ငမိုးရိပ်မှ ငမိုးရိပ်သို့, အပိုင်း (၇) / တင့်ဆန်း

ကျွန်တော်မှာ ယခင်ကလို ထမင်းချက်၊ အိမ်ထောင်ထိန်း အလုပ်မဟုတ်တော့ဘဲ ကောင် ရေ ၃၀ ခန့်ရှိသော ကျွဲအုပ်ကြီးအား ထိန်းကျောင်းရန် အဖေက ခိုင်စေလာသည်။ ကျွန်တ်ာမှာ တောကြိုတောင်ကြား လျှိုမြောင်များထဲတွင် ကျွဲအုပ်ကြီးကိုလိုက်၍ ထိန်းကျောင်းနေရသည်။ ယင်း သို့တစ်ယောက်ထီးတည်း ကျွဲအုပ်ကြီးနှင့် နေရသောအခါတွင် ကျွန်တော်သည် ရရာစာအုပ်များကို ငှားရမ်း၍ ဖတ်ရှုသည်။ ထိုအထဲ ကြီးပွား ချမ်းသာရေး ကျမ်းစာအုပ်များ၊ ၀တ္ထုများ၊ စီးပွားရေး ဆောင်း ပါးများပါရှိလေရာ ကျွန်တော်မှာ ကြီးပွားချမ်းသာ လိုစိတ်များ တက်ကြွလာပြန်သည်။ ထို တောကြိုတောင်ကြား လျှိုမြောင်များတွင် ကျွဲကျောင်းနေ ရသောဘ၀မှ ကျွတ်လွတ်ချင်စိတ်ပြင်း ထန်လာသည်။ သို့သော် ကျွန်တော်မှာ အဖေနှင့် ခွဲခွာရမည် ကို မခွဲရက်သောကြောင့် ၃ နှစ်လုံးလုံး ကျွဲကျောင်းရင်းဖြင့် အချိန်တွေ ကုန်ခဲ့ရလေသည်။

    ခင်စန်းကြည် သည် နောက်ထပ် သားငယ်တစ်ယောက်ကို မွေးဖွားလာပြန်၏။ သူမသည် ထိုမျှ အသက်ကြီးရင့် လာသော်လည်း ပြောင်းလဲခြင်းမရှိဘဲ ယခင်ကထက်ပင် ပို၍ဆိုးလေသည်။ သူမကိုယ်ကို လည်း သပ်ရပ်စွာနေထိုင်ခြင်းမပြု၊ ကလေးများကိုလည်း ပစ္စလက်ခတ်ထားတတ်လေ ရာ အဘွားလေးနှင့် အဘွားလေး သမီးက ကလေးများကိုသာ ပြုစုစောင့်ရှောက်ပေးနေရသည်။
    ကျွန်တော်သည် တောကြီးမျက်မည်း၌ ကျွဲကျောင်းရသော ဘ၀မှလွတ်မြောက်ရန် ရန်းကန် လာ၏။ အဖေ့အား လည်း မညှာနိုင်တော့။ အဖေနှင့် စီးပွားရေးကွဲလွဲသွားမည့် နည်းလမ်းကို ကြံဆ လာသည်။
    ကျွန်တော်တို့ရွာတွင် ဆံပင်ညှပ်ဆိုင် တစ်ဆိုင်တည်းသာရှိ၏။ ထိုဆိုင်တွင်လည်း ဆိုင်ရှင် တစ်ယောက်တည်း သာရှိလေရာတစ်နေ့ ထိုဆိုင်ရှင်ဖျားလေ၏။ ကျွန်တော်တို့ရွာမှ ဆံပင်ညှပ်ချင်သူ များနှင့် ပတ်ဝန်းကျင်ရွာ များမှ ဆံပင်ရှည်နေသူများ အတော်ကသိကအောက်ဖြစ်နေကြသည်ကို ကျွန်တော် သိရလေသည်။

