဟုတ်သူတွေ ပိုသိနိုင် တာပေါ့)
A woman either loves or hates in extremes.မိန်းမဆိုတာ ချစ်လုံးလုံး၊ မုန်းလျားလျား ပဲတဲ့။ (သွားမစ လိုက်လေနဲ့။ အကင်းသေအောင် လက်စသတ် အောင်လုပ်ဆိုတဲ့ သဘောပါ။)
A woman's mind and a winter wind change oft. မိန်းမတွေရဲ့ ချစ်စိတ်နဲ့ ဆောင်းတွင်း လေက မကြာခဏ ဆိုသလို ကပြောင်းကပြန် ပြောင်းလဲ တတ်တယ်တဲ့။ (စိတ်မချ ရဘူးဆိုတဲ့ သဘောပါ။)
Take a first advice of a woman and not the second.မိန်းမ တစ်ဦးရဲ့ ပထမ ပေးတဲ့ အကြံ ဉာဏ်ကိုပဲ ယူပါ။ ဒုတိယ အကြံဉဏ် ကိုတော့ မယူပါ နဲ့တဲ့။ (စိတ်ပြောင်းသွား တတ်လို့ပါတဲ့)
A woman's tongue wagges like a lamb's tail. မိန်းမ တစ်ဦးရဲ့ လျှာဆိုတာ သိုးငယ်တစ်ကောင်ရဲ့ အမြီးလို နန့်တတ်ပါ သတဲ့။ (စိတ်မငြိမ် ဘူးလို့ ဆိုလိုတာပါ။)
One tongue is enough for a woman.မိန်းမ တစ်ဦးအတွက် လျှာတစ် ချောင်းဆိုတာ လုံလောက်နေ ပါပြီတဲ့။ (လျှာနှစ်ခွများရှိရင် မလွယ်ဘူးလို့ ဆိုချင်ဟန် တူပါတယ်။)
Woman and sparrows twitter in company. မိန်းမနဲ့ စာကလေး တွေက အုပ်စုများ ဖွဲ့မိရင် တွတ်ထိုးတတ် ပါသတဲ့။ (ဟုတ်တုတ် တုတ်တော့ ရှိတယ်နော်။)
Three woman makes a market. မိန်းမများ ဆုံကြပြီဆိုရင် ပွဲစည်တော့ တာပဲတဲ့။ (ဒါလည်း ဖြစ်ကောင်း ဖြစ်နိုင်တာ ပါပဲလေ။)
A woman conceals what she knows not. မိန်းမဆိုတာ သူမသိတာကို ဖုံးကွယ်ထားတတ် ပါသတဲ့။ (ဟုတ်ချင်လည်း ဟုတ်မှာပါ။)
A woman's work is never done. မိန်းမ အလုပ်က ပြီးတဲ့။ (ဒါက ကြုံဖူးသူ တွေရဲ့ စကားဖြစ်မှာပါ။)
A woman kissed is half won.အနမ်းခံရ ပြီးသား မိန်းမဆိုတာ တစ်ဝက်တော့ အောင်နိုင်ပြီးသား ပါတဲ့။ (ကိုရီးယား ဇာတ်လမ်း တွဲတွေကများ သက်သေခံ သလား မသိဘူး။)
Woman resist in order to be conquered. မိန်းမတွေက မူတတ်ပါ သတဲ့။ (ဒါမျိုး ပင်ကို စရိုက်တွေ ရှိကြမှာပါ။)
The gossip of two woman will destroy houses. မိန်းမ နှစ်ယောက်ရဲ့ အတင်းအဖျင်း စကားတွေက နှစ်အိမ် စလုံးကို ဖျက်ဆီးတတ်ပါ သတဲ့။ (မြန်မာမှာတော့ အတွင်းမီး အပြင် မထုတ်နဲ့။ အပြင်မီး အထဲ မသွင်းနဲ့လို့ ဆိုတာမျိုး ရှိပါတယ်။)
A man of straw is worth a woman of gold. ကောက်ရိုးတမျှ အသုံး မကျတဲ့ ယောက်ျားကတောင် အဖိုး အနဂ္ဂ တန်တဲ့ မိန်းမနဲ့ ထိုက်တန်ပါ သေးသတဲ့။ (ဒီလောက်တောင် မှိုချိုးမျှစ်ချိုး ပြောရက်လိုက် တာနော်။) ဒီစကားတွေက နှာခေါင်းသာ မရှိရင် မိန်းမတွေက ဘာကိုတောင် စားမှာပဲလို့ နှိမ်ပြောကြတာ သက်သက်လို့ ထင်ပါတယ်။ ယောက်ျား ကြီးစိုးတဲ့ ခေတ်က အဆို အမိန့်တွေပါ။ ရှိပါစေတော့။ ဒီတစ်ခါတော့ မိန်းမတွေကို ချီးမွမ်းခန်း ထုတ်တဲ့ စကားပုံတွေ၊ အဆို အမိန့်တွေ ကြားရ၊ ဖတ်ရဦးမှာပါ။ ကဲ- စိတ်ချမ်းသာစွာ ဖတ်ရှု လှည့်ပါဦး။
Men get wealth and woman keep it. ယောက်ျားက ဖွေရှာ၊ မိန်းမက သိမ်းဆည်းလို့ ဆိုလိုတာပါ။ (စီးတဲ့ရေ၊ ဆည်တဲ့ ကန်သင်းပေါ့)