    ကျွန်တော်သည် ချက်ခြင်းပင် ထိုလုပ်ငန်းကို လုပ်ရန်သတိရသည်။ သတိရသည်နှင့်ပင် အဘိုးလေးထံ၌ အဖေ အပ်ထားသော ငွေထဲမှ ငွေတစ်ရာတောင်းကာ ရန်ကုန်သို့ ထွက်လာခဲ့တော့ သည်။ ရန်ကုန်တွင် ဆံပင်ညှပ် သမားတစ်ယောက်ကို ရှာ၍ငှားသည်။ ဆံပင်ညှပ်သမားရသောအခါ ဆံပင်ညှပ်ဆိုင် ဖွင့်လိုက်လေ သည်။
    အဖေလည်း ကျွန်တော့်၏လုပ်ပုံကိုင်ပုံ မြန်ဆန်လွန်း ၍ အံ့သြနေသည်။ ကျွန်တော့်ကို လည်း သူ့မတိုင်ပင်ဘဲ လုပ်ရကောင်းလားဟု အပြစ်တင်သည်။
    “ဒီမှာ အဖေ၊ ကျွန်တော့်မှာ သားတစ်ယောက်က နှစ်ယောက်ရှိလာပြီ။ ကျွန်တော်ရဲ့ကိုယ် ပိုင်လုပ်ငန်းဆိုလို့ ဘာတစ်ခုမှမရှိသေးဘူး။ ဒါ့ကြောင့် အကွက်ဆိုက်တုန်း အဖေ့ကို မတိုင်ပင်ဘဲ လုပ် လိုက်ရတာပဲ။ အဖေ့တိုင်ပင်နေရင် အကြံပျက်သွားမှာစိုးလို့ပါ”
    “ငါ့မှာရှိတဲ့ ပစ္စည်းဟာ မင်းဥစ္စာချည့်ပဲမို့လား။ မင်းအပြင် ဘယ်သူကများ အမွေခံခွင့်ရှိသေး သလဲ”
    အဖေက မကျေမနပ်နှင့် ပြောပြန်သည်။

    “အမှန်ပြောရရင် ကျွန်တော် တောထဲမှာ ကျွဲကျောင်းရပြီ အဖေ။ ကျွန်တော်ဟာ ရွှံထဲနွံထဲ မိုးရွာနေပူထဲမှာ လုပ်ရတဲ့ အလုပ်မျိုးကို နည်းနည်းမှ မလုပ်ချင်ဘူး။ အရိပ်ထဲမှာနေပြီး ပိုက်ဆံရတဲ့ အလုပ်မျိုးကိုပဲ လုပ်ချင် တယ်။ နောက်တစ်ခုက ကိုယ်စွမ်းကိုယ်စနဲ့ စီးပွားရှာချင်တယ်။ မိဘရဲ့နို့ သက်ကို ခံမစို့နေချင်တော့ဘူး”
    အဖေ သည် ကျွန်တော်အား စိမ်းစိမ်းတစ်ချက် စိုက်ကြည့်လိုက်ပြီး ဘာမျှမပြောတော့ဘဲ မကျေမနပ်နှင့် ငြိမ်၍ နေလေသည်။
    ကျွန်တော်၏ဆံပင်ညှပ်ဆိုင်မှာ ဖွင့်သည့်နေ့၌ပင် ငွေတစ်ဆယ်ကျော်လောက်ဝင်သော ကြောင့် ကျွန်တော်မှာ အားတက်နေမိသည်။ ဆံပင်ညှပ်သမားမျာလည်း အတော်ဖား၍သွား၏။ ကျွန်တော်သည် ဤလုပ်ငန်းဖြင့် ကြီးပွားချမ်းသာရေးကို လုပ်ကိုင်တော့မည်ဟုလည်း ဆုံးဖြတ် လိုက်ပါသည်။

    ရွာမှလူများသည် ကျွန်တော့်အား အလုပ်အကွက်မြင်သည်ဟု ချီးကျူးသူက ချီးကျူးပြီး ဆတ္တာသည် အလုပ် ကိုမှ လုပ်ရကောင်းလားဟု အပြစ်ဆိုသူက ဆိုကြသည်။
    ခင်စန်းကြည်မှာ ကျွန်တော်ကိုယ်တိုင် ရှာဖွေသော ငွေကြေးကို ကိုယ်တိုင်သုံးစွဲရသော ကြောင့် ဝမ်းသာနေသည်။ ကျွန်တော်မှာလည်း တောကြီးမျက်မည်းတွင် ကျွဲကျောင်းရသော ဝဋ် ကြွေးမှ လွတ်ကင်းနေပြီဖြစ်သောကြောင့် ပျော်မဆုံး ရွှင်မဆုံးရှိနေသည်။ ဆိုင်မှာလည်း ဝင်ငွေ ကောင်းနေ၏။ ကျွန်တော် သည် စုဗူးတစ်ခုပြုလုပ်ကာ ငါးမူးစေ့နှင့် ဒင်္ဂါးပြားများကို စုဗူး၌ ထည့်၍ စုဆောင်းသည်။
    ကျွန်တော်က လုပ်ငန်းခွဲထွက်ရုံမျှသာမက စားအိုးကိုပါ ခွဲလိုက်သောအခါ အဖေသည် သူ့ အတွက်သူ စီစဉ် ရလေသည်။ အဖေသည် သူ့ထက် အသက် ၅ နှစ်ခန့်ငယ်သော ဆင်းရဲသူ မုဆိုးမ တစ်ယောက်နှင့် အိမ်ထောင်ပြုလေသည်။ ထိုအမျိုးသမီးတွင် သားတစ်ယောက်၊ သမီးတစ်ယောက် နှင့် မောင်၊ တူ၊ တူမများ ရှိကြသည်။ သူတို့အားလုံးပင် အဖေ့အား မှီခိုကြ၏။ အဖေ၏လယ်တဲတွင် ယခင်ကလို ခြောက်သွေ့မနေဘဲ စိုပြေလာသည်။

    အဖေသည် ကျွန်တော့်အား ကျွဲ ၃ ရှဉ်းနှင့် အိမ်ကြီးကို အမွေအဖြစ် ပေးထားသည်။ ပြီး နောက် စပါးဝမ်းစာ များလည်း ပေးသည်။ ကျွန်တော်သည် စပါးဝမ်းစာနှင့် အိမ်ကိုသာမက်မော၍ ကျွဲများအား လိုချင်စိတ်မရှိခဲ့ပေ။ အဖေ့တွင် အိမ်ထောင်နှင့် သာသာယာယာ ဖြစ်သွားခြင်းအတွက် ဝမ်းသာနေမိသည်။ အဖေ ယခုလို အိမ်ထောင်အတည်တကျ ရှိနေခြင်းကြောင့်လည်း ကျွန်တော်၏ ဘဝ ရှေ့ရေးအတွက် ကြံစည်ရာ၌ ပို၍လွတ်လပ်သည်။ နောက်ဆံတင်းစရာ မလိုတော့ချေ။
    ဖျားနေသောဆိုင်ရှင်မှာ ကျန်းမာလာသောအခါတွင် အပြိုင်ပေါ်လာသောကြောင့် အလုပ် ကို ကြိုးစား လုပ်သည်။ ဆက်ဆံရေးတွင် ပို၍ ချောမောပြေပြစ်စွာ ဆက်ဆံသည်။ ကျွန်တော် ရန်ကုန်က ငှားလာသော ဆံပင်ညှပ် သမားမှာ လက်ရာကောင်းသည်မှန်သော်လည်း တောက မကြိုက်။ တော ကကြိုက်သည် မှာ ပြောင်ပြောင်ထစ်ထစ်ဖြစ်၍ သူက ပြေပြေသာသာ ညှပ်ပေးလေ သည်။ ပြီးနောက် သူသည် တောက လူများနှင့် စရိုက်ကိုက်ညီအောင်လည်း မဆက်ဆံတတ်ပေ။ နောက်တစ်ခုမှာ ဆိုင်ဟောင်း သည် လူစည်ကားသော ဈေးပိုင်း၌ရှိ၍ ကျွန်တော်မှာ ရရာဆိုင်ကို ငှားရမ်း၍ ဆိုင်တည်ရလေရာ ကျွန်တော့် ဆိုင်မှာ လူ မစည်သော ရွာလယ်ပိုင်း၌ ရှိသောကြောင့် တစ် နေ့တစ်ခြား ရေနည်းငါးသို့ ဆိုသကဲ့သို့ အလုပ်ပါး ၍ ပါး၍ လာလေတော့သည်။