A good wife makes a good husband. ဇနီးမယား ကောင်းမှ ခင်ပွန်း ယောက်ျား ကောင်းမယ်ပေါ့။ (ဟုတ်မှာပါ။)
A wife is a booster engine for a husband. ဇနီးမယား ဆိုတာ ခင်ပွန်း ယောက်ျား အတွက် အားဖြည့်အကူ အင်ဂျင်ပါတဲ့။ (မှန်လောက်ပါ တယ်နော်လို့ ဆိုရမလား။)
Men make houses, woman make homes.ယောက်ျားတွေက အိမ်ကို ဆောက်တယ်။ မိန်းမ တွေက နေချင်စဖွယ် ဖြစ်အောင် လုပ်တယ်တဲ့။ (သာယာချိုမြိန် တို့နေအိမ် တည်ဆောက်ကြတဲ့ သဘောလေ။)
A woman has an eye more than a man. မိန်းမက ယောက်ျားထက် မျက်လုံး တစ်လုံးပိုရှိ တယ်တဲ့။ (မိန်းမက ပိုပြီး မြင်တတ်တယ်။ လာဘ် မြင် နိုင်တယ်ဆိုတဲ့ သဘောနော်။)
The hand that rocks the cradle rules the world. ပုခက်လွှဲသော လက်က ကမ်္ဘာကို အုပ်စိုး တယ်တဲ့။ (မိခင်တွေရဲ့ အရေးပါမှုကို မီးမောင်း ထိုးပြထားတာပါ။)
Woman's instinct is often truer than men's reasoning. မိန်းမတွေရဲ့ ပင်ကို အသိစိတ်က ရံဖန်ရံခါမှာ ယောက်ျားတွေရဲ့ တွေးခေါ် မြော်မြင်မှု တွေထက် ပိုပြီးမှန်ကန် ပါတယ်တဲ့။ (ကရုဏာရှင် မိခင်တွေရဲ့ ပင်ကို စရိုက်ကို ဖော်ညွှန်းတာပါ။)
A man is as old as he feels, and woman as old as she looks. ယောက်ျားတွေက သူတို့ရဲ့ ခံစားချက် စိတ်နေ စိတ်ထားအရ အသက်အရွယ် ရှိကြပြီး၊ မိန်းမတွေ ကတော့ သူတို့ရဲ့ ရုပ်ရည် လက္ခဏာ အရ အသက်အရွယ် သတ်မှတ်ကြပါ သတဲ့။ (ဒါကတော့ လိုရာဆွဲပြော တာလည်း ဖြစ်ချင်ဖြစ်နိုင် တာပေါ့။)
If you make your wife an ass, she will make you an ox. ခင်ဗျားက ခင်ဗျားရဲ့မိန်းမကို မြည်းတစ်ကောင်လို သဘောထားရင် သူကလည်း ခင်ဗျားကို နွားကြီး တစ်ကောင်လို ပြန်သဘောထား မှာပေါ့တဲ့။ (ဟုတ်မှာပါ။ ခင်ဗျားက သွားပြီး အထင်သေး တာကိုး။ ခံပေါ့။)
Man make roads, but it is the woman who teach children how to walk in them. ယောက်ျားတွေက လမ်းဖောက်ပေးတယ်။ မိန်းမတွေက အဲဒီလမ်းတွေ ပေါ်မှာ ကလေးတွေ လျှောက်တတ်အောင် သင်ပေးတာတဲ့။ (သားသမီး ရင်သွေးကို ဘယ်ညာနှစ်ဖက် ညှပ်ထိန်း ပျိုးထောင် ပေးကြတဲ့ သဘောပေါ့နော်)
If the heart of a man is depressed with cares, the mist is dispelled when a woman appears. ယောက်ျား တစ်ဦးရဲ့ စိတ်နှလုံး အိမ်က သောက ဗျာပါဒတွေ နဲ့ဖိစီး နေတဲ့အခါ မိန်းမတစ် ယောက်များ ရောက်လာရင် မြူခိုးတွေ လွင့်ပြယ် သွားသလိုပါ ပဲတဲ့။ (စိတ်ချမ်းသာ ပျော်ရွှင်သွား တယ်ပေါ့လေ။)
Money spent on the education of girls is money well spent .မိန်းကလေးရဲ့ ပညာရေးနဲ့ ပတ်သက်လို့ သုံးစွဲခဲ့တဲ့ ငွေဆိုတာ ကောင်းမွန် ထိုက်တန်စွာ အသုံးပြု လိုက်တဲ့ ငွေပါပဲတဲ့။ (ဒီကနေ့ ၂၁ ရာစု ခေတ်သစ် ကမ္ဘာကြီးမှာ အဲဒီရလဒ် ကောင်းမျိုးတွေက အနှံ့အပြား ပေါ်ပေါက် သက်သေခံ နေပါပြီ။)
You educate a boy, and he'll make a man.