    ကျွန်တော်သည် လူငှားအလုပ်သမားအား လက်ရာပြင်ဖို့နှင့် တောကလူများနှင့် ဆက်ဆံပုံ ဆက်ဆံနည်းများကို ပြောပြနေ၏။ သို့သော် မရ။ အလွန်ခေါင်းမာသူ ဖြစ်နေလေသည်။ ကျွန်တော် မှာ သူ့အားပြော၍ ဆို၍ မရသောအခါတွင် ဆိုင်နေရာရွှေ့ပြောင်းဖို့ကို ကြိုးစားရသည်။ ဈေးပိုင်းရှိ ကျွန်တော်နှင့် ဆွေရိပ်မျိုးရိပ်မကင်းသူများ၏ ပန်းတိမ်ဖိုဘေးမှ အခန်းကလေးကို မရအရ ငှားကာ ဆိုင်ပြောင်း လိုက်ပါသည်။
    ဆိုင်ပြောင်းခြင်းအတွက် ဆိုင်လခသာ ဈေးပိုများလာပြီး ဝင်ငွေမှာ သိပ်ထူးခြားမှုမရှိဘဲ ဖြစ်နေပြန်သည်။ ကျွန်တော့်အလုပ်သမားသည် ထိုအခါ၌ ရန်ကုန်သို့ ပြန်ပြေးသွားလေတော့၏။
    ကျွန်တော်မှာ ဆံပင်ညှပ်ပညာကို ကောင်းစွာမတတ်သေးဘဲနှင့်ပင် ဆိုင်နှင့်တန်းလန်းကြီး ကျန်နေ ခဲ့တော့ သည်။ နောက်ထပ်အလုပ်သမားရှာငှား၍လည်းမရ။ ဒုက္ခ လှလှကြီးရောက် ၍ နေရ လေတော့၏။
    အလုပ်သမားစုံစမ်းနေဆဲ တတ်သမျှနှင့်ပင် ကလေးခေါင်းများ ခင်မင်ရာ ခင်မင်သူများကို ညှပ်ပေးနေခဲ့ရာ တစ်နေ့မှ သုံးမူးတမတ်မျှသာ စီလေတော့သည်။ ကျွန်တော်မှာ ဟန်မပျက် နေ့စဉ် ဆိုင်ဖွင့်နေသော် လည်း စိတ်ပျက်လှလေပြီ။ ဟုတ်ပါ၏။ ဤအတိုင်းသာဆိုက ဆိုင်ငှားစရိတ်ကြေဖို့ ပင် ခဲယဉ်းနေလေပြီ မဟုတ်ပါလား။

    ကျွန်တော်သည် လှည်းကူး၌ ဆံပင်ညှပ်အလုပ်သမား သွားရှာသည်။ သခင်တိုး ဆံပင် ညှပ်ဆိုင်၌ လူငယ်တစ်ဦးကို တွေ့ရသည်။ သူ့နာမည်မှာ မောင်မြကြီးဟု သိရ၏။ သူသည် ကျွန်တော့်ဆိုင်တွင်လိုက်၍ အလုပ် လုပ်ချင်သည်။ သို့သော် သူက ဆံပင်ညှပ်ပညာသင်နေဆဲဖြစ်၍ ကောင်းစွာ မတတ်မြောက်သေးသောကြောင့် ခက်နေပေသည်။
    ကျွန်တော်သည် ရွာသို့ပြန်လာပြီး ဆိုင်ပြန်ဖွင့်သည်။ စိတ်ကူးထုတ်၍ ကြိုးစားခြင်းကြောင့် လည်း ဘိုကေပုံ ကို အသင့်အတင့်ဖြစ်အောင်၊ ကောင်းအောင် ညှပ်တတ်သော်လည်း အချိန်သိပ် ကြာမှ ပြီးလေသည်။ ကျွန်တော် က ဆိုင်သို့ ဆံပင်ညှပ်သူအလာများအောင် နည်းသစ်တစ်ခုကို ထွင်လိုက်သည်။ ဆံပင်ညှပ် လာ သူများအား အောင်ဘာလေလက်မှတ် ထုတ်ပေး၍ လက်ပတ်နာရီ၊ ဖောင်တိန်၊ ခေါင်းလိမ်းဆီဗူးတို့ကို ၃-လ တစ်ကြိမ် အောင်ဘာလေ မဲဖောက်မည်ဟု သတင်းလွှင့် လိုက်သည်။

    ယခင်ကထက် လူဝင်အနည်းငယ်ပို၍ လာသည်။ ဒါပေမယ့် သိပ်ပြီး ထူးခြားမလာခဲ့ချေ။ ယင်းသို့ ကျွန်တော့် ဆိုင်ကို လူမလာခြင်းမှာလည်း အကြောင်းရှိပါတယ်။ ကျွန်တော်မှာ မြန်မြန် မညှပ်တတ်ခြင်းနှင့် လူတိုင်း လူတိုင်းနှင့်လည်း အဆင်ပြေအောင် မဆက်ဆံတတ်ခြင်းပင် ဖြစ်ပါ သည်။ ကျွန်တော် ၏ ပင်ကိုယ်စိတ်ထား၌ကပင် မည်သူကိုဖြစ်စေ မှန်တန်းသာဆက်ဆံချင်သည်။ နိမ့်သူကိုစီး၍ မြင့်သူကို ပင့်မ မဆက်ဆံတတ်ချေ။
    တစ်ဖက်ဆိုင်မှ ဆံပင်ညှပ်သူသည် တစ်ရပ်တစ်ကျေးမှ လာရောက်နေထိုင်သူဖြစ်သည်။ ဂုဏ်ရှိသူများအား အောက်ကြို့ခံရသည်။ သူ့ဆိုင်လာသူ ဖောက်သည်များက ဘာပြောပြော ခေါင်း ငုံ့ ခံသည်။ သူသည် ငွေရဖို့တစ်ခုကိုသာ ကြည့်သူဖြစ်လေ၏။ ထို့ကြောင့် ဆံပင်ညှပ်သူတွေ သူ့ဆိုင် ၌ များနေလေ သည်။