You educate a girl, and she'll make a Nation !
ယောက်ျားလေး တစ်ယောက်ကို ပညာ သင်ပေးရင် လူတစ်လုံး သူတစ်လုံး ဖြစ်လာပါ လိမ့်မယ်။ မိန်းကလေး တစ်ယောက်ကိုများ ပညာသင် ပေးလိုက်ရင်တော့ နိုင်ငံ တစ်ခုတည် ထောင်လိုက်သလို ဖြစ်သွား ပေလိမ့်မယ်တဲ့။ (၀မ်းပန်းတသာ ကြိုဆိုရမယ့် အဆို အမိန့်ပါပဲ။)
God cannot be everywhere; so He invented Mothers. ဘုရား သခင်က နေရာ တကာကို မရောက်ရှိ နိုင်ပါဘူး။ ဒါကြောင့် သူ့ရဲ့ကိုယ်စား မိခင်မြတ် တွေကို တီထွင်ဖန်ဆင်း ပေးထားခဲ့ တာပဲ ဖြစ်ပါတယ်။ (သြော်- ဟုတ် လိုက်လေစွ။ မှန်လိုက်လေစွ။)
အခု အင်္ဂလိပ် စကားပုံနဲ့ အဆိုအမိန့် တွေက အတော်လေး စုံလင်လှ ပါပြီ။ တစ်ချက်ကလေး လောက်တော့ မြန်မာ စကားပုံ၊ ဆိုရိုး စကားတွေ ဘက်ကို ငဲ့ကြည့်ကြ ဦးမယ်လေ။ ဘာတွေများတုံး။ ဒီလိုလေ မိန်းမကား နှမ်း၊ ယောက်ျား ထန်း။ မိန်းမကောင်း ပန်းပန်၊ တစ်ပွင့်တန်။ မိန်းမ ကြိုက်တော့ မျှော်လိုက်တာ၊ ယောက်ျားကြိုက်တော့ စိုက်စိုက်လာ။ မိန်းမတို့ ဖူးစာ သေခါမှကုန်။ မိန်းမတို့ ဣနြေ္ဒရွှေပေး လို့မရ။
မိန်းမဖျက် ပြည်ပျက်။ မိန်းမ ဗွေကြမ်း သန်းဥစမ်း၊ ယောက်ျား ဗွေဆိုး လက်ကိုချိုး။ မိန်းမမာယာ သဲကိုးဖြာ။ မိန်းမမှာ မီး၊ ယောက်ျားမှာ ဆီး။ မိန်းမ ယောက်ျား မြင်ဖန်များသော်၊ သနားချစ်ခင် စိတ်ကျွမ်းဝင်။ မိန်းမ လှ၊ မလှ အိပ်ရာထမှာ ကြည့်ရ။ မိန်းမဟူဘိ ထိုဣတိ်္ထကား၊ မရှိ မကောင်း၊ ရှိမကောင်းနှင့်၊ မပေါင်းလည်းခက် ပေါင်းလည်း ခက်... စတာတွေ စတာတွေ ရှိကြလေရဲ့။ မိန်းမတွေရဲ့ အကောင်း အဆိုးအကြောင်း အကျိုးဆိုတာ ပြောမဆုံးပေါင် တောသုံးထောင် မကလို့ ကမ္ဘာ ကုန်ကျယ်သရွေ့ ပြောရရင်တောင် အံ့သြကုန် နိုင်ဖွယ်မထင်။ ဒါကြောင့် မှော်ရုံတောမှာ ခရီးတစ်ထောက် နားမယ်နော်။ အခု စာကြွင်းလေး အနေနဲ့ ဆယ်ကျော်သက် ဖူးငုံလေး တို့ကို အမေး ပုစ္ဆာလေး တစ်ပုဒ်ထုတ်ရင်း နိဂုံးချုပ် ပါ့မယ်။ မြန်မာပြည်ရဲ့ အိမ်နီးချင်း ငါးနိုင်ငံ အနက် သုံးနိုင်ငံမှာတော့ ခေတ်သစ်စနစ် သစ်တွေထဲမှာ ထိပ်တန်း နိုင်ငံ ခေါင်းဆောင်တွေ အထိ ဖန်သားပြင် မျက်နှာကြက် မရှိဘဲ လွတ်လပ်စွာ ရောက်ရှိ၊ ရရှိကုန်ကြ ပါပြီ။ ဒါကြောင့် မေးတော့မယ်။ ဒီစကားကို ယုံသလား။ ဖြေ ကြည့်...
“ကြက်မ တွန်လို့ မိုးမလင်းဘူး”
ဆယ်ကျော်သက် ထက်မြက်ပါစေ။
ဦးအေးချစ် EEAC
(Teen မဂ္ဂဇင်း၊စက်တင်ဘာလ ၂၀၁၁)
No comments:
Post a Comment