    ကျွန်တော်သည် စီးပွားရေးကို မည်မျှအဓိကထားသည်ဆိုစေ ထိုသူကဲ့သို့ မကျင့်နိုင်ပေ။ လူအချင်းချင်း အောက်ကျမခံလို။ ကိုယ်က အလုပ်လုပ်ပေး၍ သူက လုပ်ခပေးခြင်းဖြစ်သည်။ အမှန်က ဆိုင်သို့ ဆံပင်ညှပ်လာသူများသည် သူတို့၏လှပမှု၊ သပ်ရပ်မှုအတွက် လာရောက် အလှပြု ပြင်ခြင်းဖြစ်၍ ဆံပင်ညှပ်သမားကလည်း အလှပြုပြင်ပေးခယူခြင်းသာည ဖြစ်သည်။ သူတို့အား ဝတ္တရား ရှိသည်ထက် ပို၍ အောက်ကျပေးစရာမလိုဟု ကျွန်တော်က ယူဆထားသည်။
    ရွာမှ ဘဝင်မြင့် ရောဂါရှိသူ ကြေးရည်တတ်များသည် ကျွန်တော့်အပေါ် ဆက်ဆံရာ၌ ယခင်ကလို မဟုတ်တော့။ တစ်ဖက်တိုင်မှ လူကို ဆက်ဆံနည်းမျိုး ဆက်ဆံချင်ကြသည်။ ကျွန်တော်ကလည်း မခံ။ သူတို့က
    “ဟေ့ကောင်” ဟုခေါ်လျှင် ကျွန်တော်ကလည်း
    “ဘာလဲ” ဟု ခပ်မာမာထန်ထန်ပင် ပြန်၍ ထူးလေသည်။ ထို့ကြောင့်လည်း ကျွန်တော့် အား ကြေးရည်တတ် ဘ၀င်ကိုင်သူများက မုန်းတီးလာကြလေသည်။ ကျွန်တော်မှာ အိမ်ထောင်ရေးလည်း အဆင်မပြေ၊ စီးပွားရေးလည်း အဆင်မပြေဖြစ်လာသောအခါ စိတ်က ထွေ၍ လာ၏။ ထင်ရာသာ စွပ်၍ လုပ်ပစ်ချင်သည်။ ယင်းသို့ရှိစဉ် ရွာ၌ ရန်ကုန်မှ တရုတ်များလာ၍ အနီ ထောင်ဒိုင် လုပ်ကြလေသည်။ ကျွန်တော်သည် စိတ်ထွေထွှေင့် အနီထောင် ဒိုင် သွားထိုးရာ ငွေ တစ်ရာကျော် အနိုင်ရသည်။

    စိတ်ထဲတွင် ပျော်လာသည်။ သူငယ်ချင်းများနှင့် အက်သောက်ကြသည်။ နောက်တစ်ခါပြန် ၍ အနီထောင်ထိုးပြန်ရာ ပြန်၍ရှုံးသည်။ ကြယ်သီးကြိုးကိုပေါင်၍ ထိုးပြန်သည်။ ရှုံး၏။ ကျွန်တော် စိတ်ညစ် လာသည်။ အရက်ကို ပို၍သောက်၏။ ခင်စန်းကြည်မှာ ကျွန်တော့် အား လောင်းကစား မလုပ်ဖို့ တောင်းပန်သည်။ အရက်မသောက်ဖို့ ပြောသည်။ ကျွန်တော်က သူမစကား ကိုလုံးဝ နားမထောင်။ လုပ်ချင်ရာသာ လျှောက်၍ လုပ်နေတော့သည်။
    ကျွန်တော် ထင်ရာစိုင်းနေချိန်၌ တစ်ဖက်ဆိုင်မှာ အလုပ်တွေ ပို၍ များနေသည်။ တစ်ယောက်တည်း မနိုင်သောကြောင့် သူ့တပည့် လင်မယားအားခေါ်၍ လုပ်နေရသည်။ ထိုဆိုင်ရှင်မှာ သူ့တပည့် လင်မယားအား တစ်နေ့လျှင် ငါးပဲမျှသာပေး၍ အလုပ်ခိုင်းလေသည်။ တပည့် အလုပ်သမားသည် ကျွန်တော့် ထံလာ၍ ပိတ်ထားသောဆိုင်၌ အလုပ်လုပ်ရ ပါရန် တောင်း ပန်လေသည်။ ကျွန်တော်က ထက်ဝက် စားနှင့် ခွင့်ပြုပြီး ဆိုင်သော့ အပ်လိုက်သည်။ သူတို့လင်မ ယားကျွန်တော့်ဆိုင်သို့ ပြောင်းရွှေ့နေထိုင်ကြလေသည်။

    အဖေသည် ကျွန်တော့်အား ကောင်းကောင်းနေဖို့ ဆုံးမသည်။ အဘွားလေး။ အဘိုးလေးတို့ကလည်း ဆုံးမသည်။ အကယ်၍ ဆံပင်ညှပ်အလုပ်ကို မလုပ်လိုက ဆိုင်ကို ပြန်ရောင်းပြီး ယခင်က အတိုင်းနေဖို့ပြောသည်။ ပေါင်ထားသော ကြယ်သီးကြိုးနှင့် လက်ပတ်နာရီ ကြိုးတို့ကို ပြန်ရွေးပေးသည်။
    “ကဲရော့၊ အဲဒါ မင်းနောက်ဆုံးအနေနဲ့ သွားကစား။ နိုင်လည်းတော်၊ ရှုံးလည်းတော်”
    အဘိုးလေးက ငွေအစိတ်ကို ရက်ရောစွာ ပေးလိုက်သည်။ ကျွန်တော်သည် ထိုငွေအစိတ် နှင့် သွားထိုးရာ ငွေနှစ်ရာကျော်နိုင်သည်။ တော်ပြီဟု စိတ်ကိုပိုင်းသော်လည်းမရ။ သူငယ်ချင်းများ ကအရက် တိုက်ခိုင်းကြသည်။ အရက်ဆိုင်ရောက်လျှင် ကျွန်တ်ေပါမူး၏။ မူးလာသောအခါ ပြန်၍ ကစားသည်။ ရှုံးပြန်လေတော့၏။

    ဆံပင်ညှပ်ဆိုင်မှာ ထက်ဝက်စားနှင့် ပေးထားသော်လည်း သူတို့မည်မျှရကြသည်မသိ။ ကျွန်တော့်အတွက် တစ်နေ့မှ တမတ်သုံးမူးရသည်။ ကျွန်တော့်ဆိုင်၌ လာရောက်လုပ်သူမှာ ပထမ ဆိုင်ရှင်ထက် ပင် အောက်ကျခံခြင်း၊ စကားပြောကောင်းခြင်းတို့ကြောင့် လူချစ်လူခင်များကာ ဆိုင်၌ လူစည်သည်။ သို့သော် ကျွန်တော့် အတွက်မူ ငါးမူးထက်ပိုမရတတ်ပေ။
    ကျွန်တော်သည် ဆိုင်ကရသည် မရသည်ကို ဂရုမစိုက်တေ့။ ကစားဝိုင်း အရက်ဆိုင်တို့၌ သာ ပျော်ပိုက်နေခဲ့သည်။ အနီထောင်ဝိုင်းမရှိလျှင် ဖဲရိုက်သည်။ နိုင်သည့်အခါနိုင်၍ ရှုံးသည့်အခါ ရှုံး၏။ နိုင်သည်ဖြစ်စေ၊ ရှုံးသည်ဖြစ်စေ၊ အရက်ဖိုးက မှန်မှန်ပင် ကုန်ကျနေခဲ့ပေသည်။ ၃ လလောက် တေမိ ပေမိသောအခါတွင် ကျွန်တော့်တွင် လက်ဝတ်လက်စားမရှိတော့။ ကျွန်တော့် ဇနီးတွင် လည်း နားကပ်တစ်ရံသာ ကျန်ရှိနေခဲ့ပေသည်။

    ကျွန်တော်သည် တစ်ခုခုကို လုပ်မိပြီဆိုလျှင် ကောင်းသည်ဖြစ်စေ၊ ဆိုးသည်ဖြစ်စေ၊ ဇွတ် တရွတ်ပင် စွဲစွဲမြဲမြလုပ်တတ်သော အကျင့်ရှိခဲ့သည်။ လောင်းကစားနှင့် မူးယစ်သောက်စားခြင်းများ မကောင်းမှန်း ကျွန်တော်သိသည်။ ဒါပေမယ့် ထိုအလုပ်ကို မဖြတ်ဘဲဆက်၍သာလုပ်နေခဲ့သည်။ နောက်ဆုံးတွင် ဆိုင်တွင်အလုပ်လုပ်သူအား ဆိုင်ကို ၇၅ ကျပ်နှင့် ရောင်းပစ်လိုက်သည်။ ဤမျှ အောက်ကျ၍ လူအထင်သေးသော အလုပ်မျိုးကိုလည်း လုပ်မစားတော့ဟု စိတ်ကိုဆုံးဖြတ်လိုက် လေသည်။

ဆက်ရန်
Ref: ရွှေစင်ဦး